ភ្នំពេញ៖ព្រាប សុវត្ថិ បានឈជើងនៅGalaxy រយៈពេលជាង១ឆ្នាំទៅហើយ ខណៈដែលសុពលភាពកុងត្រារបស់លោកនៅដល់ឆ្នាំ២០២៥ ទើបផុតកំណត់ព្រោះតំណាក់កាលដំបូងលោកបានស៊ីញ៉េ៥ឆ្នាំ។ប៉ុន្ដែGalaxy ធ្លាប់ប្រកាសថានឹងធ្វើការជាមួយព្រាប សុវត្ថិ ១០ឆ្នាំថែមទៀតពោលគឺដល់ឆ្នាំ២០៣៥ ឯណ្ណោះដែលពេលនោះលោកស្នាយ នឹងមានអាយុដ៦១ឆ្នាំគត់។យ៉ាងណាអ្វីដែលគូរឲ្យចាប់អារម្មណ៍នៅពេលនេះទោះជាលោកព្រាប សុវត្ថិ លែងជាតារាចម្រៀងហង្សមាសក្ដី ប៉ុន្ដែឥទ្ធិពលកំពូលតារាចម្រៀងរូបនេះធ្វើឲ្យតារាប្រុសស្រីលំដាប់ជូរមុខនៅចាំអ៊ុតគ្រប់ៗគ្នាតែម្ដងនោះគឺកៅអីដែលនៅទំនេរទាំង៣របស់លោកក្រោយការចាកចេញទៅនោះមិនទាន់មានតារាម្នាក់បានឡើងទៅអង្គុយជំនួសលោកឡើយ។តំណែងគណៈកម្មាការដែលនិងCoach ដែលព្រាប សុវត្ថិ បន្សល់ធ្វើឲ្យអ្នកចម្រៀងហង្សមាសកំពុងសម្លឹងចង់បាន សឹងគ្រប់គ្នានោះគឺមានដូចជាCambodian Idol ,The Voice Kids Cambodia និងCambodian Idol Junior ហើយត្រូវបានគេសន្និដ្ឋានថាតារាដែលអាចមកកាន់កាប់តួនាទីនេះបានទាល់តែមានប្រជាប្រិយភាពឬការគាំទ្រប្រហាក់ប្រហែលលោកព្រាប សុវត្ថិ ដែរទើបអាចទៅរួច។យ៉ាងណាមិនទាន់មានការដៅថាតារាណាខ្លះដែលអាចមានសង្ឃឹមមករ៉ាប់រងការងារនោះបានទេ ប៉ុន្ដែកន្លងមកមានការលើកឡើងថាពេជ្រ សោភា ដែលច្រៀងនៅហង្សមាសជាង១៦ឆ្នាំទៅហើយនោះមានសង្ឃឹមច្រើនជាងគេ ខណៈដែលលោកខេម ប៊ុនថៃ ក៍អាចទៅរួចដែរប្រសិនបើអតីតតារាចម្រៀងសាន់ដេរូបនេះពិតជាត្រូវបានថៅកែហង្សមាសចង់ឲ្យជំនួសព្រាប សុវត្ថិ នាថ្ងៃអនាគតមែន។
ព្រាប សុវត្ថិ សុខចិត្តបោះបង់តំណែងធំទាំង៣ខាងលើដើម្បីទៅចូលរួមរួមជាមួយGalaxy ខណៈដែលមានព័តមានថាមូលហេតុនៃការដើរចេញនេះគឺមកពី”ភ្នំ១ខ្លា២”ព្រោះថាលោកស្នាយ និងលោកខេម ប៊ុនថៃ មានទីផ្សារចម្រៀងប្រកួតប្រជែងគ្នាយ៉ាងស្វិតស្វាញរយៈពេលជិត១០ឆ្នាំទៅហើយ។ តែព្រាប សុវត្ថិ បានច្រានចោលដោយអះអាងថាលោកទៅផលិតកម្មថ្មីដើម្បីស្វែងរកបទពិសោធន៍ថ្មីៗបន្ថែមទៀត។
