Liverpool បានឈានដល់កិច្ចព្រមព្រៀងជាមួយក្លឹប Benfica ដើម្បីទិញកីឡាករខ្សែប្រយុទ្ធអ៊ុយរូហ្គាយ Darwin Nunez ក្នុងតម្លៃដំបូងជាង៧៨លានដុល្លារ។នេះបើយោងតាមការចេញផ្សាយរបស់សារព័ត៌មានរ៉យទ័រ។
Benfica បាននិយាយនៅក្នុងសេចក្តីថ្លែងការណ៍មួយថា តម្លៃផ្ទេរនេះនៅទីបំផុតអាចកើនឡើងដល់ជាង១០០លានដុល្លារ បំបែកកំណត់ត្រារបស់ក្លឹប Liverpoolពេលទិញកីឡាករ ខ្សែការពារកណ្តាលហូឡង់ Virgil van Dijkពីក្លឹប Southampton ក្នុងឆ្នាំ ២០១៨។
Nunez ស៊ុតបញ្ចូលទីបាន 26 គ្រាប់ក្នុងការបង្ហាញខ្លួន 28 ប្រកួតកាលពីរដូវកាលមុននៅប្រទេសព័រទុយហ្គាល់។
កីឡាករវ័យ២២ឆ្នាំដែលបានចាកចេញពីក្រុមរបស់អ៊ុយរូហ្គាយសម្រាប់ជ័យជម្នះក្នុងការប្រកួតមិត្តភាព 5-0 កាលពីថ្ងៃសៅរ៍លើក្រុមជម្រើសជាតិប៉ាណាម៉ាហើយ ត្រូវបានគេរំពឹងថានឹងចាប់ផ្តើមពិនិត្យសុខភាពក្នុងសប្តាហ៍នេះ ។
Nunez គ្រោងនឹងចុះហត្ថលេខាលើកិច្ចសន្យារយៈពេល ៦ឆ្នាំជាមួយក្រុមLiverpoolដែលជាក្លឹបរងជើងឯកប្រឺមីញេលីក
និងឆេមពានលីកដែលបានពិភាក្សាជាមួយ Benfica អស់ជាច្រើនសប្តាហ៍។ Nunez ទំនងជាមកពហុកីឡដ្ឋានAnfield ក្នុងនាមជាអ្នកជំនួសតំណែងកីឡាករ Sadio Mane បន្ទាប់ពីBayernបង្កើនការតាមប្រមាញ់ខ្សែប្រយុទ្ធសេណេហ្គាល់រូបនេះ៕