ភ្នំពេញ៖ពេជ្រ សោភា បានផាត់ចោលសំណើរសុំរៀបការរបស់លោកឆឹម សក្កដា នៅឆ្នាំ២០២២ នេះហើយនាងលេង១ក្បាច់ដាច់ផ្ញារបុរសរូបសង្ហារនេះតាមរយៈការបណ្ដើរសង្សារថ្មីទៅកៀកកើយគ្នានៅខេត្តសៀមរាប ចំថ្ងៃបុណ្យឆ្លងឆ្នាំសកលទើបធ្វើឲ្យលោកសក្កដា គាំងរកអ្វីថ្លាថ្លែងមិនរួចឡើយ ហើយគិតតែរកដង្ហើមធំដេកតូចចិត្តតែម្នាក់ឯង។ប៉ុន្ដែទាំងក្នុងនិងសិល្បៈមើលឃើញថាតាំងពីពេជ្រ សោភា រកបានម្ចាស់ចិត្តថ្លើមថ្លៃថ្មីជាប្រុសខ្ពស់សង្ហារមិនចាញ់លោកឆឹម សក្កដា ហើយនាងចាត់ទុកប្រុសនោះថាបានមកពីព្រះយេស៊ូគ្រិស្ដប្រទានឲ្យនាងនោះពេលនេះស្នេហាតារាវ័យ៣៨ឆ្នាំបានបាត់បង់ភាពផ្អែមល្ហែមស្ទើតែទាំងស្រុងតែម្ដងហើយសូម្បីតែនៅថ្ងៃសោភា ឈឺចូលពេទ្យជាបន្ទាន់នោះក៍បុរសជិះសេះសរបស់នាងមិនមកមើលថែរបណ្ដូលចិត្តដែរ ដែលសកម្មភាពបែបនេះគឺខុសគ្នាដាច់ពីលោកសក្កដា ដែលធ្លាប់តែថ្នាក់ថ្នមចិន្ដា នាងគ្រប់ពេលវេលាទាំងអស់។
ទោះជាយ៉ាងណាក្នុងជំនួបកន្លងមកពេជ្រ សោភា ថាស្នេហាថ្មីរបស់នាងមិនត្រូវការបង្ហាញអ្វីគ្រប់យ៉ាងជាចំហនោះទេ គឺនាងសុខចិត្តសាងស្នេហ៍ដោយលាក់មុខតែម្ដង។ការវាចារបែបនេះមានន័យថាទោះជាសង្សារមកបំពេរយ៉ាងណាក៍សោភា មិនបញ្ចេញឲ្យគេឃើញដែរ ប៉ុន្ដែការតាំងចិត្តយ៉ាងនេះរបស់តារាហង្សមាសធ្វើឲ្យចំណងស្នេហានាងត្រូវបាត់បង់ទាំងស្រុងនូវភាពផ្អែមល្ហែមតែម្ដង។ដោយឡែកអ្នកនៅក្រៅរង្វង់សិល្បៈបានខ្សឹបខ្សៀវគ្នាថាមើលទៅសង្សារថ្មីរបស់សោភា ទោះជាស្អាតសង្ហារមែន ប៉ុន្ដែបុរសនោះហាក់មិនសូវយល់ចិត្តសោភា ដូចលោកសក្កដា នោះទេ។ពួកគេបានលើកឡើងថារឿងដែលសោភា មិនចង់បង្ហាញមុខគូស្នេហ៍នោះគឺព្រោះតែនាងនិងប្រុសនោះគឺនៅមិនទាន់ច្បាស់លាស់គ្នា១០០%ទេ ហេតុនេះហើយបើបញ្ចេញមុខនិងអត្តសញ្ញាណគូស្នេហ៍នៅពេលនេះហើយចំណងស្នេហាប្រែប្រួលនោះនាំឲ្យសោភា ប្រឈមខ្មាសមិត្តភក្ដិទើបនាងសុខចិត្តព្យាយាមលាក់បាំងសង្សារមិនឲ្យគេស្គាល់បែបនេះ។
