ភ្នំពេញ៖មាស សុខសោភា បានហៅយុវជនម្នាក់ដែលមានឈ្មោះហ្វេសបុកថាBovee Hundley ថាជា”កូនៗ”ដដែលបើទោះជាថ្មីនេះមានការអះអាងពីបុរសម្នាក់មានហ្វេសបុកឈ្មោះថាTino Jessy ដែលជិតដិតនាងថាក្មេងប្រុសខាងលើដែលមានអាយុ១៤ឆ្នាំនោះជាក្មួយនាងក៍ដោយ។តាមរយៈTik Tok កាលពីពេលថ្មីៗនេះសោភា ថានាងធ្វើម្ហូបឲ្យកូន(Bovee Hundley )ញាំ ទើបធ្វើឲ្យមានភាពច្របូកច្របល់កាន់តែខ្លាំងពីសំណាក់អ្នកគាំទ្រសោភា ដោយពួកគេថែមទាំងប្រកែកគ្នាយ៉ាងតឹងសសៃកទៀតផង។Fan សោភា ខ្លះលើកឡើងថាគេមិនដែលឃើញIdol ពពោះម្ដងណាទេ អីចឹងតើឲ្យមានកូនម៉េចនិងកើតទៅ?ប៉ុន្ដែខ្លះទៀតថាសោភា ធ្លាប់ទៅកាណាដារយៈពេលជាង១ឆ្នាំជាមួយស្វាមីនាងអីចឹងអំឡុងនោះបើសិនជាពួកគេចង់យកកូនមិនឲ្យគេដឹងគឺប្រាកដជាអាចទៅរួច…។
មាស សុខសោភា បានធ្វើឲ្យមានការរិះគន់ផងសរសើរផងជុំវិញការការធ្លាយរូបអាពាហ៍ពិពាហ៍របស់នាងគម្រប់ខួប១២ឆ្នាំកាលពីថ្ងៃទី២៨ខែធ្នូឆ្នាំ២០២១ ដែលពិធីរៀបការបែបលក្ខណៈសែនព្រេនរបស់នាងនោះគឺគេឃើញមានតែលោកឆន សុវណ្ណារាជ និងញឹម ចាន់ថន ឡើងកួចដៃប៉ុណ្ណោះហើយបើប្រៀបធៀបមង្គលការជាមួយឱក សុគន្ធកញ្ញា ខុសគ្នាដូចមេឃដីអីចឹង។យ៉ាងណាមនុស្សមួយចំនួនបែជាសរសើរសុខសោភា ទៅវិញថានាងជាតារាដែលមានជីវភាពធូធារម្នាក់ចង់រៀបការធំបែបណាក៍អាចទៅរួច តែសោភា មិនចង់ខ្ជះខ្ជាយលុយកាក់អត់ប្រយោជន៍ទើបទោះជានាងល្បីយ៉ាងណាតែរៀបការដូចអ្នកមានជីវភាពខ្វះខាតអីចឹង ព្រោះសំខាន់ស្នេហាថាតើមនុស្ស២នាក់អាចកាន់ដៃគ្នាតទៅទៀតបានដែរឬអត់?ដោយឡែកខ្លះទៀតបានចាត់ទុកសោភា ថាជា”កំពូលតារាពូកែលាក់”ព្រោះរៀបការដូចសែន នោះទាល់តែ១២ឆ្នាំទើបឲ្យលោកសុវណ្ណារាជ ទម្លាយចេញមក ដែលការស្ម័គ្រចិត្តព្រមបញ្ចេញរូបភាពនោះគឺដើម្បីទប់ស្កាត់រឿងគេរិះគន់ថានាងសាងស្នេហ៍ជាមួយអាណិកខ្មែរមកពីកាណាដល់ទៅ១៤ឆ្នាំតែមិនហ៊ានរៀបការតាមប្រពៃណីខ្មែរមានខាន់ស្លារត្រឹមត្រូវដូចគេ។
គូរបញ្ជាក់ថាមាស សុខសោភា បានភ្ជាប់ស្នេហ៍ជាមួយអាណិកជនខ្មែរមកពីកាណាលោកគ្រូពេទ្យអ៊ឹត រ៉ាដា កាលពីឆ្នាំ២០០៧ ហើយកាលពីឆ្នាំ២០០៨ នាងធ្លាប់អះអាងថាបានរៀបការតាមបែបសានាគ្រិស្ដម្ដងរួចទៅហើយនៅកាណាដាដែលកាលនោះគ្រាន់តែចូលព្រះវិហារនិងបំពាក់ជញ្ជៀនឲ្យគ្នាទៅវិញទៅមក។សោភា ធ្លាប់ថានាងមិនដែលមានចិត្តចង់រៀបការជាចំហនោះម្ដងណាទេ តែរឿងដែលនាងបារម្ភគឺអាយុកាន់តែច្រើនពិបាកយកកូន៕
