អតីតខ្សែប្រយុទ្ធអន្តរជាតិអេស្ប៉ាញDiego Costa បានលាឈប់ពីក្លឹបជើងឯកប្រេស៊ីល Atletico Mបន្ទាប់ពីលេងបានត្រឹមតែ ប្រាំខែប៉ុណ្ណោះ ។Costaដើមកំណើតប្រេស៊ីលបានចំណាយពេលស្ទើរតែពេញអាជីពបាល់ទាត់របស់គាត់នៅអឺរ៉ុបមុនពេល ផ្លាស់ទៅ Atletico M ក្នុងខែសីហា ឆ្នាំ 2021។គាត់បានជាប់ជម្រើសជាតិប្រេស៊ីលពីរដងក្នុងការប្រកួតមិត្តភាពឆ្នាំ 2013 មុន ពេលទទួលបានការអនុញ្ញាតឱ្យប្តូរសញ្ជាតិ លេងឱ្យអេស្ប៉ាញដែលជាកន្លែងគាត់បានលេងភាគច្រើននៃអាជីពរបស់គាត់។
នៅលើបណ្តាញInstagram កីឡាករCosta បានបង្ហោះសារថា ថ្ងៃនេះខ្ញុំបានចាកចេញពី Atletico ជាផ្លូវការហើយ។ ខ្ញុំសូមអរគុណអ្នកគាំទ្រទាំងអស់សម្រាប់ការគាំទ្រ និងក្តីស្រលាញ់ដ៏កក់ក្តៅដែលខ្ញុំទទួលបានតាំងពីថ្ងៃដំបូង។Costaបានបន្ថែមថាអរគុណសម្រាប់ការបំពេញក្តីស្រមៃកាលពីកុមារភាពរបស់ខ្ញុំដើម្បីលេងក្នុងលីកបាល់ទាត់ប្រេស៊ីល ។កុងត្រារបស់Costaជាមួយក្លឹបAt Madrid មានរហូតដល់ដំណាច់ឆ្នាំនេះ។មុនពេលចូលរួមជាមួយក្លឹបនេះCostaមិនដែល លេងបាល់ទាត់ក្នុងលីកកំពូលនៅក្នុងប្រទេសកំណើតរបស់គាត់ទេ ដោយបានផ្លាស់ទៅក្លឹបព័រទុយហ្គាល់ Braga ក្នុងវ័យ 17 ឆ្នាំក្នុងឆ្នាំ 2006 ។
Atletico បាននិយាយនៅលើ Twitter ថា Costa លេង 19 ប្រកួតសម្រាប់ក្លឹប ដោយស៊ុតបញ្ចូលទីបាន 5 គ្រាប់ និងជួយដល់ មិត្តរួមក្រុមចំនួន២លើក។Costa បានឈ្នះពានព្រីមេរ៉ាលីហ្គាពីរដងជាមួយ Atletico Madrid និងពានរង្វាន់អង់គ្លេស ប្រឺមីញេ លីកចំនួនពីរដង ជាមួយ Chelsea ។គាត់បានលេងបាល់ទាត់ពិភពលោកចំនួនពីរសម្រាប់ប្រទេសអេស្ប៉ាញនិងបានឈានដល់វគ្គផ្តាច់ព្រ័ត្រយូហ្វាឆេមពានលីកជាមួយ Atletico Madrid នៅក្នុងឆ្នាំ 2014៕
