ភ្នំពេញ៖ស្រីស្រស់ជុំ រចនាពេជ្រ ហៅបេប៊ី បានឲ្យដឹងថារយៈពេលដែលនាងបានផ្អឹបការងារសិល្បៈមួយអន្លើព្រោះកូវីដនេះឥឡូវនាងមានហាងកាហ្វេដល់ទៅ៤ទីតាំងផ្សេងៗគ្នាទៅហើយនៅទីក្រុងភ្នំពេញ។ស្រីស្អាតថាការឈានទៅពង្រីកសាខាថ្មីជាបន្ដបន្ទាប់បែបនេះដោយសារតែទទួលបានការគាំទ្រពីអថិជន៣សាខាមកហើយ ក្នុងនោះមានដូចជាហាងនៅផ្លូវជា សុផារ៉ា,រង្វង់មូលកាំកូស៊ីធី និងផ្សារដីហុយ ខណៈដែលហាង”ជុំ កាហ្វេដូង”ទី៤របស់នាងត្រៀមដំឆាប់ៗនេះនៅខាងក្រោយសាលាទួលគោក ហើយនាងក៍មានគម្រោងធ្វើពិធីសម្ពោធហាងថ្មីនេះនៅពេលដែលសាងសង់រួចរាល់ផងដែរ។បេប៊ី ថាកាហេ្វដូងរបស់នាងកាក់កបខ្លាំងណាស់ព្រោះមានអតិថិជនគាំទ្រច្រើនពិសេសគឺសិស្សសាលាតែម្ដងគាត់ចូលចិត្តញាំទិញទាំងយូៗ។យ៉ាងណាបេប៊ី ថាមិនទាន់អាចប៉ាន់ប្រមាណថាការបើកហាងទាំង៤ទៅរួចនេះអស់ទុនប៉ុន្មាននោះទេគឺគ្រាន់តែដឹងថាចំនួនច្រើន។
តារាចម្រៀងថោនរូបនេះថាតាំងពីផ្អាកឡើងឆាកមួយរយៈពេលនេះនាងបានក្លាយទៅជាស្រ្ដីមេផ្ទះដោយចេះធ្វើម្ហូបយ៉ាងជំនាញហើយបច្ចុប្បន្ននាងកំពុងតែរៀនជំនាញឆុងកាហ្វេផងដែរ។នាងថាមានសំណួរពីFan ជាច្រើនថាហេតុអីបានជានាងស្រលាញ់អាជីពបើកហាងកាហ្វេព្រោះកន្លងមកឃើញតារាៗច្រើនតែបើកហាងCosmetics ហើយនាងតបថានោះគឺជាបំណងប្រាថ្នារបស់នាងជាយូណាស់មកហើយ ឥឡូវត្រឹមតែរយៈពេល២ឆ្នាំនាងអាចបើកហាងដល់ទៅ៤បាននាងថាជាមោទនភាពមួយសម្រាប់រូបនាងផងដែរដែលមានមុខរបរថ្មីមួយក្រៅពីសិល្បៈ។
ថ្វីត្បិតតែពេលនេះបេប៊ី បានក្លាយទៅជាថៅកែហាងកាហ្វេក្ដី ប៉ុន្ដែនាងអះអាងច្បាស់ៗប្រាប់ទៅអ្នកគាំទ្រថានាងមិនបោះបង់អាជីពចម្រៀងនោះទេ ព្រោះថាអាជីពសិល្បៈគឺជាផ្នែកមួយដែលនាងស្រលាញ់បំផុត។បេប៊ី ថានាងផ្អាកច្រៀងសម្ដែងរយៈពេល២ឆ្នាំនេះគឺដោយសារតែកូវីដ និងជាប់បើកហាងកាហ្វេនេះឯង គ្មានហេតុផលផ្សេងនោះទេហើយពេលនេះនាងក៍មិនទាន់មានគូស្នេហ៍ដូចគេដែរ។បេប៊ី ថាបច្ចុប្បន្នរូបនាងនៅតែជាតារាថោន ដែលមានកុងត្រាអាចពី១ទៅ២ឆ្នាំឯណ្ណោះ ហើយមុនពេលផ្អាកការងារសិល្បៈនេះនាងបានសុំច្បាប់ថ្នាក់ដឹកនាំផលិតកម្មត្រឹមត្រូវ និងពេលដែលកូវីដកាន់តែថមថយនាងនឹងទៅថតបទថ្មីៗរួមទាំងចេញច្រៀងសម្ដែងដូចមុន។ស្រីស្អាតរូបនេះក៍តាំងចិត្តដែរថាការចេញមុខសារជាថ្មីមកវិញរបស់នាងក្នុងពេលដ៍ខ្លីខាងមុខនេះប្រាកដជាមានស្ទីលថ្មីប្លែកៗជាងមុននឹងមិនធ្វើឲ្យFan អស់សង្ឃឹមឡើយ៕
