ពេជ្រ សោភា ៖ទៅជាយ៉ាងណា ក្រោយបែកឧក​ញ៉ា​ជាង១ឆ្នាំ?

ភ្នំពេញ៖ពេជ្រ សោភា បានប្រកែកលោតចូលGalaxy តាមលោកឧកញ៉ាព្រាប សុវត្ថិ ទើបធ្វើឲ្យ​នាងអាកខាន​ធ្វើជាដៃគូជាមួយកំពូលតារាចម្រៀងរូបនេះនាំឲ្យស្រស្រស់តន់ ច័ន្ទសីម៉ា ក្លាយ​ជា​ដៃគូតែម្នាក់​គត់របស់លោក​ស្នាយ។យ៉ាងណាពេជ្រ សោភា ធ្លាប់និយាយដោយសារភាព​ថា​នាងបាន​ល្បីដល់ប៉ុណ្ណេះគឺ​ដោយសារតែមាន​បានតោងកាលីពព្រាប សុវត្ថិ ច្រើនណាស់អំឡុង​ពេលច្រៀងនៅហង្សមាសជាមួយគ្នា តែនាងសូមគោរពនូវ​ការសម្រេចចិត្តរបស់លោកព្រាប សុវត្ថិ ដែលចូលផលិតកម្មថ្មី…។

 តើពេជ្រ សោភា ធ្លាក់ឬចុះក្រោយលែងមានឱកាសចាប់ដៃគូជាមួយលោកឧកញ៉ាព្រាប សុវត្ថិ ជាង១ឆ្នាំមកនេះ?

 អ្នកជំនាញធ្វើភ្លេង(Composer)ម្នាក់នៅហង្សមាសបានប្រាប់តាមទូរស័ព្ទកាលពីរសៀល​​ថ្ងៃទី១៧ឧសភា ថាពេជ្រ សោភា បានឡើងដល់ចំណុចកំពូលទៅហើយអីចឹងតើ​ចង់ឡើង​យ៉ាង​ម៉េចទៀតទៅ?លោកថាពេជ្រ សោភា និង​ព្រាប សុវត្ថិ ច្រៀងបទល្បីៗ​ជាមួយគ្នាច្រើន​មែន ហើយការសម្ដែងក៍សាកសមគ្នាទៀតព្រោះសោភា និងលោក​ស្នាយ សុទ្ធតែជាអ្នកចូល​ចិត្ត​លេងសើចដូចគ្នា ស៊ីគ្នា តែម្ដង។យ៉ាងណាអ្នកធ្វើភ្លេងរូបនោះថាទាំងសោភា និង​ព្រា​ប សុ​វត្ថិ ត្រូវបានគេចាត់ទុកថាជាអ្នកជោគជ័យដូចគ្នាក្នុងអាជីពសិល្បៈ អីចឹងមហាជនគ្រប់គ្នា​ទទួ​ល​ស្គាល់ថា​តា​រា​​ទាំងពីរ​បានបន្សល់បទចម្រៀងជាច្រើនឲ្យពួកគេស្ដាប់ ហេតុនេះ​ទោះជាពេល​នេះ​ពួកគេលែងមានឱកាស​ច្រៀ​ង​​នៅផលិតកម្មរួមគ្នាទៀតក៍ធ្វើឲ្យតារា​ស្រករក្រោយ​អាច​យក​គំរូតាមរៀមច្បងខាងលើបានដែរ ពីភាពតស៊ូ​ក្នុង​សិល្បៈ​រហូតឈានមកដល់​ចំណុចដូចសព្វថ្ងៃ​។

