ភ្នំពេញ៖ស្រីស្រស់ធ្មេញចំពើសរ៉េត ស៊ូហ្សាណា បានធ្វើខួបកំណើតធំជាលើកទី១កាលពីថ្ងៃទី១ខែកម្ភៈ ឆ្នាំ២០២២ ដែលពេលនេះនាងមានអាយុ២២ឆ្នាំហើយ។គេកត់សម្គាល់ថាការជប់លៀងធំសម្រាប់ខួបកំណើតឆ្នាំនេះរបស់ហ្សាណា បន្ទាប់ពីនាងទើបបញ្ចប់ការសិក្សារថ្នាក់បរិញ្ញាបត្រផ្នែកគ្រប់គ្រងពាណិជ្ជកម្មនៅមហាវិទ្យាល័យRaffles International College កាលពីថ្ងៃទី២៤ខែមករា ហេតុនេះហើយបានជាឪពុកម្ដាយរបស់នាងជប់លៀងខួបធំឲ្យនាងតែម្ដងដោយមានតារាសិល្បៈរួមអាជីពដែលជិតដិតបានមកអបអរសាទរស្រីស្អាតរូបនេះក្នុងថ្ងៃពិសេសរបស់នាងផងដែរ។
គេកត់សម្គាល់ថានៅវ័យ២២ឆ្នាំនេះនាងរ៉េត ស៊ូហ្សាណា ដែលទើបចាប់អាជីពចម្រៀងជាង៤ឆ្នាំនេះនាងសល់ទ្រព្យមិនក្រោមកន្លះលានដុល្លារនោះទេដែលនោះគិតតែពីលើផ្ទះដែលនាងបានទិញ២ល្វែងជាប់គ្នាតម្លៃខ្ទង់ជាង៣០ម៉ឺនដុល្លារកាលពីដើមខែមករាឆ្នាំ២០២១ និងរថយន្ដទំនើបម៉ាកJeep Rubicon តម្លៃ៨៧០០០ដុល្លារដែលនាងទិញកាលពីចុងខែឧសភាឆ្នាំ២០២១ ។ប៉ុន្ដែអ្វីដែលគូរឲ្យកត់សម្គាល់នាងហ្សាណា មិនត្រូវបានគេសង្ស័យពីរឿងមានប្រុសឧបត្ថម្ភដូចតារាស្រីស្អាតផ្សេងៗទៀតនៅក្នុងសិល្បៈឡើយ ព្រោះសម្អាងថានាងបានឪពុកម្ដាយជាអ្នកមានជីវភាពធូធារតាំងពីមុននាងចូលសិល្បៈម្លេះ។ នៅថ្ងៃខួបកំណើតរបស់ហ្សាណា នេះដែរនាងមិនបង្ហាញឲ្យគេឃើញមានប្រុសណាស្និតស្នាលជាចំហដូចគូស្នេហ៍ឡើយ បើទោះជាតារាសាច់សខ្ចីរូបនេះធ្លាប់បញ្ចេញសញ្ញាមានគូស្នេហ៍តាំងពីពាក់កណ្ដាលឆ្នាំ២០២០ តាមរយៈការកាន់ដៃប្រុសម្នាក់ដោយបាំងមុខក៍ដោយ។
គូរបញ្ជាក់ថារ៉េត ស៊ូហ្សាណា បានធ្វើឲ្យអ្នកដែលធ្លាប់តែត្រូវបានគេរិះគន់ថានាងច្រៀងមិនកើតបានតែរូបសម្រស់នោះហាក់នៅទ្រឹង ក្រោយពីនាងចេញបទ”សង្ស័យ”ដែលប្រើស្ទីលច្រៀងស្រដៀងពេជ្រ សោភា ។អតីតបេក្ខភាពThe Voice Cambodia រដូវកាលទី២ រូបនេះក៍ត្រូវបានគេព្យាករណ៍ថានាងអាចនឹងត្រូវថៅកែលើកឲ្យធ្វើជាCoach ឬគណៈកម្មារការក្នុងកម្មវិធីប្រលងចម្រៀងណាមួយរបស់ហង្សមាសនាពេលខាងមុខនេះដែរ ព្រោះសម្អាងថាសូម្បីតែនីកូ ជាតារាចម្រៀងធម្មតាម្នាក់ក៍ត្រូវម្ចាស់ផលិតកម្មធំនេះលើកបន្ដុបឲ្យកាន់តំណែងធំនេះដែរ ហេតុនេះហើយរឿងអីស្រីស្អាតនិងល្បីដូចហ្សាណា មិនអាចធ្វើបាន?ប៉ុន្ដែសម្រាប់ទីផ្សារចម្រៀងហ្សាណា វិញអ្នកជំនាញសិល្បៈលោកមិញ សុធីវណ្ណ ធ្លាប់អះអាងថាពេលនេះនាងមិនទាន់អាចប្រជែងជាមួយតារាស្រីឈានមុខរបស់ហង្សមាសបានទេគឺត្រូវការពេលវេលាបន្ថែមទៀតព្រោះការច្រៀងបទជាភាសារខ្មែររបស់នាងមានកម្រិត៕
