ភ្នំពេញ៖សុគន្ធ និសា ដែលមានស្វាមីជាង៣ឆ្នាំទៅហើយនោះពេលនេះរូបសម្រស់របស់នាងមិនធ្លាក់ចុះទេគឺនៅតែផូផង់មិនចាញ់កាលពីនៅលីវឡើយបើទោះជាមុននេះនិសា បានកើតកូវីដហើយតម្រូវឲ្យនាងចំណាយពេលវេលាជាច្រើនខែដើម្បីព្យាបាលជំងឺនិងថែទាំសុខភាពឲ្យវិលមករកភាពប្រកតីវិញក្ដី។ការរក្សារបានរាងស្វែល មិនឡើងគីឡូ ឬបែកសាច់នេះហើយធ្វើឲ្យនិសា នៅតែមានទីផ្សារស្ពតពាណិជ្ជកម្មធំៗដូចមុន បើទោះជាអាជីពចម្រៀងរបស់នាងពេលនេះមិនសូវមានសន្ទុះខ្លាំងក្លាក៍ដោយ។អ្វីដែគូរឲ្យកត់សម្គាល់នោះមុននេះមានព័តមានថាផលិតកម្មរាម បានពេញចិត្តនិសា ហើយចង់បានរូបនាងទៅធ្វើជាសមាជិកបន្ថែមពីលើមាស សុខសោភា និងដួង វីរៈសិទ្ធ ទៀតផង ក្រោយពីនិសា ចាប់ដៃគ្នាជាមួយថៅកែរកស៊ីលក់ផលិតផលមួយប្រាវធំមក។ប៉ុន្ដែគេជឿរថានិសា នៅតែរារែកចិត្តព្រោះមិនចង់ដើរចេញពីហង្សមាសជាលើកទី២នោះទេ ខណៈដែលមានព័តមានថាថៅកែធំហង្សមាសក៍មិនបណ្ដោយឲ្យនាងហើរចេញជាថ្មីដែរហើយម្ចាស់ផលិតកម្មធំនេះនឹងផ្ដល់តំណែងធំឲ្យទៅនិសា តាមរយៈការប្រគល់កៅអីព្រាប សុវត្ថិ ដែលនៅទំនេរពីកម្មវិធីណាមួយក្នុងចំណោមកម្មវិធីទាំង៣ជាតួនាទីCoach ឬគណៈកម្មាការមានដូចជាCambodian Idol ,The Voice Kids Cambodia និងCambodian Idol Junior ជាមិនខានដើម្បីចងចិត្តនិសា កុំឲ្យអស់និស្ស័យជាមួយហង្សមាស។
ប៉ុន្ដែតាមព័តមានគូរឲ្យចាប់អារម្មណ៍នោះថាមិនមែនតែរាម មួយទេដែលចង់បាននិសា នោះពោលគឺអតីតផលិតកម្មដែលនិសា ធ្លាប់ឈជើងគឺថោន ក៍នៅតែបើកផ្លូវគ្រប់ពេលវេលាបើសិននិសា ចង់វិលវិញដែលការចំហទ្វានេះគឺដូចគ្នាទៅនិងមាស សុខសោភា ដែរ ប៉ុន្ដែមុននេះសោភា ប្រកែកថានាងមិនចង់ត្រឡប់ក្រោយទេ។ចំពោះសុគន្ធ និសា វិញគេជឿរថាភាគរយតិចបំផុតដែលអាចវិលទៅថោន វិញព្រោះថាបើនាងចង់នៅថោន ម្លេះមិនមែនចេញពីផលិតកម្មមួយនេះហើយវិលរកទ្រនុំចាស់នោះទេ ។តែគេជឿរថាភាគរយខ្ពស់បើសិនជាសុគន្ធ និសា ចេញពីហង្សមាសម្ដងទៀតនោះនាងប្រាកដជាទៅរាម ដើម្បីចាប់ដៃថៅកែស្រីរកស៊ីធំដូចមាស សុខសោភា ជាមិនខាន ។អ្វីដែលគូរឲ្យកត់សម្គាល់ស្វាមីរបស់សុគន្ធ និសា គឺលោកចៅ សម្បត្តិ ក៍មិនខុសពីប្ដីសុខសោភា ឡើយព្រោះរងចាំសម្របខ្លួនតាមភរិយារបស់លោកគ្រប់ពេលវេលាទាំងអស់។និសា ធ្លាប់ប្រាប់អ្នកយកព័តមានយើងថាការទៅហង្សមាសរបស់នាងជាលើកទី២ នាងដឹងថាមានFan ច្រើនពេញចិត្ត តែកន្លងមកនាងគ្មានបញ្ហារវិវាទណាមួយជាមួយថោន នោះទេគឺកុងត្រារបស់នាងផុតកំណត់ទើបចេញ។
សុគន្ធ និសា ក្រោយក្លាយទៅជាភរិយាលោកចៅ សម្បត្តិ អាណិកជនខ្មែរមកពីរដ្ឋឡូវែល៍ សហរដ្ឋអាមេរិកមកពេលនេះនាងមិនពឹងប្រាក់ចំណូលទាំងស្រុងពីអាជីពសិល្បៈទៀតឡើយដោយងាកមកបើកអាជីវកម្មផ្ទាល់ខ្លួនជាបន្ដបន្ទាប់ ស្របពេលដែលស្វាមីនាងព្រមឲ្យនិសា លេងសិល្បៈទៀតគឺតម្រូវតាមចិត្តនាងប៉ុណ្ណោះ។គេជឿរថានិសា នឹងចេញទៅរស់នៅអាមេរិកជាមួយស្វាមីនៅពេលខាងមុខនេះជាមិនខានព្រោះតែមុននេះនាងសម្រុកថតភាពយន្ដដល់ទៅ៤រឿងជាប់គ្នាក្នុងតំណែងជាតួឯកដូចជារឿង”សិសិរដូវក្នុងបេះដូង”,”រាជនីយភូមិគ្រឹះ”,”ព្រះវេស្សន្ដជាតក”និងរឿង”ចំណតថ្មីនៃសុភមង្គល”ដែលការបុកថតម្ដងដល់ទៅ៤រឿងនេះត្រូវបានគេជឿរថានិសា ចង់បន្សល់ស្នាដៃក្រោយនាងបាយបាយពីសិល្បៈ។ប៉ុន្ដែនិសា ធ្លាប់វាចារថានាងបានតស៊ូជាមួយអាជីពចម្រៀងមួយនេះរយៈពេលជាង១០ឆ្នាំមកហើយ អីចឹងមិនអាចលាឈប់នៅពេលនេះបានទេគឺនឹងនៅតែបន្ដរហូតឲ្យតែបងប្អូនគាំទ្រ។នាងថាដោយសារតែហេតុផលនាងមិនអាចោលសិល្បៈបាននេះហើយទើបស្វាមីនាងយល់ព្រមឲ្យនាងបន្ដទាំងការថតភាពយន្ដនិងអាជីពចម្រៀងតាមចិត្តចង់ តែពេលនេះនាងបានសម្រេចចិត្តផ្អាកថតភាពយន្ដហើយ ព្រោះហត់នឿយខ្លាំងពេក និងម្យាងចង់ពង្រឹងលើអាជីពចម្រៀងតែមួយមុខ។
សុគន្ធ និសា បានរៀបការកាលពីថ្ងៃទី១ខែធ្នូឆ្នាំ២០១៧ ជាមួយលោកចៅ សម្បត្តិ ជានាយកផ្នែកប្រតិប្តិរបស់ក្រុមហ៊ុនមែនញូ ឡាយ ប្រចាំនៅកម្ពុជា តែចំណងស្នេហាជាង៤ឆ្នាំមកនេះអ្នកទាំង២មិនទាន់បានកូនង៉ា១ប្រលែងលេងឡើយ។និសា ថានាង និងស្វាមីចង់បានកូនតាមគម្រោងការត្រឹមត្រូវ ហេតុនេះហើយបានជាត្រូវពន្យាពេលរហូតមកដល់ពេលនេះ។តែមុនកើតកូវីដ និសា ក៍បានឲ្យដឹងថានាងចង់បានកូននៅឆ្នាំ២០២១ ប៉ុន្ដែឥឡូវនិសា បានផ្លាស់ប្ដូរចិត្តវិញនឹងមិនទាន់រៀបផែនការណ៍យកកូន ជាថ្មីម្ដងទៀតឡើយ៕
