ភ្នំពេញ៖សូដា នីតា គ្មានការរារែកចិត្តឡើយពោលគឺនាងបានប្រកាសជាសាធារណៈថាចាប់ពីថ្ងៃទី២៩ខែមីនា នេះតទៅរាល់ការងារទាំងឡាយរបស់ក្រុមហ៊ុនកម្សាន្ដលោកយ៉ែម សំអូន គឺនាងលែងទទួលទាំងអស់តែម្ដង។តាមការថ្លែងជាសាធារណៈរបស់សូដា នីតា នោះបង្ហាញថាអ្នកទាំងពីរកំពុងតែមានបញ្ហារធំជាមួយគ្នាដែលចំណុចនៃការអាកអន់ចិត្តរបស់នីតា នោះផ្ដោតថាលោកសំអូន មិនឲ្យតម្លៃនាង។
សូដា នីតា និយាយយ៉ាងម៉ឺងម៉ាត់ថារូបថតដែលនាងបង្ហោះជាមួយលោកយ៉ែម សំអូន ១សន្លឹកនោះគឺជាការផុសចុងក្រោយ ដោយរាល់ការងារទាំងឡាយជាមួយក្រុមហ៊ុនលោកសំអូន នាងសុំបញ្ឈប់ទាំងអស់ ។នាងថាមនុស្សគ្រប់គ្នាតែងតែចង់បានល្អ ហេតុនេះហើយកុំថាឲ្យគេខុស១០០ដង ដោយគ្មានអ្នកណាហ៊ានតប ហើយពេលគេតបតាំងក្ដៅក្រហាយនោះ ។នាងរំលឹកទៅលោកយ៉ែម សំអូន ថាឲ្យរៀនមើលគេល្អខ្លះផងទៅ។
ក្រោយឃើញសូដា នីតា មិនទុកមុខឲ្យតទៅទៀតបែបនេះលោកយ៉ែម សំអូន តបតាមខមិនវិញថា”មិនបាច់សុំទោសខ្ញុំទេ ព្រោះខ្ញុំគឺជាអ្នកសុំមុនហើយសម្រាក ដោយប្រើនូវវ៉ោយសម្លេងរបស់ខ្ញុំផ្ទាល់ គ្រាន់ដើម្បីកុំឲ្យលំបាក មិនបានធ្វើការជាមួយខ្ញុំ ហើយដើម្បីកុំឲ្យអន់ដល់កិត្តិយសដ៍ថ្លៃថ្នូរបស់ប្អូនផង”។ភ្លាមៗនោះសូដា នីតា តបថា”ខ្ញុំមិនតប ព្រោះការគិតខុសគ្នា ចឹងគូរធ្វើការផ្សេងពីគ្នា រៀនឲ្យតម្លៃអ្នកដ៍ទៃផង”។ឃើញបែបនេះលោកសំអូន ឆ្លើយតបទៅនីតា ទៀតថា”បើនិយាយរឿងតម្លៃគឺរឹតតែវែងឆ្ងាយគ្នាហើយ ក្នុងនាមខ្ញុំជាប្រធានខ្ញុំត្រូវគុណទ្វេដង រឿងអ្នកដែលមិនបានផ្ដល់តម្លៃឲ្យខ្ញុំ ខ្ញុំគ្រាន់តែមិនដែលនិយាយ តែបើអ្នកបង្ខំខ្ញុំអត់និយាយ ខ្ញុំមានភស្ដុតាំងទាំងអស់ អ្នកដៀលប្រធានរបស់អ្នកកប់ៗមាត់ នៅហ៊ានតវ៉ា ចង់បានតម្លៃទៀត បើចង់បានខ្ញុំឲ្យ ខ្ញុំមានឯកសារគ្រប់គ្រាន់ទាំងអស់ ទាំងសំណេរ ដែលមើលងាយខ្ញុំ”។
ក្រោយឃើញសូដា នីតា និងលោកយ៉ែម សំអូន ប្រកែកគ្នាតឹងសរសៃករហូតមានឃ្លាខ្លះហាក់ដូចជាព្រមានគ្នាទៅវិញទៅមកទៀតនោះទើបអ្នកនាងចន ច័ន្ទលក្ខិណា ជាប្រធានសមាគមន៍សិល្បករខ្មែរតបទៅតារាទាំងពីរថា”មានរឿងអីគូនិយាយគ្នាស្ងាត់ៗទៅអូន”។
