ក្លឹប Bayern បានយល់ព្រមលើលក្ខខណ្ឌជាមួយក្លឹប Liverpool ដើម្បីចុះហត្ថលេខាទិញកីឡាករ Sadio Mane ។នេះបើយោងតាមសារព័ត៌មានរ៉យទ័រចេញផ្សាយកាលពីថ្ងៃសុក្រ ១៧មិថុនា២០២២។
ប្រភពព័ត៌មានខាងលើបានអោយដឹងថាក្លឹបជើងឯកអាល្លឺម៉ង់ Bayern ត្រូវចំណាយជាង៤២លានដុល្លារអាមេរិក សម្រាប់ខ្សែប្រយុទ្ធសេណេហ្គាល់វ័យ ៣០ឆ្នាំ ដែលនៅសល់កុងត្រាមួយឆ្នាំជាមួយក្លឹបLiverpool ។ Maneត្រូវបានគេរំពឹងថានឹងចុះកុងត្រារយៈពេលបីឆ្នាំ ហើយត្រូវពិនិត្យសុខភាពនៅសប្តាហ៍ក្រោយ។
Mane ក្លាយជាកីឡាករទីបីរបស់ Bayern សម្រាប់រដូវកាលដោះដូរកីឡាករ បន្ទាប់ពីការមកដល់របស់ កីឡាករក្លឹបAjax ២រូបគឺRyan Gravenberch និង Noussair Mazraoui។Maneបានឈ្នះពានរង្វាន់ចំនួន៦បន្ទាប់ពីការផ្ទេរក្នុងតម្លៃជាង៤១លានដុល្លារពី Southampton ក្នុងខែមិថុនា ឆ្នាំ ២០១៦ ដោយបានបង្កើតជាខ្សែប្រយុទ្ធដ៏មានឥទ្ធិពលទាំងបីរួមជាមួយ Mohamed Salah និង Roberto Firmino ៕