ភ្នំពេញ៖អំឡុងពេលដែលតារាល្បីៗបានសម្រុកថតបទចូលឆ្នាំខ្មែរសឹងគ្រប់គ្នានោះគេសង្កេតឃើញថាកាលពីចុងខែកុម្ភៈឆ្នាំ២០២២ តារាថោនឈិត សុវណ្ណបញ្ញា បានចេញទៅកម្សាន្ដកាយ៉ានៅប្រទេសបារាំង និងស្វីសជាដើមដោយសប្បាយម៉ាអស់ដៃតែម្ដង។តែដំណើរជាលក្ខណៈឯកជននោះសុវណ្ណបញ្ញា មិនបង្ហាញមុខអ្នកដែលរួមដំណើរជាមួយនាងឡើយបើទោះជាគេជឿថានាងអាចទៅពិសោធន៍ស្នេហ៍នៅក្រៅស្រុកជាមួយមនុស្សពិសេសក្ដី។តែអ្វីដែលគូរឲ្យចាប់អារម្មណ៍អំឡុងពេលដែលសុវណ្ណបញ្ញា ស្ងប់ស្ងាត់ពីអាជីពចម្រៀងនេះនាងកាន់តែឡូយឆាយនិងប្រើប្រាស់អ៊ឺវ៉ាន់សុទ្ធតែប្រេន ប្រេនតែម្ដងដែលធ្វើឲ្យតារាផ្សេងៗពិបាកប្រៀបធៀបជាមួយនាង។
សូមបញ្ជាក់ថាឈិត សុវណ្ណបញ្ញា តាំងពីប្រឡូកសិល្បៈរយៈពេលជាង១៧ឆ្នាំមកនាងមិនដែលហ៊ានបណ្ដើរគូស្នេហ៍ជាសាធារណៈម្ដងណាឡើយ គឺព្យាយាមបិទជិតឈឹងតែម្ដងបើទោះជានាងធ្លាប់ជំពប់រឿងស្នេហ៍អ្នកលក់ឡាន និងថៅកែហាងមួយក្ដី តែក្រោយមកបញ្ញា ថាបុរសជាអ្នកគក់ជេឡាននោះបានក្លាយទៅជាប្អូនថ្លៃនាងទៅហើយ ខណៈរឿងរ៉ាវដែលគេច្រឡំថានាងនិងប្រុសនោះជាសង្សារគ្នាដោយសារតែ ប្អូនស្រីនាងមានមុខមាត់ច្រឡំនាង។ចំណែកការបង្ហាញខ្លួនតាមរយៈកម្មវិធីមិត្តភក្ដិអ្នកសិល្បៈចុងក្រោយនោះសុវណ្ណបញ្ញា មិនដែលផ្ដល់បទសម្ភាសន៍នោះទេដោយនាងអះអាងថាមេមិនឲ្យនិយាយការងារខ្លះប្រាប់មុន។
ឈិត សុវណ្ណបញ្ញា លេចធ្លោគូសមអំឡុងពេលដេលនាងច្រៀងនៅហង្សមាស តែក្រោយពីនាងបានដើរចេញពីទ្រនុំធំនេះដោយសារការអាកអន់ចិត្តរឿងផលិតកម្មមិនព្រមចេញSolo Album តាមការសន្យានោះទើបសុវណ្ណបញ្ញា ទៅផ្ញើរខ្លួននៅថោន។ប៉ុន្ដែរយៈពេលជិត៥ឆ្នាំនៅទ្រនុំទី២នេះសុវណ្ណបញ្ញា កាន់តែពិបាកប្រជែងទីផ្សារចម្រៀងហើយនាងបានបាត់បង់ឱកាសច្រៀងConcerts ធំៗដែលរៀបចំដោយហង្សមាសទៀតផង។តែអ្វីដែលគូរឲ្យកត់សម្គាល់សុវណ្ណបញ្ញា ពេលនេះមានជីវភាពធូធាររស់នៅផ្ទះវីឡារ និងជិះរថយន្ដទំនើបៗផ្លាស់ប្ដូរជាញឹកញាប់។ដោយឡែកមិត្តភក្ដិរបស់បញ្ញា ដែលបច្ចុប្បន្នពួកគេនៅច្រៀងហង្សមាសនៅឡើយ ចង់ឲ្យនាងត្រឡប់ទៅទ្រុំចាស់វិញដូចសុគន្ធ និសា ប៉ុន្ដែរឿងនេះពិបាកទៅរួចព្រោះថាសុវណ្ណបញ្ញា ធ្លាប់ប៉ៈសំដីជាមួយលោកអ៊ឹង សុងលាភ ដែលជាអ្នកគ្រប់គ្រងហង្សមាសទើបឱកាសដែលហង្សមាសបើកផ្លូវសុវណ្ណបញ្ញា វិលវិញគឺមានតិចតួចបំផុត។យ៉ាងពេលនេះសុវណ្ណបញ្ញា នៅតែជាតារាថោន នៅឡើយហើយនាងមិនផ្ដោតលើអាជីពសិល្បៈទាំងស្រុងដូចមុននោះទេ ព្រោះមានហាងសាឡន និងដីធ្លីមួយចំនួនទៀត៕