យោងតាមសារព័ត៌មានរ៉យទ័ចេញផ្សាយកាលពីថ្ងៃពុធទី ១៩ មករា ២០២២ បានអោយដឹងថាក្លឹបបាល់ទាត់បារាំង Marseille បានចុះហត្ថលេខាទិញកីឡាករខ្សែការពារ Sead Kolasinac ពីក្លឹប Arsenal ក្នុងកិច្ចសន្យារយៈពេល 1 ឆ្នាំកន្លះ ប៉ុន្តែមិនបានបង្ហាញអោយដឹងពីតម្លៃខ្លួននោះទេ។
Kolasinac បង្ហាញខ្លួនបាន 118 ប្រកួតឱ្យក្លឹប Arsenal ចាប់តាំងពីចូលរួមនៅក្នុងឆ្នាំ 2017 លើការផ្ទេរដោយឥតគិតថ្លៃប៉ុន្តែមិនសូវបានចូលទីលានប្រកួតទេស្ថិតនៅក្រោមការដឹកនាំរបស់គ្រូបង្វឹក Mikel Arteta ដោយលេងបាន 5 ដងក្នុងការប្រកួតទាំងអស់នៅរដូវកាលនេះ។
Kolasinac នៅតែជាកីឡាករដ៏សំខាន់មួយនៅក្នុងក្រុមជម្រើសជាតិបូស្នី ដែលគាត់បានចូលទីលានប្រកួតចំនួន 43 ដងនិងបានចូលរួមក្នុងការប្រកួតបាល់ទាត់ពិភពលោកឆ្នាំ 2014 ។កីឡាករវ័យ 28 ឆ្នាំរូបនេះបានចំណាយរដូវកាល 2020-21 ក្នុងលក្ខខ័ណ្ឌខ្ចីជើងនៅក្លឹបអាល្លឺម៉ង់ Schalke ៕
