ភ្នំពេញ៖ចំណងស្នេហាថ្មីលោកសុខ មេសា ហៅនាយចឺម ជាមួយអ្នកមេម៉ាយកូន១សាច់សខ្ចីដូចបណ្ដូលចេកនាងសេង សុខគីម បានបង្ហាញសកម្មភាពស្អិតល្មូតជាចំហដែលមើលទៅសកម្មភាពរបស់ពួកគេដូចប្ដីប្រពន្ធទើបរៀបការហើយថ្មោងថ្មីអីចឹងហើយមិនមែនស្រលាញ់តែម្ខាងៗនោះទេតែទាំងសងខាងពេញចិត្តគ្នាខ្លាំងណាស់។អ្វីដែលគូរឲ្យកត់សម្គាល់នោះសង្សារថ្មីរបស់នាយចឺម អ្នកនាងសុខគីម តែងតែទៅតាមនាយចឺម គ្រប់កម្មវិធីទាំងអស់តែម្ដងដូចជាពេលនាយចឺម ទៅច្រៀងសម្ដែងតាមខេត្ត,ថតMV និងច្រៀងតាមកម្មវិធីអាហ្វែមង្គលការទាំងឡាយជាដើមដែលប្រាកដជាធ្វើឲ្យនាយចឺម ពិបាកងាករេចិត្តរកអ្នកថ្មី ព្រោះគូស្នេហ៍មិនបណ្ដោយឲ្យនាយទៅណាម្នាក់ឯងៗនោះទេ។ អ្វីដែលគូឲ្យតក់សម្គាល់នោះនៅក្នុងពិធីមង្គលការរបស់នាងវ៉ាន់ នីឡា កាលពីពេលថ្មីៗនេះនាយចឺម បណ្ដើរអនាគតភរិយានាងសុខគីម ទៅកៀកកើយគ្នាស្ទើតែប្រឡេះមិនចេញ ដែលធ្វើឲ្យអ្នកសិល្បៈរួមអាជីពចាប់អារម្មណ៍និងខ្លះលាន់មាត់សរសើរលោកមេសា ថាពិតជាធម្មតាមែន ព្រោះមើលទៅនាងសុខគីម ហាក់បង្ហាញកាយវិការស្រលាញ់នាយខ្លាំងណាស់។ប៉ុន្ដែក្នុងជំនួបតាមទូរស័ព្ទកន្លងមកនៅពេលសាកសួររឿងរៀបការនោះនាយចឺម ថាមិនទាន់គិតគូដល់តំណាក់កាលនេះជាមួយអ្នកនាងសុខគីម ឡើយ។
សូមបញ្ជាក់ថានាយចឺម ពិតជាធម្មតានោះទេព្រោះធ្លាប់ប្រេះឆាស្នេហ៍ជាមួយតារាស្រីស្អាតៗ៣នាក់មកហើយក្នុងនោះមានដូចជានាងអៀ ម៉េងលិ ហៅអូនម៉ីម៉ី,ពុធ ស្រីខួច និងនាងហ្វា ហ្វា ហៅស្រីយី តែអ្វីដែលគេចាប់អារម្មណ៍នោះរាល់ការបែកសង្សារចាស់នាយចឺម មិនដែលទុកភាពឯកាឲ្យនៅយូនោះទេ ហើយនាយតែងតែងរកបានគូស្នេហ៍ថ្មីស្អាតមិនចាញ់អ្នកចាស់ឡើយ។នាយចឺម ធ្លាប់ធ្វើការតាំងចិត្តយ៉ាងមុតមាំថានឹងបញ្ចប់ការស្វែងរកសង្សារថ្មីត្រឹមនាងសុខគីម នេះហើយ ព្រោះថាម្ចាស់ចិត្តថ្មីនេះមិនមែនដូចសង្សារចាស់របស់នាយ ដែលចូលមកក្នុងជីវិតនាយ ដើម្បីតែសម្លឹងឃើញផលប្រយោជន៍ពីនាយឡើយ។ប៉ុន្ដែនាយចឺម នៅតែនិយាយដូចមុនៗថាពេលនេះត្រឹមជាសង្សារគ្នា អីចឹងមិនដឹងថាថ្ងៃខាងមុខនឹងមានរឿងអ្វីកើតឡើងនោះទេ ព្រោះថាប្ដីប្រពន្ធខ្លះគង់មានបែកគ្នា ចុះទម្រាំនាយនិងគូស្នេហ៍ត្រឹមជាសង្សារ?
មជ្ឈដ្ឋានមហាជនមើលឃើញថាពេលនេះនាយចឺម ជាតារាមានមន្ដស្នេហ៍ម្នាក់ក្នុងពិភពសិល្បៈទើបអ្នកខ្លះថានាយឆ្វាក់ខ្លាំងណាស់ ព្រោះញ៉ែបានៗគឺដូចគ្នាទៅនិងលោកអ៊ីណូ ,នាយពែកម៉ី ,នាយក្រូច រួមទាំងលោកឧកញ៉ាលាន អាហ្រ្វីលគីនីន ជាដើមដែលឲ្យតែញ៉ែស្រីណាហើយ នារីៗទាំងនោះជឿរស្លុងតែម្ដង៕