Man Utd បានយល់ព្រមលើកិច្ចព្រមព្រៀងជាមួយក្លឹបAjax ដើម្បីចុះហត្ថលេខាទិញខ្សែការពារ Lisandro Martinez ក្នុងតម្លៃជាង៥៧លានដុល្លារជាមួយនឹងប្រាក់លើកទឹកចិត្តជាង១០លានដុល្លារបន្ថែមទៀត។នេះបើយោង តាមការប្រកាសរបស់ក្លឹបដែលត្រូវបានសារព័ត៌មានរ៉យទ័យកមកចុះផ្សាយកាលពីថ្ងៃអង្គារទី ១៩កក្កដា២០២២ ។
រយៈពេលនៃកិច្ចសន្យាមិនត្រូវបានប្រកាសអោយដឹងទេប៉ុន្តែប្រភពដែលគួរអោយទុកចិត្តបានងោយដឹងថា Martinez បានចុះហត្ថលេខាលើកិច្ចសន្យារយៈពេល៥ឆ្នាំជាមួយក្លឹប កំពូលប្រឺមីញេលីកជាមួយនឹងជម្រើសសម្រាប់រយៈពេល ១២ខែបន្ថែមទៀត។
កីឡាករវ័យ ២៤ ឆ្នាំដែលអាចលេងក្នុងតំបន់កណ្តាលបានក្លាយជាកីឡាករទីបីរបស់អ្នកចាត់ការ Erik ten Hag បន្ទាប់ពីការមកដល់របស់ខ្សែការពារឆ្វេងហុល្លង់ Tyrell Malacia និងខ្សែបម្រើ Christian Eriksen របស់ដាណឺម៉ាក។លោកTen Hag បានបង្វឹក Martinez បីរដូវកាលនៅ Ajax បន្ទាប់ពីកីឡាកររូបនេះបានផ្លាស់ទៅប្រទេសហុល្លង់ពីក្រុមអាហ្សង់ទីន Defensa y Justicia ក្នុងខែឧសភា ឆ្នាំ ២០១៩ ។ Martinez បានបង្ហាញខ្លួន១១៨ ប្រកួតសម្រាប់ក្លឹបAjax។