ភ្នំពេញ៖ស្រីស្អាតហ៊ិន ច័ន្ទនីរ័ត្ន បានបង្ហាញដំណើរកម្សាន្ដនៅប្រទេសបារាំងបើទោះជានៅទីនោះកូវីដកំពុងតែផ្ទុះខ្លាំងក្ដី តែនាងត្រូវតែទៅដើម្បីបន្ធូរអារម្មណ៍និងភាពតានតឹងក្នុងចិត្ត។ពិធីការិនីច័ន្ទនីរ័ត្ន មិនបង្ហាញឲ្យគេឃើញទេថានាងរួមតំណើរជាមួយអ្នកណានោះទេតែការចេញក្រៅស្រុករបស់ស្រីស្រស់ធ្មេញចំពើសរូបនេះគឺចំពេលដែលលោកចេន ដែលធ្លាប់តែបង្ហាញភាពស្និតស្នេហ៍ជាមួយនាងនោះបានភ្ជាប់ពាក្យជាមួយស្រីស្រស់ម្នាក់ឈ្មោះវ៉ាន់ លក្ខិណា កាលពីថ្ងៃទី៧ខែមកឆ្នាំ២០២២ ដែលពិធីនោះមានទាំងការចូលរួមពីលោកឃុំ ប៉ុណ្ណាដែត និងអ្នកនាងយក់ ថិតរដ្ឋា ផងដែរ។លោកចេន ប្រកាសសារថា”ស្នាមញញឹមពិតប្រាកដ ដែលនាងផ្ដល់ឲ្យខ្ញុំ07 2022 engaged”។
អ្នកយកព័តមានយើងមិនអាចសុំការបំភ្លឺពីហ៊ិន ច័ន្ទនីរ័ត្ន បានទេកាលពីពេលថ្មីៗនេះព្រោះទូរស័ព្ទតេមិនចូលឡើយ។យ៉ាងណាបើតាមរូបភាពជាច្រើនដែលនាងបានបង្ហោះលើហ្វេសបុកនោះបង្ហាញឲ្យឃើញថាពេលនេះនាងកំពុងតែនៅលំហែកាយ៉ានៅទីក្រុងប៉ារីសប្រទេសបារាំងមិនទាន់វិលវិញឡើយ។ប៉ុន្ដែការដើរលេងនោះនីរ័ត្ន ហាក់មានទឹកមុខក្រៀមក្រំស្រពោនចិត្តជាងរាល់លើកគឺមើលទៅដូចជាអ្នកកំពុងតែមានវិបត្តិផ្លូវចិត្តអ្វីម្យាង ព្រោះថាក្រៅពីតារាចម្រៀងលោកចេន ដែលគេសង្ស័យថាជាសង្សាររបស់នាងភ្ជាប់ពាក្យចោលនោះមុននេះពិធីការិនីធ្មេញចំពើសក៍រងការរិះគន់រឿងគេចោទប្រកាន់ថានាងមិនស្គាល់ម្ដាយនិងប្អូនស្រីផងដែរ។
គូររំលឹកថាហ៊ិន ច័ន្ទនីរ័ត្ន បានបង្ហាញភាពល្អូកល្អិនជាមួយលោកចេន ដូចជាគូសង្សារដោយអ្នកទាំង២ជិះទូកលំហែកាយ៉ាជាមួយគ្នានៅតំបន់ទេសចរណ៍មួយចំនួនកាលពីដើមខែមេសាឆ្នាំ២០២១ ហើយតារា១គូនេះថែមទាំងបញ្ចេញសារភាសារស្នេហាជាចំហនៅលើបណ្ដាញសង្គមទៀតផង។ប៉ុន្ដែអ្វីដែលគូរឲ្យកត់សម្គាល់នៅរយៈពេលចុងក្រោយនេះច័ន្ទនីរ័ត្ន ចេះតែក្រៀមស្រពោនចិន្ដា