បើតាមព័តមានពីអ្នកដឹកនាំកម្មវិធីប្រគុំតន្រ្ដីម្នាក់នៅហង្សមាសបានឲ្យដឹងថាទាំងព្រាប សុវត្ថិ និងCoach រួមទាំងគណៈកម្មាការផ្សេងៗទៀតទទួលបានតម្លៃខ្លួនម្នាក់ៗ៦០០០ដុល្លារក្នុងកម្មវិធីមួយដែលតំណើរការពីដើមដល់ចប់។ប៉ុន្ដែមិនមានការអះអាងពីតម្លៃខ្លួនរបស់គណៈកម្មាការនិងCoach ពីអ្នកគ្រប់គ្រងកម្មវិធីខាងលើផ្ទាល់នោះទេព្រោះគេព្យាយាមលាក់ ខណៈដែលលោកវណ្ណា ធ្លាប់ប្រាប់ថាទោះជាកម្មវិធីប្រលងចម្រៀងលំដាប់ថ្នាក់ពិភពលោកទាំងនោះត្រូវបានផ្សព្វផ្សាយពីរដូវកាលថ្មីមែន តែនោះគ្រាន់តែជាការត្រៀមខ្លួនប៉ុណ្ណោះ ហើយចំពោះតំណែងរបស់លោកព្រាប សុវត្ថិ ដែលនៅទំនេរនោះគឺថ្នាក់ដឹកនាំមិនទាន់គិតដល់ចំណុចនេះឡើយ។
ព្រាប សុវត្ថិ ឈានចូលវ័យ៤៧ឆ្នាំទៅហើយតែលោកនៅរក្សារបានរូបរាងសង្ហារក្មេងជាងវ័យ ហើយចំណងស្នេហាលោកនិងភរិយាអ្នកស្រីឡុង ស្រីមុំ រយៈពេល២៥ឆ្នាំនេះមិនដែលធ្លាប់មានរឿងរកាំរកូសជាមួយគ្នាឡើយពោលគឺកាន់តែផ្អែមល្ហែមមិនចាញ់គូស្នេហ៍យុវវ័យនោះទេ។យ៉ាងណាក្រោយទទួលបានចំណងដៃកូនទាំង៣នាក់សុទ្ធតែជាប្រុសនោះព្រាប សុវត្ថិ គ្មានផែនការណ៍តាមយកកូនស្រីនោះទេ។អ្វីដែលគូរឲ្យកត់សម្គាល់ព្រាប សុវត្ថិ គឺជាតារាខ្មែរតែម្នាក់គត់ដែលត្រូវមនុស្សជំនិតរបស់លោកធ្លាប់ទម្លាយប្រាប់អ្នកកាសែតកាលពីខែកញ្ញាឆ្នាំ២០២០ ថាអតីតតារាហង្សមាសរូបនេះចាប់អាជីពចម្រៀងជាង២០ឆ្នាំសល់លុយខ្ទង់៣០លានដុល្លារ។ចំនួនតួលេខទឹកប្រាក់របស់ព្រាប សុវត្ថិ នេះគឺខ្ពស់បំផុតមួយសម្រាប់តារាស្រុកខ្មែរដែលធ្វើឲ្យទាំងស្រទាប់មហាជនិងសិល្បៈមានការស្ញប់ស្ញែងយ៉ាងខ្លាំង ខណៈដែលតារាភាពយន្ដជើងចាស់អ្នកស្រីឌី សាវ៉េត ក៍សម្ដែងការសាទរចំពោះព្រាប សុវត្ថិ ផងដែរហើយលោកស្រីថាឲ្យតែព្រាប សុវត្ថិ នៅតែចេះគោរពឪពុកម្ដាយ ចាស់ទុំជុំវិញខ្លួននោះលោកនឹងកាន់តែសុខសប្បាយនឹងមានទ្រព្យច្រើនជាងនេះទៀត។
ដោយឡែកអ្នកគាំទ្រព្រាប សុវត្ថិ ជឿរថាមិនយូរនោះទេកំពូលតារាចម្រៀងរូបនេះនឹងឡើងធ្វើជាឧកញ៉ាដូចលោកទុំ សារុត ហៅឧកញ៉ាឃ្លោក និងលោកលាន អាហ្រ្វីលគីនីន ជាមិនខាន៕