ពេជ្រ សោភា បានធ្លាក់ខ្លួនមេម៉ាយជាង៤ឆ្នាំមកហើយក្រោយនាងចែកផ្លូវជាមួយអតីតប្ដីលោកឡៅ ឆលី ដែលជាទាហានអាកាសអាមេរិក។នាងត្រូវបានគេចាត់ទុកថាជាតារាដែលជោគជ័យតែអាជីពសិល្បៈប៉ុណ្ណោះ តែរឿងស្នេហាបានបរាជ័យជាបន្ដបន្ទាប់ ។ប៉ុន្ដែការលើកឡើងបែបនេះត្រូវបានសោភា ច្រានចោលដោយអះអាងថាជារឿងមិនអាចទទួលយកបានព្រោះជីវិតជាស្រ្ដីមេម៉ាយមានអីមិនល្អទៅបើពោពេញទៅដោយសេរីភាពបែបនេះ?សោភា ក៍ធ្លាប់វាចាថាលើលោកនេះគ្មានស្រី្ដណាម្នាក់ចង់បានប្ដីដូចបទចម្រៀង”ទុក្ខស្រី ប្ដីកាន់លុយ”នោះទេ។សោភា ថាដោយសារតែនាងធ្លាប់ឆ្លងកាត់ជីវិតអាពាហ៍ពិពាហ៍ម្ដងរួចមកហើយ ហេតុនេះពេលមានស្នេហ៍ថ្មីនាងមិនត្រូវការ រៀបការជាលើកទី២នោះទេ។
ពេជ្រ សោភា ហាក់មានយ៊ីអ៊ុនល្អនៅរយៈពេលចុងក្រោយនេះព្រោះបានធ្វើBA ឲ្យក្រុមហ៊ុនមួយដោយស៊ីថ្លៃដល់ទៅ៣០ម៉ឺនដុល្លារក្នុង១ឆ្នាំ ហើយនាងក៍ក្លាយជាគណៈកម្មារការលេចធ្លោរម្នាក់ក្នុងកម្មវិធីប្រលងចម្រៀងBeat The Best ផងដែរ។អ្នកមេម៉ាយសាច់ចាំរូបនេះក៍ពិបាករកតារាណាដែលអាចប្រៀបធៀបជាមួយនាងបានដែរព្រោះទោះជាកូវីដ២ឆ្នាំជាប់គ្នាធ្វើឲ្យនាងបាត់បង់ការច្រៀងសម្ដែងConcerts ធំៗតាមបណ្ដារខេត្តទាំងស្រុងក្ដី តែសោភា បានក្លាយទៅជាតារាដែលលេងម៉ូដឡានកាលីពជាងគេនៅឆ្នាំ២០២១-២០២២ ។សោភា បានចំណាយលុយក្បែរ១លានដុល្លារទិញរថយន្ដទំនើបជិះឆ្លាស់គ្នាមិនចាញ់តារាប្រទេសជិតខាងឡើយដែលក្នុងនោះមានដូចជាPorsche, Mercedes, Audi ,Bmw និងRange Rover ជាដើម ខណៈដែលប្រភេទឡានMercedes ដែលនាងជិះត្រូវបានគេដឹងថាមានតែ៦គ្រឿងប៉ុណ្ណោះនៅស្រុកខ្មែរ។តារាធ្លាប់ល្បីថាមានកូនស្រី១តែនាងប្រកែករូបនេះក៍ជាអ្នកនិយមចូលចិត្តពាក់នាឡិការដៃថ្លៃៗផងដែរដូចជាRolex និងRichard Mille ដែល១គ្រឿងស្មើតម្លៃផ្ទះវីឡារ១។ជុំវិញការកើនទ្រព្យនិងលេងសម្ភារៈនិយមកាន់តែឡូយឆាយនេះធ្វើឲ្យមានការសង្ស័យថាសោភា មានគូស្នេហ៍ឧបត្ថម្ភ តែតារាច្រៀងនៅហង្សមាសជាង១៦ឆ្នាំរូបនេះថាទឹកលុយទាំងនោះបានមកពីអាជីពសិល្បៈ និងការរកស៊ី។
មហាជនរងចាំមើលថាតើចំណងស្នេហាថ្មីរបស់ពេជ្រ សោភា ជាមួយប្រុសសង្ហារលាក់មុខនោះអាចរក្សារបានយូអង្វែងឬអត់?ឬមួយគ្រាន់តែជាស្នេហ៍១ផ្សែងបារី?