  ពេជ្រ សោភា ដែលអស់ពេលច្រៀងជាមួយលោកព្រាប សុវត្ថិ ទៅហើយនោះពេលនេះ​នាង​មិនទាន់រក​បានដៃ​គូថ្មីណាដែលស៊ីចង្វាក់និងយល់ចិត្តឡើយ បើទោះជានាងធ្លាប់សាក​ល្បង​ឆ្លើងឆ្លើយជាមួយលោកStep , ហ្សូណូ និងលោកគ្រូភ្លេងអ៊ួយ ក្ដីតែក្រៅពីលោកស្នាយ តារា​ដែល​ត្រូវបានគេចាត់ទុកថាសាកសមបំផុតជាមួយពេជ្រ សោ​ភា នោះគឺងួន ចាន់ដេវីត ។យ៉ាង​ណាពេលនេះសោភា ហាក់មិនរំពឹងថាអាចរកបានដៃគូដ៍ល្អដូចលោកព្រាប សុវ​ត្ថិ និង​ជី ដេវីត បានទៀតនោះទេហើយនាងធ្លាប់វាចា​ថាបទចម្រៀងដែលមាននៅក្នុងដៃ​ពេលនេះ​ភាគ​ច្រើន​ជា​បទ​ទោល មិនមានឆ្លងឆ្លើយជាមួយតារាណាផ្សេងឡើយ។​ប៉ុន្ដែគេកត់សម្គាល់ថា​សម្រាប់បទ​ចូលឆ្នាំ​កន្លង​មក​នេះ​សោភា បានផ្ដល់ឱកាសឲ្យសិស្សប្អូននាងលោកឈាន ជា​លើ​យ ច្រៀង​និងសម្ដែងជាមួយផងដែរ ដែល​នោះ​បង្ហា​ញថាសោភា មិនប្រកាន់ដៃគូ​ឬជាការជួយ​បើកផ្លូវ​ឲ្យតារាថ្មីៗឆាប់ៗល្បីឈ្មោះតាមរយៈការលើក​ស្ទួយ​របស់​រៀម​ច្បង។ចំណែក​អ្នក​ជំនា​ញ​សិល្បៈបានលើកឡើងថាប្រសិនបើសោភា ចង់ឲ្យទីផ្សារ​ចម្រៀងមាន​ការប្រែ​ប្រួល​នោះ​គឺ​មានតែ​នា​ង​ចាប់​ដៃជាមួយតារារ៉េបលោកវ៉ាន់ដា ប៉ុណ្ណោះ តែរឿងនោះអាចកើតឡើងគឺ​មាន​តិច​តួចបំផុត​ព្រោះ​តារា​ទាំងពីរនៅផលិតកម្មផ្សេងគ្នាហើយវ៉ាន់ដា ជាប់កុងត្រា​ជាមួយបារមី​។តែជាញឹក​ញា​ប់​​គេក៍ធ្លាប់ឃើញសោភា តែងតែចេញសារសរសើរ​ពីទេពកោសល្យ​របស់​វ៉ាន់ដា ផងដែរ​ទើប​ធ្វើឲ្យFan នៅតែចង់​ឃើញតារាទាំង​ពីរច្រៀង​រ៉េប ជាមួយគ្នា។

គូរបញ្ជាក់ថាពេជ្រ សោភា ធ្លាប់តស៊ូច្រៀងនៅភោជនីដ្ឋាន,ក្លឹប ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​និងអកកេសជាច្រើនឆ្នាំ​ទើបធ្វើ​ឲ្យនាងឈាន​ដល់​ចំណុចកំពូលនៅពេលដែលឈនៅហង្សមាសជាង១៧ឆ្នាំមកនេះ។នៅឆ្នាំ២០២២ នេះសោភា ត្រូវបានគេចាត់​ទុក​ថាជាតារាដែលមានទ្រព្យច្រើន​ព្រោះនាងរស់​នៅ​ផ្ទះ​វីឡារ និងជិះរថយន្ដ​ថ្លៃៗមិនចាញ់​តារាបរ​ទេសឡើយ។ប៉ុន្ដែ​សោភា នៅតែត្រូវបានគេ​គិត​ថាជាតារាដែលជោគជ័យតែការងារសិល្បៈ តែសម្រាប់រឿង​ស្នេ​ហា​វិញ​នាង​បាន​រ​ង​ការ​ខកចិត្តទៅវិញ ខណៈដែលកាលពីឆ្នាំ២០១៦សោភា បានលែងប្ដីអាណិក​ជនខ្មែរមកពី​អា​មេរិក ហើយ​នៅចុង​ឆ្នាំ២០២១ នាងចែកផ្លូវជាមួយលោកឆឹម សក្កដា ស្របពេលចំណង​ស្នេហាថ្មី​រប​ស់​នាងជា​មួយ​សង្សារថ្មី​ដែល​មិន​បើកចំហជាង៤ខែមក​នេះនៅតែមិនទាន់មានភាពច្បាស់​លា​ស់​ ទើបធ្វើឲ្យសោភា ត្រូវបានFan នាងបារ​ម្ភជំនួស​ថា​ខ្លាចតែតារាវ័យ៣៩ឆ្នាំរូប​នេះប្រឈម​ដើរ​ជាន់ដាន​ចាស់។ប៉ុ​ន្ដែ​សោភា នៅតែមិនផ្ដោត​សំខាន់​រឿង​ស្នេ​ហា​ជាង​ក្រុម​​គ្រួសារ​នាង​ឡើយ​៕