ក្លឹបកាំភ្លើងធំ Arsenal គ្រោងនឹងចុះហត្ថលេខាទិញកីឡាករ Oleksandr Zinchenko ពីក្លឹបជើងឯកប្រឺមីញេលីកMan City ក្នុងតម្លៃខ្លួនជាង៣៨លានដុល្លារអាមេរិកបន្ទាប់ពីក្លឹបបានឈានដល់កិច្ចព្រមព្រៀងមួយ។នេះបើយោងតាមសារព័ត៌មាន អង់គ្លេស Sky Sportsបានរាយការណ៍កាលពីថ្ងៃអង្គារទី១៩ខែកក្កដា១៩ ២០២២។
ទូរទស្សន៍ Sky Sports បាននិយាយថា Arsenal នឹងចំណាយប្រាក់ជាង៣៥លានដុល្លារជាមុន ជាមួយនឹងប្រាក់បន្ថែមជាង ៣លានដុល្លារ។កីឡាករវ័យ២៥ ឆ្នាំរូបនេះបានចាកចេញពីជំរុំហ្វឹកហាត់របស់Man City នៅអាមេរិកដើម្បីភ្ជាប់ទំនាក់ទំនងជាមួយក្លឹបនៅទីក្រុងឡុងដ៍ដែលកំពុងធ្វើដំណើរទៅកាន់សហរដ្ឋអាមេរិកមុនរដូវកាល។
Zinchenko នឹងក្លាយជាកីឡាករទី២របស់ Arsenal ទិញពី Man Cityបន្ទាប់ពីខ្សែប្រយុទ្ធប្រេស៊ីលGabrielJesusនិងជាកីឡាករទីប្រាំរបស់ពួកគេបន្ទាប់ពីខ្សែបម្រើស្លាប Marquinhos អ្នកចាំទី Matt Turner និងខ្សែបម្រើប្រយុទ្ធ Fabio Vieira ។
Zinchenko លេងឱ្យអ៊ុយក្រែនបាន ៥២ ដងដោយស៊ុតបញ្ចូលទីបាន៨គ្រាប់។ សម្រាប់ Man City គាត់បានបង្ហាញខ្លួនចំនួន ១២៧ គ្រប់ការប្រកួតទាំងអស់ រួមទាំងការប្រកួតវគ្គផ្តាច់ព្រ័ត្រឆេមពានលីកឆ្នាំ២០២១ ដែល Man City បានបញ្ចប់ក្នុងចំណាត់ថ្នាក់លេខ២បន្ទាប់ពីចាញ់ក្រុមChelsea។គាត់បានឈ្នះពានរង្វាន់ប្រឺមីញេលីក៤ដង, អង់គ្លេសLeague Cup ៤ដង និង FA Cup ម្តងមួយជាមួយ Man City ៕