ព័ត៌មានតំបន់អាស៊ាន
ចិន៖ ឯកអគ្គរដ្ឋទូតចិន ប្រចាំក្រុងម៉ានីល បានថ្លែងថាចិន ត្រៀមខ្លួនរួចជា ស្រេចក្នុងការ ផ្តល់ឲ្យនូវ អាវុធជាច្រើនដល់ហ្វីលីពីន ដើម្បីជួយដល់ លោកប្រធានា ធិបតី Rodrigo Duterte ក្នុងការធ្វើ សង្គ្រាមប្រយុទ្ធប្រឆាំងគ្រឿងញៀន ដែលត្រូវបាន គេអះអាងថាបាន សម្លាប់មនុស្សជាង ៥ពាន់នាក់ ។
រដ្ឋាភិបាល ក្រុងប៉េកាំង បានថ្លែងកាលពីមុននេះ ថាខ្លួនគាំទ្រ សង្គ្រាមបង្ហូរ ឈាមប្រឆាំង ឧក្រិដ្ឋកម្មគ្រឿង ញៀនរបស់ លោក Duterte ដែលត្រូវ បានរិះគន់ពី សំណាក់អង្គការ សហប្រជាជាតិ និងអង្គការឃ្លាំមើល សិទ្ធិមនុស្ស លើការចោទប្រកាន់ពីការ កាប់សម្លាប់ ក្រៅប្រព័ន្ធតុលាការ ។
ក្រុងប៉េកាំង និងម៉ានីល បានដកពិសោធន៍គ្នា តាមរយៈការផ្សះផ្សារ គ្នាចាប់តាំង ពីលោក Duterte ជាប់ឆ្នោតជា ប្រធានាធិបតីកាលពី ខែឧសភា ថ្វីបើប្រជា ជាតិទាំងពីរ មានវិវាទដែន ដីជាមួយគ្នាចំពោះការអះអាងនៅសមុទ្រ ចិនខាងត្បូង យ៉ាងណាក្តី ។
ប្រមុខបេស កកម្មការ ទូតប្រចាំក្រុង ម៉ានីល លោក Zhao Jianhua បានកត់ សម្គាល់កាល ពីល្ងាចថ្ងៃ ច័ន្ទដោយអះអាងថាចិន បានត្រៀមខ្លួន រួចជាស្រេចក្នុង ការផ្គត់ផ្គង់ អាវុធដល់ហ្វីលីពីន ។ លោកថែម ទាំងបានប្រាប់អ្នកសារព័ត៌មានថា យើងកំពុង រកលទ្ធភាព ដែលអាចទៅ រួចក្នុងការ ផ្តល់ឲ្យនូវសព្វាវុធ ធុនស្រាលនិងធ្ងន់ ក៏ដូចជា អាវុធសម្រាប់ ប្រយុទ្ធប្រឆាំងនិង ពួកភេរវករ និងសម្រាប់យុទ្ធនា ការប្រឆាំងគ្រឿងញៀន ។
ឯកអគ្គរដ្ឋទូតរូប នេះបានឲ្យដឹងទៀត ថាកិច្ចពិភាក្សា នៅតែស្ថិតក្នុង ដំណាក់កាល ជាបឋមដដែល ហើយក៏ពុំមានកិច្ចព្រម ព្រៀងអំពីតម្លៃ ឬប្រភេទ ជាក់លាក់នៃ អាវុធឡើយ បើទុកជា ពួកគេភាគច្រើន ចូលចិត្តប្រើកាំភ្លើងរ៉ាហ្វាល់យ៉ាងណាក្តី ។
លោក Duterte ដែលជាមេដឹក នាំជាប់ឆ្នោតវ័យ ៧១ឆ្នាំបានប្តេជ្ញា សម្លាប់ពួកឧក្រិដ្ឋកម្មឲ្យ បានមួយ ម៉ឺននាក់ដើម្បី ប្រយុទ្ធប្រឆាំង និងគោល នយោបាយ ចាប់គ្រឿង ញៀនក្នុង ប្រទេសហ្វីលីពីន។ ចាប់តាំងពីលោកចូលកាន់ តំណែងការ បង្ក្រាបគ្រឿងញៀន ត្រូវបានគេ អះអាងថា បានសម្លាប់ មនុស្សជាង៥ ពាន់នាក់ ។
គួររំលឹកផង ដែរថាលោក Rodrigo Duterte ថ្មីៗនេះបានលុប ចោលការបញ្ជាទិញកាំភ្លើង រ៉ាហ្វាល់ប្រមាណជា២៧.០០០ដើមពី សហរដ្ឋអាមេរិក បន្ទាប់ពីរបាយ ការណ៍ព័ត៌មាន បានផ្សាយថា អង្គការសិទ្ធិ មនុស្សមានក្តីបារម្ភចំពោះសង្គ្រា មគ្រឿង ញៀនរបស់ លោកនឹងមាន ឥទ្ធិពលលើការ ផ្គត់ផ្គង់អាវុធ ដល់ហ្វីលីពីន ។