ភ្នំពេញ៖តន់ ច័ន្ទសីម៉ា តែងតែប្រាប់ទៅអ្នកគាំទ្ររបស់ខ្លួនថាបេះដូងនាងនៅទំនេរមិនទាន់មានអ្នកឃុំគ្រងឡើយដែលការថ្លែងបែបនេះរបស់តារាវ័យ២៥ឆ្នាំធ្វើឲ្យFan មួយចំនួនមិនអស់ចិត្តព្រោះសម្អាងថានាងស្អាតនិងល្បីប៉ុណ្ណឹងដែររឿងអីអត់ប្រុសស្រលាញ់។តែសីម៉ា នៅតែថាអ្នកពិសេសរបស់នាងគឺជាអ្នកគាំទ្រនោះឯង គ្មានអ្នកណាផ្សេងទេ។យ៉ាងណាចម្លើយរបស់សីម៉ា បែបនេះគឺគ្រាន់តែជាការចង់លាក់បាំងរឿងម្ចាស់បេះដូងប៉ុណ្ណោះព្រោះនៅក្នុងសិល្បៈអ្នកណាក៍បានដឹងថាសីម៉ា ត្រូវបុរសពោះម៉ាយម្នាក់តាមស្នេហ៍យ៉ាងប្រកិតបំផុត ហើយអាជីពចម្រៀងរបស់នាងអាចប្រឈមភាពប្រែប្រួលទៀតផងប្រសិនបើនាងបដិសេធប្រុសម្នាក់នោះ។តារាដែលស្និតសីម៉ា បានបង្ហើបថាប្រសិនបើច័ន្ទសីម៉ា ព្រមបង្ហាញស្នេហ៍ជាចំហនោះក៍គ្មានឧបស័ក្កធំឡើយ ព្រោះថាប្រុសនោះបានលែងលះជាមួយប្រពន្ធដាច់អស់ទៅហើយបើទោះជាលោកនៅតែស្និតភរិយាដើមក្ដី។
តន់ ច័ន្ទសីម៉ា ត្រូវបានអ្នកជំនាញសិល្បៈលើកឡើងថានាងច្រៀងស្ទីលអ្នកនាងខាត់ សុឃីម ព្រោះស្អកដូចគ្នាហើយពេលច្រៀងបទកន្ទ្រឹមរឹតតែប្រហែលគ្នាទៀត។ការឈជើងនៅGalaxy រយៈពេលខ្លីនេះធ្វើឲ្យនាងច័ន្ទសីម៉ា ផ្លាស់ប្ដូរស្ទើគ្រប់បែបយ៉ាងទាំងអស់ទាំងកេរ្ដិ៍ឈ្មោះ រូបសម្រស់ និងជីវភាព ព្រោះថាពេលនេះនាងបានកា្លយទៅជាតារាផ្នែកយុវវ័យលំដាប់ជូរមុខគេដែលមានប្រៀបជាងនាងរ៉េត ស៊ូហ្សាណា ,រ៉ាប៊ី និងយូរី ជាដើម។ដោយឡែកលោកយឹម តាស្រង់ អ្នកគ្រប់គ្រងGalaxy ធ្លាប់ប្រាប់អ្នកយកព័តមានយើងថាពេលនេះសីម៉ា គឺជាតារាលំដាប់Grade A ដែលច្រៀងConcerts ធំនៅតាមខេត្ត១កម្មវិធីស៊ីថ្លៃ៥០០០ដុល្លារ។ ប៉ុន្ដែក្រោយច័ន្ទសីម៉ា ត្រូវមេកំណត់តម្លៃខ្ពស់ជាងព្រាប សុវត្ថិ និងខេមរៈ សិរីមន្ដ បែបនេះធ្វើឲ្យបណ្ដារអ្នករៀបចំកម្មវិធីប្រគុំតន្រ្ដីមួយចំនួនថ្ងូរដូចព្រាប ថាពួកគេគ្មានលទ្ធភាពជួលអតីតអ្នកស្មូតលេខ១ប្រចាំខេតត្តតាកែវរូបនេះឡើងឆាកឡើយ ព្រោះថ្លៃពេក។ភ្លាមៗនោះលោកតាស្រង់ ថាបើគេមិនហ៊ានហៅច្រៀងក៍មិនអីដែរព្រោះថាពេលនេះGalaxy មានលទ្ធភាពចិញ្ចឹមតារារបស់ខ្លួនឲ្យរស់បានស្រួលហើយ។
គូរបញ្ជាក់ថាតន់ ច័ន្ទសីម៉ា ដែលសម្រស់ប្រែប្រួលទៅតាមទឹកលុយនោះនាងធ្លាប់សារភាពថាបានកែច្រមុះ និងចាក់តចង្ការឲ្យវែងមែន តែផ្នែកផ្សេងៗទៀតនាងមិនបានធ្វើដូចគេសង្ស័យនោះទេ។អតីតតារាចម្រៀងនៅហាងវីហ្រេ្វនដែលធ្លាប់ច្រៀង១យប់បានតែជាង១០ដុល្លារ និងធ្លាប់រស់នៅផ្ទះជួលម្ដុំស្ដុបDN ហើយត្រូវឆោឆក់ទូរស័ព្ទពេលជិះម៉ូតូរូបនេះបច្ចុប្បន្ននាងមានរថយន្ដទំនើបជិះ និងរស់នៅផ្ទះយ៉ាងប្រណិតផងដែរ។ទស្សនិកជនរងចាំមើលថាតើពេលណាទៅទើបច័ន្ទសីម៉ា ឈប់ខ្លាចនិងហ៊ានបង្ហាញមុខសង្សារឲ្យគេស្គាល់?
