កំពង់ស្ពឺ៖ទស្សនិកជនដែលតាមដានកម្មវិធីប្រលងចម្រៀងលំដាប់ពិភពលោកBeat Best របស់ហ្សមាសប្រាកដជាបានស្គាល់ហើយថាបេក្ខជនវ័យ២៧ឆ្នាំដែលលេចធ្លោលើឆាកជាបន្ដបន្ទាប់នោះគឺលោកវណ្ណ ណារ៉ា ។បុរសមានរូបរាងសង្ហារ ខ្ពស់ស្រឡះ រូបនេះតែងតែធ្វើឲ្យគណៈកម្មាការសរសើរព្រោះលោកបានបញ្ចេញសម្ថភាពច្រៀងបានល្អគ្រប់វគ្គមិនដែលភ្លាត់ម្ដងណាទេ ទើបធ្វើឲ្យលោកបានជាប់រហូតមកដល់វគ្គនេះ។ លោកវណ្ណ ណារ៉ា បានបង្ហោះសារនៅលើហ្វេសបុកថាលោកមានមោទនភាពខ្លាំងណាស់ដែលបានឆ្លងកាត់ពីមួយវគ្គ ទៅមួយវគ្គ។ជាមួយគ្នានេះដែរអ្នកគាំទ្របេក្ខភាពរូបនេះថាបើលោកវណ្ណ ណារ៉ា ជាប់ទៅវគ្គពិសេសLive Show នោះច្បាស់ជាលោកនឹងកាន់តែធ្វើឲ្យគេចាប់អារម្មណ៍ថែមទៀត និងកាន់តែលេចធ្លោជាមិនខាន។
ក្រៅពីកំពុងតែធ្វើឲ្យគេតាមដានដោយជក់ចិត្តនោះលោកវណ្ណ ណារ៉ា ក៍ធ្លាប់បង្ហាញខ្លួនក្នុងកម្មវិធីច្រៀងអាហ្វែមង្គលការជាច្រើនឆ្នាំមកហើយទើបធ្វើឲ្យគេស្គាល់និងចាប់អារម្មណ៍លោកកាន់តែច្រើន ខណៈដែលអ្នករួមអាជីពក៍បានសរសើរពីសម្ថភាពរបស់លោកណារ៉ា ថាប្រើសម្លេងបត់បែនពីបទមួយទៅមួយបានយ៉ាងល្អណាស់។យ៉ាងណានេះមិនមែនជារឿងចៃដន្យនោះទេ ព្រោះតារាចម្រៀងវណ្ណ ណារ៉ា បានតស៊ូប្រឹងដុសខាត់សម្ថភាពខ្លាំងណាស់ដើម្បីចង់សម្រេចក្ដីសុបិនដ៍ធំនាពេលនេះ។
កន្លងមកគេបានឃើញលោកវណ្ណ ណារ៉ា ធ្លាប់បង្ហាញខ្លួនក្នុងកម្មវិធីសប្បុរសធ័មជាមួយតារាចម្រៀងល្បីៗជាច្រើនកម្មវិធីមកហើយពិសេសគឺកម្មវិធីរបស់លោកប៊ុត ចន្ថា ហៅបងម៉ៅ ដែលជាអ្នកជំនួញសប្បុរសធ័មម្នាក់នៅខេត្តកំពង់ស្ពឺ។អំឡុងពេលពេលដេលលោកណារ៉ា កំពុងតែឆក់បានការគាំទ្រច្រើនពីទស្សនិកជនក្រោយលោកបញ្ចេញសម្ថភាពកម្មវិធីBeat Best នោះធ្វើឲ្យអាជីពចម្រៀងរបស់លោកកាន់តែស្ទុះឡើងកូដជាងមុនផងដែរបើទោះជាកម្មវិធីប្រលងមួយនេះមិនទាន់បញ្ចប់ក្ដី។យ៉ាងណាមហាជននឹងកាន់តែបានឃើញសម្ថភាពរបស់តារាចម្រៀងរូបនេះកាន់តែច្បាស់ថែមទៀតនៅវគ្គសំខាន់ៗរបស់Beat Best ដែលគេជឿរថាលោកនឹងបានឆ្លងផុតហើយឆ្ពោះទៅវគ្គកាន់តែសំខាន់ជាមិនខាន៕
