ភ្នំពេញ៖កែវ ពេជ្រពិសី បង្ហាញខ្លួនថ្ងៃរៀបការអ្នកនាងទឹម រដ្ឋា កាលពីពេលថ្មីៗនេះគេឃើញថានាងហាក់មានព្រលឹងជាងមុនរហូតអ្នកខ្លះថាពេជ្រពិសី បែកសាច់ក្រោយមានកូន១ទៀតផង។យ៉ាងណាស្វាមីរបស់នាងលោកពៅ សម្បត្តិ ពេញចិត្តចំពោះភរិយាលោកបើទោះជាមើលទៅកាម៉ាប់ៗបន្ដិចក្ដី។
ពេជ្រ ពិសី ធ្លាប់ប្រាប់តាមទូរស័ព្ទថានាងពិតជាមានការបារម្ភខ្លះៗចំពោះការឡើងគីឡូជ្រុលរបស់នាងនេះដែរដោយពេលនេះទម្ងន់ជាង៦០គក្រ ខណៈដែលគីឡូហ្សីន ដែលនាងស្រលាញ់នោះគឺជាង៥០គក្រ ទេប៉ុន្ដែមិនដឹងយ៉ាងម៉េចបានឡើងយ៉ាងនេះ?ទោះជាយ៉ាងណាពេជ្រពិសី ថានាងនឹងព្យាយាមសម្រកគីឡូឲ្យចុះមកវិញមិនអាចបណ្ដោយឲ្យនៅបែបនេះបានជាដាច់ខាត។
គេកត់សម្គាល់ថាក្រៅពីកែវ ពេជ្រពិសី តារាដែលសម្រាលកូនហើយឡើងគីឡូខុសពីនៅលីវមានដូចជាឱក សុគន្ធកញ្ញា និងសួស វីសា ជាដើម ដែលពេលនេះពួកគេព្យាយាមសម្រកឲ្យមកដូចដើម ព្រោះជាតារាសិល្បៈការឡើងទម្ងន់គឺជាឧបស័ក្កធំបំផុតដែលធ្វើឲ្យប៉ៈពាល់ដល់អាជីព។ចំណែកពេជ្រពិសី វិញពេលនេះកូនប្រុសរបស់នាងមានអាយុជាង៥ខែទៅហើយ តែនាងគ្មានគម្រោងរៀបការនោះទេ ប៉ុន្ដែបែជាកំពុងរៀបផែនការណ៍យកកូនទី២ក្នុងពេលឆាប់ៗនេះតែម្ដង។ពេជ្រពិសី ថានាងចង់រៀបការជាលើកទី២តាំងពីមុនសម្រាលកូនម្លេះ តែបានអាកខានដោយសារតែកូវីដ ហេតុនេះហើយក្រោយមានកូនបែបនេះនាងគ្មានបំណងរៀបការម្ដងទៀតទេ ព្រោះថាទាំងរូបនាងនិងស្វាមីសុទ្ធតែបានឆ្លងកាត់ជីវិតអាពាហ៍ពិពាហ៍ដូចគ្នាទៅហើយ។
កែវ ពេជ្រពិសី បានលែងប្ដីអាណិជនខ្មែរមកពីអូស្រា្ដលីលោកចន្ថា ស្រី កាលពីឆ្នាំ២០១០ ហើយនាងទុកជីវិតជាស្រ្ដីមេម៉ាយអស់រយៈពេលជាង១០ឆ្នាំទើបតែនៅថ្ងៃទី១៧ខែឧសភាឆ្នាំ២០២០ ដែលពេជ្រពិសី ព្រមបើកបេះដូងភ្ជាប់ពាក្យជាមួយលោកពៅ សម្បត្តិ ជាពោះម៉ាយនិងអាណិកជនខ្មែរមកពីកាណាដា ហើយជានាយកក្រុមហ៊ុនគ្រឿងសមុទ្រ១។ពេជ្រពិសី ថាបន្ទាប់ពីមានស្វាមីនិងកូន១នេះនាងមិនទាន់សម្រេចចិត្តថានាពេលអនាគតត្រូវចេញទៅរស់នៅកាដាណា ឬបន្ដនៅស្រុកខ្មែរនោះទេតែចិត្តគឺចង់ទៅមកៗ។ដោយឡែកទាក់ទងអាជីពសិល្បៈវិញនាងថានៅតែស្រលាញ់ការងារនេះដូចមុន ប៉ុន្ដែនាងមិនទាន់ដាក់ចិត្តសម្ដែងជាតួម្ដាយឡើយ ទើបចោលមិនថតអស់៥រឿង៕