អូស្រ្ដាលី៖ដាញ់ ម៉ូនីកា បាននាំស្វាមីនាងលោកប៊ុន ថែល និងកូនប្រុសស្រីទាំង២នាក់ចេញទៅប្រទេសអូស្រា្ដលីវិញហើយកាលពីថ្ងៃទី១៤ខែមីនា បន្ទាប់ពីនាងបានមកលេងស្រុកលើកនេះមានរយៈពេលជិត១ខែ និងបានដើរកម្សាន្ដនៅតំបន់រម្យនីយដ្ឋាននាជាយក្រុងមួយចំនួន។មុនឡើងយន្ដហោះទៅវិញម៉ូនីកា បានឲ្យដឹងថាការមកលេងស្រុករបស់នាងលើកនេះគឺទាក់ទងការផ្សព្វផ្សាយគ្រឿងCosmetics ហើយនាងគ្រោងបើកហាងមួយនៅភ្នំពេញឆាប់ៗខាងមុខនេះផងដែរ។នាងក៍ប្រាប់ឲ្យដឹងថាចាប់ពីពេលនេះតទៅនឹងចុះមកស្រុកខ្មែរឲ្យបានញឹកញាប់ជាងមុនព្រោះទាក់ទងការរកស៊ី ប៉ុន្ដែទាំងការមកជើងនេះនិងលើកមុនៗម៉ូនីកា ថានាងមិនដែលបានឆ្លៀតថតភាពយន្ដឬស្ពតនោះទេ ព្រោះថាពេលវេលាមកខ្លីៗនិងម្យាងទៀតគ្មានផលិតករទាក់ទង។តែនាងថាក្នុងបេះដូងគឺនៅតែស្រលាញ់សិល្បៈដូចដើម និងមើលឃើញពីតារាថ្មីៗចេញមកស្អាតៗណាស់។ដោយឡែកទាក់ទងរឿងយកកូនថែមនោះម៉ូនីកា ថាការមានកូន២នាក់គឺគ្រប់គ្រាន់ហើយសម្រាប់រូបនាងព្រោះពេលនេះកូនស្រីច្បងនាងអាយុជាង១០ឆ្នាំ ខណៈកូនប្រុសអាយុ៦ឆ្នាំ។ដោយឡែកម្ដាយរបស់នាងវិញពេលនេះកំពុងរស់នៅប្រទេសអូស្រ្ដាលីនិងមិនបានរួមតំណើរមកខ្មែរជាមួយនាងឡើយ។
នៅថ្ងៃដាញ់ ម៉ូនីកា ឡើងយន្ដហោះដែរគេឃើញមិត្តភក្ដិដ៍ជិតដិតបំផុតរបស់នាងគឺកែវ ពេជ្រពិសី និងពៅ លីដា ក៍បានជូនដំណើរនាងដែរ។ម៉ូនីកា ក៍ប្រាប់ដែរថាមូលហេតុដែលនាងនៅខ្មែរមិនបានយូរព្រោះនាងបានបើកហាងCosmetics នៅអូស្រា្ដលីដែរហើយពេលនាងមិននៅអតិថិជនសួររកច្រើនអីចឹងហើយបានជានាងមិនអាចពន្យាពេលនៅខ្មែរឲ្យបានយូជាងនេះ។
ដាញ់ ម៉ូនីកា បានរៀបការជាមួយលោកប៊ុន ថែល កាលពីថ្ងៃទី២៤ខែកុម្ភៈឆ្នាំ២០១០ បន្ទាប់ពីនាងបានថតភាពយន្ដបានជាង១០០រឿង។សព្វថ្ងៃម៉ូនីកា និងប្ដីរស់នៅរដ្ឋម៉ែនប៊ន ប្រទេសអូស្ដា្រលីហើយនាងមានជីវភាពធូធារដូចជាមានផ្ទះយ៉ាងប្រណិត និងជិះរថយន្ដទំនើបៗមានLexus Lx570 និងMercedes ជាដើម។ចំណែកការការវិលវិញនេះម៉ូនីកា មិនទាន់កំណត់ពេលវេលាមកខ្មែរជាថ្មីនោះទេ ប៉ុន្ដែគេចាប់អារម្មណ៍ថានាងបានសង់ផ្ទះវីឡារយ៉ាងប្រណិតនៅខ្មែរដែលបញ្ជាក់ថាអតីតតារាសម្ដែងស្រអែមស្រស់កូន២ពិតជាមានទ្រព្យទាំងក្នុងនិងក្រៅស្រុកមិនធម្មតាឡើយ៕