កាលពីថ្ងៃព្រហស្បតិ៍ជនជាតិថៃប្រហែល20នាក់ បានមកស្ថានទូតអ៊ុយក្រែនដើម្បីស្វែងរកព័ត៌មានអំពីដំណើរការជ្រើសរើសបុគ្គលិកទាហានស្ម័គ្រចិត្តទៅជួយអ៊ុយក្រែនប្រឆាំងជាមួយរុស្ស៊ី។
បុគ្គលិកនៃស្ថានទូតម្នាក់បាននិយាយថា មន្ត្រីកំពុងពិចារណាលើបេក្ខជនដែលត្រូវបញ្ជូនឯកសារតាមអ៊ីនធឺណិត រួមទាំងភស្តុតាងនៃការបណ្តុះបណ្តាលយោធា និងកំណត់ត្រាឧក្រិដ្ឋកម្មស្អាតស្អំ។វាមិនច្បាស់ទេថាតើពួកគេណាមួយនឹងត្រូវបានទទួលយកទៅក្នុងកងពលអន្តរជាតិរបស់អ៊ុយក្រែន។
ការស្ម័គ្រចិត្តនេះបានកើតឡើងបន្ទាប់ពីប្រធានាធិបតីអ៊ុយក្រែនលោកហ្សេឡិនស្គីអំពាវនាវទៅកាន់ពលរដ្ឋទាំងអស់នៃពិភពលោក មិត្តរបស់អ៊ុយក្រែន សន្តិភាព និងលទ្ធិប្រជាធិបតេយ្យ។ នរណាម្នាក់ដែលចង់ចូលរួមការពារអ៊ុយក្រែន អឺរ៉ុប និងពិភពលោកអាចមកប្រយុទ្ធជាមួយអ៊ុយក្រែនប្រឆាំងនឹងរុស្ស៊ី។
លោក Dej អាយុ 39 ឆ្នាំ ជាអនុរក្សស្ម័គ្រចិត្តមកពី Narathiwat បាននិយាយថាខ្ញុំតាមដានជម្លោះរុស្ស៊ី–អ៊ុយក្រែនហើយមានអារម្មណ៍តូចចិត្តចំពោះការលុកលុយរបស់រុស្ស៊ី ដែលលោកប្រដូចមនុស្សធំសម្លុតកូនតូចក្មេងទើប ជំរុញឱ្យលោកស្ម័គ្រចិត្តចូលរួមជាមួយ អ៊ុយក្រែនប្រឆាំងរុស្ស៊ី។
លោកបាននិយាយថាខ្ញុំស្អប់មនុស្សខ្លាំងយាយីអ្នកទន់ខ្សោយ។ខ្ញុំត្រៀមខ្លួនរួចជាស្រេចដើម្បីលាឈប់ពីការងារជាអនុរក្សស្ម័គ្រចិត្តហើយហោះហើរទៅកាន់អ៊ុយក្រែនប្រសិនបើខ្ញុំត្រូវបានជ្រើសរើសឱ្យចូលរួមក្នុងការប្រយុទ្ធ។
លោកបាននិយាយថាលោកត្រូវបានបណ្តុះបណ្តាលប្រើប្រាស់អាវុធទោះបីជាលោកត្រូវរកលុយសម្រាប់ថ្លៃធ្វើដំណើរ និងសំបុត្រយន្តហោះក៏ដោយ។
លោក Tack អាយុ 39 ឆ្នាំមកពីខេត្ត Phetchabun បាននិយាយថាគាត់ត្រៀមខ្លួនរួចជាស្រេចក្នុងការជួយអ៊ុយក្រែនការពារខ្លួនប្រឆាំងនឹងរុស្ស៊ីទោះបីជាគាត់មិនចង់ឱ្យជម្លោះកើនឡើងដល់សង្រ្គាមពិភពលោកមួយផ្សេងទៀតក៏ដោយ។
Golf អាយុ 31 ឆ្នាំ ជាអតីតទាហាន បាននិយាយថា គាត់បានមកដល់ស្ថានទូតអ៊ុយក្រែន នៅផ្លូវ Witthayu ដើម្បីសាកសួរអំពីការជ្រើសរើសបុគ្គលិក៕