ភ្នំពេញ៖នាយចឺម បានប្រេះឆាសង្សារទី៤អ្នកមេម៉ាយសេង សុខគីម មិនបានធ្វើឲ្យអតីតគូស្នេហ៍ចាស់របស់នាយមានការភ្ញាក់ផ្អើលនោះទេ ព្រោះមើលទៅពួកគេហាក់បានដឹងច្បាស់ជាមុនថារឿងនោះប្រាកដជាកើតឡើងនៅថ្ងៃណាមួយ។ជាក់សម្ដែងអតីតសង្សារទី៣របស់នាយចឺម គឺស្រីស្អាតហ្វា ហ្វា បានវាចាថានាងមិនដឹងរឿងលោកមេសា បែកបាក់សង្សារក្រោយទៀតនោះឡើយ។ហ្វា ហ្វា ហៅស្រីយី បានប្រាប់អ្នកយកព័តមានយើងកាលពីពេលថ្មីៗនេះថានាងអត់ចាប់អារម្មណ៍ ហើយក៍មិនដឹងថានាយចឺម បែកបាក់ពីណាទៀតដែរព្រោះនាងរវល់ការងារច្រើន។យ៉ាងណាហ្វា ហ្វា ថានាងធ្លាប់ធ្វើការសិល្បៈជាមួយសង្សារថ្មីនាយចឺម(នាងសេង សុខឃីម)ម្ដងដែរតាមរយៈការថតស្ពតពាណិជ្ជកម្មមួយរូបគ្នា ហើយរវាងនាងនិងសុខឃីម និយាយស្ដីគ្នាធម្មតា គ្មានរឿងអីប៉ៈទង្គិចគ្នានោះទេ តែរឿងពួកគេបែកបាក់មែនឬអត់នាងមិនទាន់បានដឹងឡើយ។
គូរកត់សម្គាល់ថានាយចឺម បានចែកផ្លូវគ្នាជាមួយនាងហ្វា ហ្វា កាលពីពាក់កណ្ដាលឆ្នាំ២០២១ ប៉ុន្ដែភាគីទាំងសងខាងបានព្យាយាមមិនប្រាប់ពីមូលហេតុនៃការបែកបាក់នោះថាបណ្ដាលមកពីអ្វីឡើយ ខណៈដែលស្រីយី ថាក្រោយអស់និស្ស័យស្នេហ៍នាយចឺម រូបនាងនិងតារាចម្រៀងសាន់ដេរូបនេះមិនយកគ្នាជាសត្រូវតេ ហើយបើចៃដន្យទៅណាវ៉ាក់អឺជាមួយលោកមេសា នោះនាងតាំងចិត្តថានៅតែនិយាយរកនាយ ដោយចាត់ទុកថាគ្មានរឿងអ្វីកើតឡើងទៅចុះ។ចំណែកនាយចឺម វិញមុននេះបានចេញវីដេអូព្រលះទៅអ្នកដែលជេស្ដីបន្ទោសលើនាយរឿងប្ដូរសង្សារដូចដូរខោអាវនេះដោយនាយចាត់ទុកថាអ្នកទាំងនោះហាក់ដូចជាដឹងរឿងនាយច្បាស់ជាងនាយជាសាមីខ្លួនទៅទៀត។ប៉ុន្ដែនាយចឺម មិនទាន់បង្ហាញមុខសង្សារថ្មីនោះទេ តែគេអាចកត់សម្គាល់ថាអតីតតារាកំប្លែងCtn រូបនេះពេលមានសញ្ញារកបានស្រីស្នេហ៍ថ្មីនោះច្បាស់ជារូបនាយនឹងលេងស្ទីលចាស់តាមរយៈការយកនាងនាងទៅឡង់សេបទថ្មីៗរបស់ខ្លួនដូចសង្សារនាយពីមុនៗជាមិនខាន។
សូមបញ្ជាក់ថានាយចឺម ស្ថិតក្នុងចំណោមតារាដែលពូកែញ៉ែស្រីស្អាតបានក្នុងនោះមានដូចជានាយពែកម៉ី,នាយក្រូច និងលោកសាន្ដ ពេជ្រសុភារិទ្ធិ ហៅអ៊ីណូ ជាដើម។គេចាំមើលថាតើស្រីស្អាតរូបណាទៅដែលនឹងស្ម័គ្រចិត្តកាយ៉ាចូលខ្លួនមកធ្វើជាសង្សារទី៥របស់នាយចឺម? ខណៈដែលអតីតសង្សារនាយ៣រូបគឺនាងអៀ ម៉េងលិ ហៅអូនម៉ី,ពុធ ស្រីខួច និងហ្វា ហ្វា ពេលនេះពួកគេសុទ្ធតែមានសង្សារថ្មីរៀងៗខ្លួនអស់ទៅហើយ៕
