កាលពីថ្ងៃសុក្រទី៨កក្កដា ក្លឹបសេះបង្កង់ Juventus បានប្រកាសអោយដឹងថាខ្លួនបានបញ្ចប់កិច្ចពិភាក្សាទិញកីឡាករ Angel Di Maria រួចរាល់ហើយបន្ទាប់
កីឡាកររូបនេះត្រូវបានក្លឹបParisSGដោះលែងកាលពីចុងរដូវកាលមុន។នេះបើយោងតាមការចេញផ្សាយរបស់AFP កាលពីថ្ងៃសៅរ៍ទី៩កក្កដា ២០២២។
ប្រភពព័ត៌មានខាងលើបានអោយដឹងទៀតថា កីឡាករវ័យ៣៤ឆ្នាំបានចុះកិច្ចសន្យារយៈពេល១ឆ្នាំរហូតដល់ខែមិថុនា២០២៣ជាមួយក្លឹបដែលមានមូលដ្ឋាននៅទីក្រុងទូរីន(Turin)។ខ្សែបម្រើស្លាបអាហ្សង់ទីននឹងទទួលបានប្រាក់បៀវត្សរ៍ចំនួនប្៧,១៤លានដុល្លារអាមេរិកក្នុងរដូវកាល។
គាត់នឹងចូលរួមជាមួយក្រុមJuve នៅមុនការប្រកួត មុនការប្រកួតបាល់ទាត់រដូវរងានៅប្រទេសកាតា។
ក្លឹបJuventusបាននិយាយនៅក្នុងសេចក្តីថ្លែងការណ៍ខ្លីមួយនៅលើប្រព័ន្ធផ្សព្វផ្សាយសង្គមថា Angel Di Maria គឺជាកីឡាកររបស់Juventus។
Angel Di Maria បង្ហាញវត្តមានបាន ២៩៥ដងសម្រាប់ PSG ដោយស៊ុតបញ្ចូលទីបាន៩២គ្រាប់និងជួយមិត្តរួមក្រុមបាន ១១២ដងក្នុងរយៈពេល៧ឆ្នាំនៅក្នុងរដ្ឋធានីរបស់ប្រទេសបារាំង។
គាត់បានឈ្នះពានរង្វាន់លីគចំនួន ៥ និងពានរង្វាន់ French Cup ចំនួន 5 ប៉ុន្តែបានខកខានក្នុងការប្រកួតក្របខ័ណ្ឌ ឆេមពានលីក ក្នុងឆ្នាំ២០២០នៅពេលដែល PSG ត្រូវបានផ្តួលនៅវគ្គផ្តាច់ព្រ័ត្រដោយក្រុម Bayern ៕