អូស្រា្ដលី៖អ្នកនាងផូ មុនីពៅ បានឡើងយន្ដហោះចេញទៅអូស្រា្ដលីវិញហើយកាលពីថ្ងៃទី២៦ខែមីនា បន្ទាប់ពីនាងបានមកជួបឪពុកម្ដាយកាលពីថ្ងៃទី១២មីនា និងធ្វើតំណើរកម្សាន្ដក្នុងស្រុកអស់រយៈពេល២សប្ដាហ៍។អតីតពិធីការិនីCTN រូបនេះបានឲ្យដឹងថានាងនឹងវិលមកខ្មែរសារជាថ្មីម្ដងទៀតនៅពេលខាងមុខដែលអាចនៅចន្លោះខែសីហា ឬកញ្ញាឆ្នាំ២០២២ ប្រសិនបើកូវីដ មិនផ្ទុះមេរោគបំលែងថ្មីៗគូរឲ្យបារម្ភទេនោះ។តារាកូន១សម្រស់នៅតែផូផង់រូបនេះថាការមកខ្មែរលើកនេះរឿងសំខាន់គឺមកជួបឪពុកម្ដាយ ព្រោះម្ដាយនាងមានសុខភាពមិនសូវល្អ តែនាងក៍បានឆ្លៀតទៅជួបមិត្តភក្ដិមួយចំនួន និងបានដើរកម្សាន្ដជាមួយគ្រួសារទៅលេងនៅខេត្តកំពត និងកែប ផងដែរ។អ្នកនាងក៍ប្រាប់ដែរថាការមកជើងនេះខុសប្លែកពីលើកមុនៗព្រោះតែស្វាមីនិងកូននាងមិនបានរួមតំណើរជាមួយហេតុនេះហើយនាងមិនអាចពន្យាពេលនៅខ្មែរបានយូរទៀតទេគឺត្រូវតែទៅអូស្រា្ដលីវិញតាមការកំណត់ដោយសារតែប្ដីរវល់ធ្វើការផងមើលថែកូនផងតែម្នាក់ឯង។
ផូ មុនីពៅ បានរៀបអាពាហ៍ ពិពាហ៍តាមប្រពៃណីខ្មែរជាមួយបុរសជានជាតិបារាំង និងជាមន្រ្ដីបម្រើរការនៅស្ថានទូតបារាំងលោកEric Boissoneau កាលពីថ្ងៃទី១១ខែកុម្ភៈឆ្នាំ២០១១ ហើយចំណងស្នេហាជាង១១ឆ្នាំនេះពួកគេទទួលបានចំណងដៃកូនប្រុសម្នាក់ឈ្មោះAlexis Boissoneau ឈ្មោះខ្មែរហៅថាវរម័ន្ដ បុរ័ស ហ្សូណូ អាយុ៤ឆ្នាំ បច្ចុប្បន្នរស់នៅអូស្រា្ដលីជុំគ្នា។អ្នកនាងមុនីពៅ បានវាចាថានាងចង់បានកូនបន្ថែមម្នាក់ទៀតហើយពេលនេះបានរៀបគម្រោងហើយតែមិនទាន់បានដំណឹងល្អនោះទេ ។អតីតពិធីការិនីល្បីឈ្មោះរូបនេះក៍បង្ហើបថាសម្រាប់ថ្ងៃអនាគតនាងមានគម្រោងចង់មករស់នៅស្រុកខ្មែរ៦ខែ និងនៅបារាំង៦ខែ ព្រោះថាក្រុមគ្រួសារស្វាមីនាងសុទ្ធតែជាអ្នករស់នៅប្រទេសបារាំង ខណៈដែលគ្រួសារនាងវិញរស់នៅខ្មែរទាំងអស់ដោយពួកគគាត់មានមុខរបរនិងការងាររៀងៗខ្លួន ស្របពេលដែលនាងក៍មានភាគហ៊ុនខ្លះជាមួយបងប្រុសនៅយានដ្ឋានមួយផងដែរ។
គូរបញ្ជាក់ថាក្រោយផូ មុនីពៅ ចាប់ដៃលោកEric Boissoneau ជាង១ទសវត្សន៍មកនេះនាងធ្លាប់បានចេញទៅរស់នៅតាមស្វាមីបម្រើរនៅស្ថានទូតបារាំងប្រចាំនៅចិន,បារាំង និងអូស្រា្ដលី ដែលនៅសល់កន្លះឆ្នាំទៀតទើបផុតអាណត្តិ។អ្នកនាងមុនីពៅ ថានាងចង់ឲ្យស្វាមីមកធ្វើការនៅក្បែរប្រទេសកម្ពុជាដូចជាថៃ ,ឡាវ ឬវៀតណាមជាដើមដើម្បីនាងមានភាពងាយស្រួលចេញចូលមកជួបឪពុកម្ដាយនៅខ្មែរ។ប៉ុន្ដែសម្រាប់ប្រទេសកម្ពុជាប្ដីនាងធ្លាប់ធ្វើការនៅទីនេះតាំងពីមុននាងរៀបការម្លេះអីចឹងខាងស្ថានទូតមិនតម្រូវឲ្យអ្នកធ្លាប់ធ្វើការនៅប្រទេសណាហើយទៅធ្វើការនៅទីនោះទៀតទេ អីចឹងពេលនេះនាងមានតែចាំអ៊ុតមើលថាក្រោយស្វាមីចប់ភារកិច្ចនៅអូស្រា្ដលីហើយខាងរដ្ឋាភិបាលបារាំងនឹងបញ្ជួនគាត់ទៅធ្វើការនៅប្រទេសណាជាបន្ទាប់?
