ភ្នំពេញ៖ឱក សុគន្ធកញ្ញា ត្រូវបានស្វាមីនាងលោកអ៊ឹង សុខលី បើកចិត្តយ៉ាងទូលាយតាមរយៈការចាប់ដៃគូចាស់ជាមួយលោកឆន សុវណ្ណារាជ ទាំងការច្រៀងសម្ដែងMV និងតាមបណ្ដារឆាកទាំងឡាយដែលអាចបង្ហាញថាតារាកូន១រូបនេះមានភាពស៊ីចង្វាក់និងស្និតស្នាលបុរសរោមទ្រួងច្រើនរូបនេះជាងលោកខេម ប៊ុនថៃ ។ទោះជាយ៉ាងណាតាមរយៈការសមចម្រៀងក្នុងកម្មវិធីថ្នាក់ជាតិនៅខេត្តព្រះសីហនុកាលពីពេលថ្មីៗនេះសុគន្ធកញ្ញា នៅតែមិនទាន់ស្រកគីឡូតាមការរំពឹងទុករបស់Fan នាងឡើយ។ចំពោះស្វាមីរបស់សុគន្ធកញ្ញា គឺលោកអ៊ឹង សុខលី វិញមិនត្រឹមតែបើកដៃឲ្យភរិយាលោកច្រៀងសម្ដែងជាមួយលោកសុវណ្ណារាជ ដោយសេរីនោះទេ ប៉ុន្ដែលោកថែមទាំងជម្រុញឲ្យប្រពន្ធលោកសម្ដែងឲ្យបានដល់ឬមិនដែលហាមឃាត់ចំពោះឈុតឆាកបទមច្រៀងណាដែលតម្រូវឲ្យតារាទាំង២គេចមិនផុតពីឈុតអោបថើបនោះឡើយ។
គូររំលឹកថាឱក សុគន្ធកញ្ញា មុនដឹកដៃលោកអ៊ឹង សុខលី រៀបការកាលពីថ្ងៃទី១៦ខែឧសភាឆ្នាំ២០១៩ នោះជាញឹកញាប់សុគន្ធកញ្ញា-សុវណ្ណារាជ តែងតែឡើងច្រៀងសម្ដែងរួមគ្នាជាដៃគូដ៍ស្និតស្នាលហើយមានបទខ្លះពួកគេត្រូវបញ្ចូលអារម្មណ៍ដោយអោបថើបគ្នាទៀតផង។គេចាំបានថាលោកសុវណ្ណារាជ ក៍ធ្លាប់សារភាពស្នេហ៍សុគន្ធកញ្ញា ត្រង់ៗនៅលើឆាកតន្រ្ដីដែរ ប៉ុន្ដែនៅពេលដែលនាងរៀបការលោករាជ មិនត្រឹមតែគ្មានទុក្ខស្នេហ៍នោះទេ ប៉ុន្ដែលោកថែមទាំងទៅច្រៀងអបអរសាទរសុគន្ធកញ្ញា ដែលរៀបការជាមួយមេរបស់លោកទៀតផង។ក្រោយសុគន្ធកញ្ញា មានប្ដីនិងកូន១នេះអ្នកទាំងពីរមិនសូវហ៊ានស្និតស្នាលគ្នាដូចមុននោះទេ តែនៅបន្ដចាប់ដៃគ្នាជាដៃគូ គ្រាន់តែត្រូវកាត់បន្ថយឈុតអោបថើបស្ទើតែទាំងស្រុងតែម្ដង បើទោះជាលោកសុខលី មិនដែលហួងហែងភរិយារបស់លោកក្ដី។
ឱក សុគន្ធកញ្ញា បានក្លាយទៅជាតារាមានអំណាចជាងគេនៅហង្សមាសពោលគឺប្រៀបបានថៅកែផលិតធំនេះតែម្ដងហើយនាងឡើងច្រៀងសម្ដែងតែប៉ុស្ដិ៍ទូរទស្សន៍របស់បងថ្លៃជាងប៉ុស្ដិ៍ផ្សេង។យ៉ាងណាថ្មីៗនេះមានការចាប់អារម្មណ៍ផងដែរនៅពេលដែលសុគន្ធកញ្ញា បានចេញទៅជួយឃោសនាផលិតផលឲ្យអ្នករកស៊ីOnline ម្នាក់ជាមួយមាស សុខសោភា និងសុគន្ធ និសា ដែលបញ្ជាក់ថាតារាកូន១រូបនេះមិនពឹងលើអាជីពចម្រៀងតែមួយមុខទៀតនោះទេ ពោលគឺឲ្យតែត្រូវថ្លៃនាងក្រសោបប្រាក់ចំណូលគ្រប់ច្រក។ដោយឡែកស្វាមីសុគន្ធកញ្ញា វិញកំពុងតែរៀបជើងព្រួលឲ្យសុគន្ធកញ្ញា ឡើងអង្គុយកៅអីជាគ្រូបង្វឹកនិងគណៈកម្មាការពីកម្មវិធីThe Voice Cambodia ,The Voice Kids Cambodia ,Cambodian Idol និងX Factor Cambodia នៅរដូវកាលថ្មីនេះដើម្បីទប់លំនឹងនាងកុំឲ្យធ្លាក់បើទោះជារយៈពេលចុងក្រោយនេះនាងមិនសូវមានបទល្បីៗដូចមុក្ដី៕