មិនសូវរីករាយសោះដោយនាងងាកទៅស្និតស្នាលជាមួយលោកសេង មង្គល ទៅវិញហើយស្រាប់តែពេលនីរ័ត្ន ទៅដើរលេងឆ្ងាយដល់បារាំងលោកចេន ភ្ជាប់ពាក្យជាមួយនារីរូបស្រស់នាងលក្ខិណា ភ្លែតតែម្ដង។យ៉ាងណាFan របស់ច័ន្ទនីរ័ត្ន នៅតែសរសើរថានាងតារាស្រីស្អាតដែលទោះជាទៅដល់ទីណាក៍សម្រស់របស់នាងតែងតែលេចត្រដែតគ្រប់ពេលតែម្ដង។
ហ៊ិន ច័ន្ទនីរ័ត្ន ជាអតីតFreshie លេខ១កាលពីឆ្នាំ២០០៧ ដែលធ្លាប់ប៉ៈស្នេហាមិនសូវសមប្រកបជាច្រើនសារដូចជាកន្លងមកធ្លាប់លេចឭថានាងមានស្នេហាជាមួយឯកឧត្តមក្មេងលោកពិសិទ្ធិ,នាយចេក(ព្រីង ច័ន្ទបុត្រ),និងបុរសម្នាក់ដែលជាកូនមន្រ្ដីធំរៀបការចោលនាងឆ្នាំ២០១៧ ជាដើម។ប៉ុន្ដែច័ន្ទនីរ័ត្ន មិនដែលបង្ហាញទុក្ខសោកឲ្យគេឃើញថានាងមានវិបត្តិដួងចិត្តនោះទេ តែផ្ទុយទៅវិញនាងនៅតែឈជើងយ៉ាងរឹងមាំក្នុងវិថីសិល្បៈ ហើយអ្វីដែលតារារួមអាជីពតែងតែសរសើរនាងនោះគឺតារាតូចច្រឡឹងរូបនេះមិនយកទឹកលុយជាធំនោះទេ។ការអះអាងបែបនេះដោយសារតែកន្លងមកធ្លាប់លេចឭថាមានបុរសទ្រព្យស្ដុក,ឧកញ៉ាៗនិងមន្រ្ដីធំៗមួយចំនួនតាមស្នេហានាងដោយហ៊ានប្រគល់អ្វីៗគ្រប់បែបយ៉ាងជូននីរ័ត្ន ទៀតផងឲ្យតែនាងព្រមប្រគល់បេះដូង។ប៉ុន្ដែនីរ័ត្ន មិនអើពើឬជ្រួលជ្រើមដោយសារតែប្រុសចង់ជះលុយមកលើនាងឡើយ។តារារួមអាជីពជាច្រើនបានឲ្យដឹងថាបុរសដែលអាចនៅក្បែកាយ៉ានីរ័ត្ន បានគឺអាចទៅរួចលុះត្រាតែនាងស្រលាញ់ដែរទើបជោគជ័យ។តែបើមានតែទ្រព្យអត់ក្មេងសង្ហារនោះនីរ័ត្ន មិនបេតីឡើយ។
ហ៊ិន ច័ន្ទនីរ័ត្ន ឆ្នាំនេះឈានចូលវ័យ២៨ឆ្នាំហើយតែសម្រស់របស់នាងនៅក្មេងជាងវ័យឆ្ងាយដែលសាច់កាន់តែរលើបរលោងសខ្ចីម៉ដខៃ។គេជឿរថាស្រីស្អាតដូចច័ន្ទនីរ័ត្ន បា្រកដជាមានបុរសជាច្រើនចាំត្រងស្នេហាហើយមិនយូទេនាងប្រាកដជានឹងរកបានម្ចាស់បេះដូងថ្មីជាមិនខាន ខណៈដែលកន្លងមកនាងធ្លាប់ប្រាប់ថាចង់រៀបការនៅវ័យ៣០ឆ្នាំពោលគឺ២០២៤ ខាងមុខនេះ៕
