ភ្នំពេញ៖ការធ្លាយរឿងមាស សុខសោភា រៀបការលួចលាក់កាលពីថ្ងៃទី២៨ខែធ្នូឆ្នាំ២០០៩ នោះមិនមែនជារឿងល្អសម្រាប់តារាចម្រៀងល្បីល្បាញរូបនេះឡើយព្រោះសន្ទុះនៃការរិះគន់ច្រើនជាងការគាំទ្រដោយសារតែសោភា ជាលំដាប់តារាជូរមុខម្នាក់តែមង្គលការរបស់នាងមានភាពខុសគ្នាពីសុគន្ធ និសា ,ឱក សុគន្ធកញ្ញា និងសួស វីសា ជាដើម។អ្នកគាំទ្រសុខសោភា ចង់ឃើញតារាចម្រៀងសំនៀងផ្អែមរូបនេះរៀបការឲ្យផ្អើលមេឃដូចឱក សុគន្ធកញ្ញា ដែរព្រោះថាកេរ្តិ៍ឈ្មោះតារាទាំង២ត្រដមត្រសងគ្នាជាង១០ឆ្នាំមកហើយអីចឹងមិនអាចរៀបការខុសគ្នាដូចមេឃនិងដីយ៉ាងនេះបានទេ។
សូមរំលឹកថាមាស សុខសោភា ធ្លាប់ប្រាប់អ្នកយកព័តមានយើងថានាងក៍ធ្លាប់រៀបការជាមួយលោកអ៊ឹត រ៉ាដា តាមបែបសាសនាគ្រិស្ដម្ដងរួចទៅហើយកាលពីឆ្នាំ២០០៨ ដែលធ្វើនៅព្រះវិហារមួយនៅកាណាដា ហើយនាងនិយាយត្រង់ៗថាមិនធ្លាប់ចង់រៀបការជាចំហម្ដងណាឡើយ។តែមានពេលខ្លះសោភា បែជាផ្ដល់ចម្លើយប្រែប្រួលថាអាច២ទៅ៣ឆ្នាំទៀតនឹងអាចមានកម្មវិធីពិសេសនេះហើយ។ដោយឡែកកាលពីឆ្នាំ២០២១ មានព័តមានថាសុខសោភា ចង់ធ្វើឲ្យFan របស់នាងSurprise តាមរយៈការរៀបការជាមួយលោករ៉ាដា ដោយចំណាយលុយជាង១០ឆ្នាំដុល្លារឯណ្ណោះ។ប៉ុន្ដែផែនការណ៍នេះបានរងបរាជ័យសារជាថ្មីព្រោះកូវីដផ្ទុះពេក ទើបធ្វើឲ្យមានការលេចឭថានៅឆ្នាំ២០២២ នេះជាពេលវេលាដ៍ល្អបំផុតសម្រាប់សុខសោភា ក្នុងការវិលទៅសម្រេចបំណងគ្រងឈុតកូនក្រមុំមែនទែនដោយចំហនេះ។ការដែលគេច្បាស់រឿងសុខសោភា ត្រូវតែរៀបការជាលើកទី៣នោះដោយសារតែក្រោយធ្លាយរូបនាងរៀបការកាលពីថ្ងៃទី២៨ខែធ្នូឆ្នាំ២០២២ នោះធ្វើឲ្យមហាជនជជែកគ្នាលើរូបភាពនោះថាតើសោភា រៀបការឬពិធីសែនព្រេន?ការលើកឡើងបែបនេះដោយសារតែក្នុងកមម្មវិធីសែនកួចដៃរបស់សោភា និងស្វាមីនោះ មានតែលោកឆន សុវណ្ណារាជ និងញឹម ចាន់ថន ប៉ុណ្ណោះដែលឡើងកួចដៃ។ប៉ុន្ដែគេជឿរថារូបភាពទាំងនោះត្រូវបានលោកសុវណ្ណារាជ ហ៊ានទម្លាយចេញដោយសារតែប្រាកដជាមានការយល់ព្រមពីមាស សុខសោភា ជាមុនមិនខានបើមិនដូច្នេះទេ ច្បាស់ជាលោកសសុវណ្ណារាជ មិនហាមទម្លាយឡើយ។ចំពោះការដែលសោភា ស្ម័គ្រចិត្តឲ្យសុវណ្ណារាជ បង្ហោះរឿងរូបថតអាពាហ៍ពិពាហ៍របស់នាងដែលធ្វើឲ្យមានការពិបាកបែងចែកថាតើជាពិធីរៀបការ ឬសែនព្រេន នោះគឺនាងមានចេតនាចង់បន្សាបការរិះគន់ទាំងឡាយដែលថានាងសាងស្នេហ៍រយៈពេល១៥ឆ្នាំតែគ្មានខាន់ស្លា ព្រោះតែមិនហ៊ានរៀបការដោយសារតែបារម្ភពេលមានប្ដីទៅធ្លាក់កូដលែងល្បីទៀត។តែសុខសោភា ធ្លាប់ប្រឆាំងនិងការយល់ឃើញបែបនេះដោយនាងថាបច្ចុប្បន្នអ្នកណាៗក៍បានដឹងថានាងកំពុងរួមរស់ជាមួយពីណាដែរ ហេតុនេះហើយការមិនទាន់រៀបការចំហមិនមែនមកពីហេតុផលមួយនេះឡើយ។
មាស សុខសោភា បានផាត់ចោលសំណើរស្នេហ៍ពីសំណាក់មន្រ្ដីធំៗដើម្បីភ្ជាប់ស្នេហ៍ជាមួយលោកគ្រូពេទ្យអ៊ឹត រ៉ាដា ហើយ ក្រោយធ្លាយរឿងរូបនាងរៀបការនៅថ្ងៃខួបអាពាហ៍ពិពាហ៍១២ឆ្នាំនោះមកសោភា បានធ្វើឲ្យអ្នកតាមដានរឿងស្នេហារបស់ នាងឡើងវិលក្បុងអស់តែម្ដងព្រោះតែនាងបានហៅយុវវជនម្នាក់ដែលមានហ្វេសបុកឈ្មោះBovee Hundley អាយុ១៤ឆ្នាំ នោះថាជាកូនៗ ទើបFan របស់សុខសោភា ថាបង្វិលភពហើយព្រោះសោភា ទើបរៀបការ១២ឆ្នាំតែមានកូនអាយុ១៤ឆ្នាំ។យ៉ាងណាភ្លាមៗនោះបុរសម្នាក់ទៀតមានហ្វេសបុកឈ្មោះថាTimo Jessy បានចេញមកការពារសោភា ដោយអះអាងក្មេងប្រុសខាងលើនោះមិនមែនជាកូនរបស់សោភា នោះទេតែជាក្មួយរបស់នាងឈប់ច្រឡំទៀតទៅ។ប៉ុន្ដែសោភា នៅតែមានៈដោយថាយុវជនខាងលើជា”កូន”របស់នាងដដែល ដូចជាពេលខ្លះនាងកំពុងធ្វើម្ហូប ហើយថា”ដល់ ម៉ោងធ្វើម្ហូបឲ្យកូន(Hundley)ញាំហើយ!”។យ៉ាងណាទស្សនិកជនរងចាំមើលថានៅឆ្នាំ២០២២ នេះសុខសោភា នឹងពិតជាក្លាហានដឹកដៃលោករ៉ាដា រៀបការជាសាធារណៈដើម្បីបញ្ចប់ពាក្យវាយប្រហារមកលើនាងទៀតឬយ៉ាងណា?
