ភ្នំពេញ៖តារាសម្ដែងនី មុនីនាថ បានប្រាប់”នគរធំ”កាលពីថ្ងៃទី១៦មករា ថាពេលនេះបើនិយាយរឿងរៀបការថាធ្វើពេលណានោះគឺពិបាកនិយាយព្រោះថាស្រួលមិនស្រួលអាច៤ទៅ៥ឆ្នាំទៀតក៍ថាបានដែរ។ប៉ុន្ដែនាងថាបើគូព្រេងមកដល់ហើយអាចត្រឹមតែ១ទៅ២ ខែឬរៀបការភ្លាមៗក៍បានដែរគ្មានអីត្រូវខ្លាចនោះទេ។ ថ្វីត្បិតតែនី មុនីនាថ វាចាបែបនេះក្ដីប៉ុន្ដែរយៈពេលជាង១ឆ្នាំមកនេះតារាទឹកភក្នែកនៅតែមិនព្រមបណ្ដើរសង្សារថ្មីឲ្យគេស្គាល់មុខឡើយក្រោយនាងបានសារភាពប្រាប់អ្នកកាសែតកាលពីខែសីហាឆ្នាំ២០២០ ថាម្ចាស់ចិត្តនាងគឺជាអ្នកជំនួញវ័យក្មេងជាបុរសអូស្រា្ដលី ។ដោយឡែកការអះអាងថាបើមានគូស្នេហ៍នឹងរៀបការមិនចាំស្អែកនេះបញ្ជាក់ថាចំណងស្នេហាថ្មីរបស់មុនីនាថ មិនទាន់ច្បាស់លាស់ជាមួយគ្នា១០០%ឡើយបានជានាងត្រូវពន្យាពេលរៀបការបែបនេះ។ប៉ុន្ដែអ្វីដែលរិតតែចម្លែកនោះគឺមុនីនាថ គឺពិតជាកំពូលលាក់គូស្នេហ៍មែនព្រោះនាងមិនដែលបណ្ដើរអនាគតស្វាមីជាចំហម្ដងណាឡើយ។
គូររំលឹកថានី មុនីនាថ បានជួបស្នេហាមិនសមប្រកប២លើកមកហើយជាមួយបុរសអាណិកជនខ្មែរមកពីអាមេរិកដូចគ្នាដោយស្នេហ៍ទី១ប៉ៈពោះម៉ាយកែវ កុសល តែបានចែកផ្លូវគ្នាទៅវិញដោយអតីតតារាសម្ដែងរូបនោះរត់ទៅភ្ជាប់ពាក្យជាមួយអ្នកមេម៉ាយជាថៅកែហាងកាត់ដេមួយ។ដោយសារតែក្ដៅចិត្តពេកទើបមុនីនាថ បានភ្ជាប់ពាក្យជាមួយលោកអ៊ុង សូឡាំង ហើយគ្រោងចំណាយលុយជាង១០ម៉ឺនដុល្លាររៀបការផ្អើលមេឃទៀតផង។
ប៉ុន្ដែរឿងដែលស្ទើតែមិនគូរឲ្យជឿរនៅថ្ងៃទី១៣ខែតុលាឆ្នាំ២០១៧ មុនីនាថ ត្រូវលោកសូឡាំង ដាក់ពាក្យបណ្ដឹងនាងទៅសាលាដំបូងរាជធានីដោយប្ដឹងតារារូបនេះពីបទបបោកនិងរំលោភលើសេចក្ដីទុកចិត្ត និងទាមទារសំណងជំងឺចិត្ត១០ម៉ឺនដុល្លារ ខណៈដែលសំណុំរឿងនេះបានទៅដល់ដៃលោកមេធាវីយិច សម្បត្តិ តាំងពីថ្ងៃទី២៨ខែកញ្ញាឆ្នាំ២០១៧ តែរយៈពេលជាង៣ឆ្នាំទៅហើយបែជារឿងក្ដីនេះមិនតំណើរការទៅវិញ។ដោយឡែកអតីតគូដណ្ដឹងមុនីនាថ លោកសូឡាំង ធ្លាប់បង្ហាញក្ដីអស់សង្ឃឹមលើរឿងលោកប្ដឹងមុនីនាថ នេះក្រោយទទួលព័តមានថាមានអ្នកធំអន្ដរាគមន៍។តែទាំងមុនីនាថ និងម្ដាយរបស់នាងអ្នកស្រីឌី សុភាលី បានប្រកែក។ប៉ុន្ដែអ្វីដែលគូរឲ្យកត់សម្គាល់ក្រោយមុនីនាថ ចែកផ្លូវគ្នាជាមួយអតីតគូដណ្ដឹងនេះនាងកាន់តែមានជីវភាពធូធារដូចជាទិញផ្ទះវីឡារតម្លៃជាង៣០ម៉ឺនដុល្លារនៅបុរីជីពម៉ុងលែន ផ្លូវជាសុផារ៉ា ហើយនាងផ្លាស់ប្ដូររថយន្ដជិះទំនើបៗជាញឹកញាប់ផងដែរ៕
