ភ្នំពេញ៖រយៈពេលជាង២ឆ្នាំមកហើយពោលគឺតាំងពីផ្ទុះកូវីដម្លេះដែលតារាសាច់សខ្ចីសុខ ពិសី បាត់មុខពីឆាកតន្រ្ដីតាមប៉ុស្ដិ៍ទូរទស្សន៍ស្ទើតែទាំងស្រុងធ្វើឲ្យFan ដែលធ្លាប់តែតាមហែហមនាងដល់ឆាកតន្រ្ដីក៍ខកខានបានចាប់អោបថើបតារាសាច់សខ្ចីដូចបណ្ដូលចេករូបនេះផងដែរ ខណៈដែលពិសី ផ្ទាល់បានបាត់បង់ប្រាក់ចំណូលពីអាជីពសិល្បៈអស់មួយផ្នែកធំ។យ៉ាងណានៅថ្ងៃចូលឆ្នាំខ្មែរខាងមុខនេះពិសី បានចេញច្រៀងសម្ដែងទាំង៣ថ្ងៃជាប់គ្នានៅខេត្តសៀមរាបដែលនេះអាចបញ្ជាក់ថាពិសី ខ្លាចប្រឈមភាពស្ងប់ស្ងាត់គឺមិនអាចពន្យាពេលឡើងឆាកតទៅទៀតបានឡើយ។ប៉ុន្ដែអ្វីដែលគូរឲ្យកត់សម្គាល់ការរយាលពីឆាកតន្រ្ដីបែបនេះរបស់ពិសី គឺក្រោយពេលនាងឡើងធ្វើជាថៅកែស្រីហាងតែគុជមួយដែលធ្វើឲ្យនាងមានភាពមមាញឹកការងារខាងក្រៅសិល្បៈច្រើនជាងច្រៀងរាំទៅទៀត។តែក្នុងជំនួបកន្លងមកតារាសាន់ដេពិសី បានឲ្យដឹងថាបើសិនជាស្ថានភាពកូវីដនៅតែមិនថមថយទេគឺនាងនៅតែមិនអាចកំណត់ពីពេលវេលានៃការឡើងឆាកបានឡើយព្រោះដើម្បីសុវត្ថិភាពរូបនាងផ្ទាល់និងFan។
សុខ ពិសី បានផ្អាកថតភាពយន្ដមួយរយៈធំដើម្បីផ្ដោតលើអាជីពចម្រៀងហើយក្រោយបាត់បង់ដៃគូសំខាន់លោកខែម ប៊ុនថៃ ជាង៤ឆ្នាំមកនេះពិសី តែរក្សារលំនឹងជាតារាស្រីនាំមុខគេដដែល ស្របពេលដែលលនាងអះអាងថាមិនដែលប្រកាន់ដៃគូថាជាតារាល្បីបានច្រៀង តារាមិនសូវល្បីអត់ចាប់ដៃគូនោះទេ ពោលគឺឲ្យតែផលិតកម្មតម្រូវនាងអាចចាប់ដៃគូឆ្លងឆ្លើយបានទាំងអស់ហើយពេលនេះគេឃើញនាងមានដៃគូច្រើនជាងមុនគឺដូចជាលោកឆាយ វីរៈយុទ្ធ,ខាន់ ជេមស៍ និងនាយចឺម ជាដើម។
មជ្ឈដ្ឋានមហាជនមើលឃើញថាសុខ ពិសី ប្រាកដជាដើរតាមផ្លូវឱក សុគន្ធកញ្ញា តាមរយៈការរៀបការជាមួយអ្នកដែលស្គាល់ពីអាជីពរបស់ពួកគេបានច្បាស់ដើម្បីរក្សារចំណងស្នេហាបានយូរអង្វែងនោះគឺលោកឡាយ សុខចំរើន ដែលជាថៅកែសាន់ដេដើម្បីបញ្ចប់ពីពាក្យចរចាមអារ៉ាមទាំងឡាយគឺពួកគេនឹងក្រាបផ្ទឹមជាមួយគ្នាជាចំហ។តែពិសី ធ្លាប់វាចាថានាងនៅតែចង់ផ្ដោតលើចម្រៀងថែមទៀត ហេតុនេះហើយមិនអាចកំណត់បានទេថាតើឆ្នាំណាទើបអាចរៀបការបានដូចគេនោះទេ។មិត្តភក្ដិស្និតស្នាលរបស់ពិសី នៅក្នុងសិល្បៈបានបង្ហើបថាតារាសម្រស់ស៊ីដាច់គេរូបនេះមានជម្រើសស្នេហ៍ច្រើនណាស់ ព្រោះបុរសមិនតិចនាក់ទេរងចាំចម្លើយពីនាង។តែពិសី នៅតែស្មោះស្នេហ៍លោកចំរើន ម្នាក់គត់ដោយមិនក្វល់ពីតំណែងជំទាវដែលមន្រ្ដីធំៗតាមស្នេហានាងជាច្រើនឆ្នាំមកហើយនោះទេ៕
