ភ្នំពេញ៖បើទោះជាតារាចម្រៀងថោន នាងជុំ រចនាពេជ្រ ហៅបេប៊ី បានបាត់មុខពីបណ្ដារឆាកតន្រ្ដីទាំងឡាយរយៈពេលជាង២ឆ្នាំក្ដី ប៉ុន្ដែស្រីស្អាតសាច់សខ្ចីនេះមិនបោះបង់ក្ដីសង្ឃឹមក្នុងអាជីពចម្រៀងឡើយ ថ្វីត្បិតតែមានមានការបារម្ភខ្លះៗជុំវិញការពិបាកស្ដារទីផ្សារចម្រៀងឡើងវិញក្ដី។បេប៊ី នៅតែតាំងចិត្តថានាងត្រូវតែវិលមកកាន់ក្បាលមីក្រូសារជាថ្មីម្ដងទៀត ប៉ុន្ដែពេលវេលាជាក់លាក់មិនទាន់ត្រូវបានស្រីស្រស់កំណត់ឲ្យច្បាស់លាស់ទេ ព្រោះសម្អាងថានាងបានងាកទៅរកស៊ីច្រើនអំឡុងពេលកូវីដមិនទាន់ស្ងាត់ទាំងស្រុងនេះ។នាងថាទស្សនិកជនធ្លាប់តែឃើញរូបនាងធ្វើMC ,សម្ដែងខារ៉ាអូខេ និងភាពយន្ដ រួមទាំងច្រៀងរាំលើឆាក តែពេលដែលបាត់មុខនាងមួយអន្លើនេះគឺនាងបានក្លាយទៅជាស្រី្ដមេផ្ទះយ៉ាងចំណានម្នាក់ព្រោះចេះធ្វើម្ហូបជាច្រើនមុខ។តារាសាច់ដូចបណ្ដូលចេករូបនេះថាក្រោយតំណើរការហាងការហ្វេដល់ទៅ៣ទីតាំងផ្សេងៗគ្នាពេលនេះនាងត្រៀមនឹងបើកសម្ពោធសាខាទី៤នាពេលខាងមុខនេះហើយ ដែលមានន័យថាអំឡុងពេលបាត់ខ្លួនជាង២០ខែនេះនាងបានសម្រេចបំណងធំតាមរយៈការបើកហាងកាហ្វេដល់ទៅ៤។
បេប៊ី មានរូបសម្រស់និងក្បាច់រាំមិនចាញ់នាងរ៉ាបី ឡើយទើបធ្វើឲ្យថោន មានស្រីស្អាតពូកែរាំដល់ទៅ២ដួងប្រជែងគ្នា។តែបេប៊ី នៅមិនទាន់បញ្ចេញសម្ថភាពអស់នោះទេព្រោះផែនការណ៍ដែលនាងចង់វាយលុកទីផ្សារចម្រៀងផ្នែកយុវវ័យនោះត្រូវបានផ្អឹបព្រោះតែកូវីដ។តែបេប៊ី បានសន្យាថាការវិលវិញរបស់នាងនាពេលខាងមុខនេះគឺថ្មីប្លែកជាងពេលមុនៗហើយជឿរថាFan ទាំងឡាយនិងបន្ដគាំទ្រនាងដូចមុនជាមិនខានឡើយ។
ក្រៅពីបេប៊ី តារាដែលបើកហាងកាហ្វេមានដូចជានាងឌួង ហ្សីរីដា,មាស សុខសោភា ខណៈដែលគង់ វង្សយ៉ាទី បានចំាណាយទុនអស់៥ម៉ឺនដុល្លារ បើកហើយក៍បិតទៅវិញ។ចំពោះនាងរចនាពេជ្រ ហៅបេប៊ី វិញនាងថាកាក់កបណាស់ព្រោះលក់ដាច់ខ្លាំង ហើយនាងក៍បញ្ជាក់ថាការផ្អាកពីការរាំច្រៀងមួយរយៈធំនេះមិនមែននាងមានគូស្នេហ៍ហួងហែងនោះទេ តែជាការបង្កើតមុខរបរថ្មីក្រៅពីសិល្បៈ ហើយនៅពេលដែលវេលាសមស្របណាមួយថាអាចវិលមកច្រៀងដូចមុនបានហើយ នាងនឹងចាប់ផ្ដើមវាយលុកទីផ្សារចម្រៀងយកតែម្ដង។ទស្សនិកជនរងចាំមើលថាតើថៅកែស្រីរូបស្អាតនេះនឹងវិលវិលដូចការប្រកាសមែន ឬមួយក៍បេប៊ី ចេះតែរយាលៗពីសិល្បៈហើយបន្ដបាត់មុខតទៅទៀត?
