ភ្នំពេញ៖ស្រីស្អាតសុខ ពិសី រហ័សនាមរាជនីសម្រស់ព្រោះកាន់តែគូឲ្យក្នក់ក្នាញ់ទៅៗនោះព្យាយាមគេចចេញពីការទទួលស្គាល់រឿងស្នេហានាងជាមួយលោកថៅកែសាន់ដេឡាយ សុខចំរើន ជិត១០ឆ្នាំមកហើយខណៈដែលតារារួមអាជីពដូចជាមាស សុខសោភា,ឱក សុគន្ធកញ្ញា,សុគន្ធ និសា និងពេជ្រ សោភា ជាដើមពេលនេះពួកគេខ្លះមានប្ដីនិងសង្សារបណ្ដើរគ្នាយ៉ាងមានក្ដីសុខអស់ទៅហើយ។សំណួរដែលមហាជនចង់ដឹងថាតើពេលណាទៅទើបសុខ ពិសី ព្រមសារភាពស្នេហ៍លោកថៅកែសុខ ចំរើន ?ឬមួយក៍នាងអាចជ្រើសផ្លូវសាងស្នេហ៍ដោយមិនបើកចំហជារៀងរហូត?សុខ ពិសី ធ្លាប់ប្រាប់ថានាងនៅតែផ្ដោតការងារសិល្បៈជាងស្នេហា តែនាងថាឃើញមិត្តភក្ដិរួមអាជីពគេមានគូ នាងមានតែរំភើបជំនួស។យ៉ាងណានាងថាការកំណត់ឲ្យច្បាស់ៗថាថ្ងៃខែឆ្នាំណា នឹងរៀបការនោះគឺមិនអាចនិយាយទុកមុនបានទេ។
ថ្វីត្បិតតែសុខ ពិសី មិនហ៊ានលាតត្រដាងរឿងស្នេហាមែន ប៉ុន្ដែទាំងក្នុងនិងក្រៅសិល្បៈមួយចំនួនពួកគេចាត់ទុកថានាងជាតារាមានឥទ្ធិពលជាងគេនៅសាន់ដេគឺដូចគ្នាទៅនិងឱក សុគន្ធកញ្ញា នៅហង្សមាសដែរ។ប៉ុន្ដែការមិនហ៊ានសារភាពស្នេហ៍បែបនេះធ្វើឲ្យពិសី បាត់បង់ស្ទើតែទាំងស្រុងក្នុងការបង្ហាញភាពផ្អែមល្ហែមស្នេហ៍ ខណៈដែលប្រុសៗមានអ្នកមានទ្រព្យកាន់តែច្រើននឹងប្រជែងគ្នាដណ្ដើមបេះដូងនាងដែលពេលនោះគេជឿរថាអ្នកដែលប្រឈមភ័យបុកពោះនោះគឺលោកថៅកែ នោះឯង។ទោះជាយ៉ាងណាអ្នកសល្បៈមួយចំនួនមានការលើកឡើងផ្ទុយពីនេះដោយអះអាងថាមូលហេតុដែលពិសី និងលោកចំរើន នៅតែមិនព្រមសារភាពរឿងស្នេហា១នេះគឺដោយសារតែអ្នកទាំង២ចិត្ត១ថ្លើម១និងគ្នាទៅវិញ។ការសម្អាងបែបនេះព្រោះតែពួកគេយល់ថាពិសី នៅចង់ប្រជែងទីផ្សារសិល្បៈតទៅទៀតហេតុនេះហើយដោយសារតែនាងគ្មានការបារម្ភខ្លាចរឿងស្នេហាប្រែប្រួលទើបនាង និងថៅកែព្រមព្រៀងគ្នាពន្យាពេលការសារភាពស្នេហា និងផ្អឹបគម្រោងរៀបការដោយគ្មានដែនកំណត់។
សុខ ពិសី ត្រូវបានគេចាត់ទុកថាជាស្រីស្អាតក្នុងពិភពសិល្បៈដែលអាចនិយាយបានថាគិតមកដល់ឆ្នាំ២០២២ នេះនៅមិនទាន់មានតារាស្រីរូបណាស៊ីដាច់សម្រស់នាងឡើយ។យ៉ាងណាពិសី ក៍ធ្លាប់ឈឺក្បាលវិលមុខខ្លាំងដែរព្រោះតែនាងរងការចោទប្រកាន់ថាបានកែសម្រស់សប្បនិម្មិតជាច្រើនផ្នែកនៃរូបរាងកាយដូចជាធ្លាប់លេចឭថានាងបានធ្វើបបូរមាត់,ច្រមុះ,ដើមទ្រួង និងចាក់ចង្ការជាដើម។ប៉ុន្ដែពិសី មិនដែលទទួលស្គាល់រឿងនេះទេ តែនាងធ្លាប់វាចារថាភាពប្រែប្រួលនៃរាងកាយនាងបណ្ដាលមកពីការហាត់ប្រាណ ហើយនាងថែមទាំងមិនពេញចិត្តចំពោះសំណួររបស់អ្នកសារព័តមានឬអ្នកណាដែលនិយាយថានាងស្អាតដោសយារតែកែសម្ផស្សទៀតផង។
គូរបញ្ជាក់ថារយៈពេលជិត២ឆ្នាំមកហើយដែលសុខ ពិសី បានផ្អាកច្រៀងសម្ដែងតាមបណ្ដារឆាកតន្រ្ដីតាមប៉ុស្ដិ៍ទូរទស្សន៍ពោលគឺតាំងពីផ្ទុះកូវីដម្លេះ ហើយពេលនេះនាងក៍មិនអាចកំណត់ពេលឡើងឆាកដដែលដោយថារងចាំឲ្យកូវីដកាន់តែថមថយជាងនេះទើបនាងវិលវិញបានព្រោះដើម្បីសុវត្ថិភាពផ្ទាល់ខ្លួននិងFan។តែគេកត់សម្គាល់ថាទោះជាកូវីដធ្វើឲ្យពិសី ក៍ដូចជាតារាផ្សេងៗទៀតបាត់បង់ការច្រៀងសម្ដែងតាមឆាកធំៗនៅខេត្ត២ឆ្នាំជាប់គ្នាក្ដី តែពិសី មិនប៉ៈពាល់ឬប្រឈមជួបវិបត្តិសេដ្ឋកិច្ចឡើយ។ពិសី បានបើកហាងតែគុជ ដោយចំណាយលុយអស់ជាច្រើនម៉ឺនដុល្លារ ហើយថ្មីៗនេះនាងទើបទិញរថយន្ដLand Cruiser V8 ព័ណសដ៍ថ្មីសន្លាងដោយប្រើស្លាកលេខជាឈ្មោះរបស់នាងទៀតផង បន្ថែមពីលើឡានដែលនាងមានស្រាប់ដូចជាAudi ,Range Rover និងLexus Ls460 ជាដើម។គេជឿរថាទាំងមុខជំនួញរួមទាំងការលេងម៉ូដរថយន្ដពិសី និងថៅកែអាចទិញលុយចូលគ្នាមុនពេលពួកគេដឹកដៃគ្នាចូលរោងការជាមួយគ្នានៅពេលខាងមុខនេះ៕
