ភ្នំពេញ៖ពិធីការិនីហេង កែវនីតា (ហេង ផាន់ណា)ដែលមានអាយុច្រើនបន្ដិចទៅហើយនោះនាងក៍មិនខុសពីឌួង ហ្សូរីដា ដែរពោលគឺបានព្យាយាមលាក់រឿងស្នេហាជាច្រើនឆ្នាំនិងគ្មានដំណឹងរៀបការប្ដីថានឹងធ្វើនៅពេលណាឡើយ។យ៉ាងណាសម្រស់ដូចនីតា ប្រាកដជាមានប្រុសមិនតិចនាក់នោះទេដែលរងចាំចម្លើយនាង ហើយឲ្យតែផាន់ណា ឆ្លើយOK នោះច្បាស់ជាភ្លេងការនឹងអាចបន្លឺឡើងភ្លាមតែម្ដង។
ក្នុងជំនួបផ្ទាល់កាលពីថ្ងៃទី៣០ខែមីនា នៅពេលសួរថាតើកញ្ញាផាន់ណា មានគម្រោងរៀបការ ឬបញ្ចប់ភាពនៅលីវនៅឆ្នាំណានោះ តារារូបនេះហាក់ដូចជាមិនពេញចិត្តនោះទេ ហើយនាងមិននិយាយអ្វីទាំងអស់គឺដើរគេចចេញតែម្ដង។យ៉ាងណាពិធីករដៃគូដែលឈនៅក្បែរនោះគឺលោកជួប សុភ័ក្រ បាននិយាយលេងបន្លំមែនថានីតា ក្លាយជាជំទាវទៅហើយ។នៅពេលឭលោកសុភ័ក្រ ថ្លែងបែបនេះកញ្ញាផាន់ ណា ក៍មិននិយាយអ្វីដែរពោលគឺនៅតែស្ងៀមសា្ងត់តែម្ដង។
អតីតពិធីការិនីប៉ុស្ដិ៍លេខ៣ហេង ផាន់ណា ទោះជាពេលនេះមិនទាន់បង្ហាញមុខគូស្នេហ៍ជាចំហក្ដី ប៉ុន្ដែពេលខ្លះអាកាសធាតុក្ដៅពេកបង្ខំចិត្តឲ្យនីតា ហ៊ានស្លៀកឈុតប៊ីគីនីបញ្ចេញសាច់គល់ភ្លៅឡើងសខ្ចី និងដើមទ្រួងគូឲ្យព្រឺព្រួចទៀតផង។នាងជាពិធីការិនីម្នាក់ដែលអាចរកប្រាក់ចំណូលបានខ្ពស់គូសមព្រោះថានៅតាមបណ្ដារកម្មវិធីរបស់ក្រុមហ៊ុនAgency មួយចំនួនគេតែងតែឃើញផាន់ណា លេចមុខជាញឹកញាប់ហើយបច្ចេកទេសនៃការនិយាយរបស់នាងគឺស្រដៀងគ្នាទៅនិងអ្នកនាងគង់ សុជាតិ។ប៉ុន្ដែអ្វីដែលជាចម្ងល់របស់ទស្សនិកជននោះថាហេតុអ្វីបានជាហេង ផាន់ណា ទុកភាពនៅលីវបានយូឆ្នាំម្លេះ?ឬមួយក៍នាងចង់ធ្វើជាជំទាវដូចលោកសុភ័ក្រ ហៅនាង?