គូរបញ្ជាក់ថាសូដា នីតា និងលោកយ៉ែម សំអូន ច្រើនតែបង្ហាញពីសកម្មភាពស្រលាញ់រាប់អានគ្នាខ្លាំងណាស់ជាពិសេសរៀងរាល់ថ្ងៃខួបកំណើតរបស់លោកយ៉ែម សំអូន នោះនីតា តែងតែទៅធ្វើជាMCហើយជូនពរលោកសំអូន ឲ្យកាន់តែកាក់កបថែមទៀតជាមួយការងារក្រុមហ៊ុនកម្សាន្ដនោះ។ប៉ុន្ដែចាប់ពីពេលនេះតទៅអ្នកនាងនីតា និងលោកសំអូន លែងត្រូវគ្នាទៀតហើយ ពោលគឺគេមិនបានឃើញអ្នកនាងនីតា លេចមុខនៅក្រុមហ៊ុនកម្សាន្ដរបស់លោកសំអូន ចាប់ពីពេលនេះតទៅដែលបង្ហាញសញ្ញាថាពួកគេបានបែកបាក់ផ្ទៃក្នុងហើយតាមរយៈសារតបគ្នាជាសាធារណៈនោះបង្ហាញថាពួកគេមានបញ្ហារឿងលុយកាក់ និងប៉ៈសំដីគ្នាទៅវិញទៅមកដែលធ្វើឲ្យនីតា មិនអាចទ្រាំតទៅទៀតបានទេ។សម្រាប់សូដា នីតា វិញមួរយៈចុងក្រោយនេះនាងមានរាសីមិនសូវល្អនោះទេ ព្រោះថាមុននេះត្រូវសឿ សុធារ៉ា ជំពាក់លុយជិត៤ម៉ឺនដុល្លារមិនព្រមសង ឥឡូវនាងមានវិវាទជាមួយលោកយ៉ែម សំអូន ទៀតទើបធ្វើឲ្យអារម្មណ៍នាងហាក់ច្របូកច្របល់កាន់តែខ្លាំង។ទោះជាយ៉ាងណាមជ្ឈដ្ឋានមហាជនរងចាំមើលថាតើលោកយ៉ែម សំអូន និងទម្លាយសាររបស់សូដា នីតា ដែលលោកចាត់ទុកថាមិនឲ្យតម្លៃលោកជាប្រធាន នោះជាសាធារណៈតាមរយៈសារឆ្លងឆ្លើយដែលលោកមាននៅក្នុងកណ្ដាប់ដៃទាំងអស់នោះចេញមកក្រៅដើម្បីការពារកិត្តិយសលោកមកវិញឬយ៉ាងណា?ឬមួយលោកសំអូន គ្រាន់តែព្រមានសូដា នីតា ដើម្បីកុំឲ្យនាងទម្លាយរឿងមិនល្អរបស់លោកចេញថែមទៀត?
ខណៈដែលសូដា នីតា បង្ហាញសញ្ញាលែងត្រូវគ្នាជាមួយលោកយ៉ែម សំអូន នេះដែរនៅថ្ងៃទី២៩ខែមីនាឆ្នាំ២០២២ នេះតារាកូន១រូបនេះក៍អះអាងថានាងបានលែងប្ដីជាមន្រ្ដីយោធានិងតារាសម្ដែងលោកស៊ិន សូរិយា ហៅយុទ្ធឋានៈ ផងដែរបន្ទាប់ពីបានភ្ជាប់ពាក្យកាលពីខែកញ្ញាឆ្នាំ២០២០ ហើយនាងសម្រាលបានកូនប្រុសម្នាក់កាលពី៤ខែមីនាឆ្នាំ២០២១ ។
សូដា នីតា មិនប្រាប់ពីមូលហេតុលែងប្ដីនោះទេតែនាងចេញសារថា”ថ្ងៃ29/03 22 នាងបានសម្រេចរឿងធំ២ គឺទី១៖សម្រេចចិត្តទទួលស្រ្ដីមេម៉ាយ(លែងលះ) និងទី២៖ឈប់ធ្វើការជាមួយក្រុមតារាអ៊ិនធើថេនមែន(យ៉ែម សំអូន)។ប៉ុន្ដែនីតា ថាសម្រាប់ការងារសិល្បៈផ្សេងៗទៀតនាងនៅតែទទួលដដែលព្រោះសិល្បៈជាការងារដែលនាងស្រលាញ់”៕