អតីតខ្សែប្រយុទ្ធក្លឹប Man Utd កីឡាករ Nani បានចូលរួមជាមួយក្លឹបបាល់ទាត់អូស្ត្រាលី Melbourne Victory ក្នុងកិច្ចសន្យារយៈពេល 2 ឆ្នាំ។ នេះបើតាមការប្រកាសរបស់ក្លឹបនៅក្របខ័ណ្ឌ A-League កាលពីថ្ងៃអង្គារ។
Nani បាននិយាយថាខ្ញុំពិតជារំភើបក្នុងការមកកាន់ ក្លឹប Melbourne Victoryហើយខ្ញុំកំពុងទន្ទឹងរង់
ចាំការប្រកួតប្រជែងនាពេលខាងមុខ ។
គ្រូបង្វឹកក្លឹប Melbourne Victoryលោក Tony Popovic បាននិយាយថាយើងមានមោទនភាពដែលអាចជ្រើសរើសកីឡាករដូចជា Nani មកកាន់ក្លឹបរបស់យើង ហើយជឿជាក់ថាគាត់នឹងក្លាយជាទ្រព្យសម្បត្តិដ៏អស្ចារ្យសម្រាប់ Melbourne Victory និង A-League ទាំងមូល។
ខ្សែបម្រើស្លាបសញ្ជាតិព័រទុយហ្គាល់បានចុះហត្ថលេខាលើកិច្ចសន្យារយៈពេល ១៨ខែជាមួយក្លឹប Venezia ក្នុងក្របខ័ណ្ឌ អ៊ីតាលីស៊េរីAកាលពីខែមករាប៉ុន្តែបានចាកចេញដោយការយល់ព្រមទៅវិញទៅមកកាលពីសប្តាហ៍មុនបន្ទាប់ពីការបង្ហាញខ្លួនចំនួន10លើកសម្រាប់ក្លឹបដែលត្រូវបានកាត់ចោល។
កីឡាករវ័យ៣៥ឆ្នាំរូបនេះបានចំណាយពេល៨ ឆ្នាំនៅអង់គ្លេសជាមួយក្លឹបMan Utd ជាកន្លែងដែលគាត់បានឈ្នះពានរង្វាន់ប្រឺមីញេលីក៤ដងនិង ឆេមពានលីកម្តងក្នុងឆ្នាំ២០០៨ ។ Nani ស៊ុតបញ្ចូលទីបាន ២៤គ្រាប់ក្នុង១១២ប្រកួតសម្រាប់ព័រទុយហ្គាល់ និងបានលេងនៅបាល់ទាត់ពិភពលោក២០១៤ក៏ដូចជាជើងឯកអឺរ៉ុបចំនួន៣ រួមទាំងការប្រកួតឆ្នាំ២០១៦ ដែលពួកគេបានផ្តួលបារាំងនៅវគ្គផ្តាច់ព្រ័ត្រ។អាជីពរបស់គាត់ក៏រួមបញ្ចូលទាំងការប្រកួតនៅជាមួយក្លឹបLisbon , Fenerbahce, Valencia, Lazio និង Orlando Cityរបស់អាមេរិក Major League Soccer ៕