ភ្នំពេញ៖ឱក សុគន្ធកញ្ញា បានក្ដាប់តំណែងជាគណៈកម្មាការCambodian Idol ៤រដូវកាលមកហើយ ដែលនាងក៍ជាJudge ម្នាក់លេចធ្លោរផងដែរ ខណៈដែលការកាន់តំណែងផ្សេងទៀតមានដូចជាធ្វើគ្រូបង្វឹក (Coach)The Voice Cambodia ,The Voice Kids Cambodia និងX Factor Cambodia នោះនាងក៍ធ្លាប់នាំកូនក្រុមរបស់ខ្លួនលើកពានច្រើនជាងគណៈកម្មាការនិងគ្រូបង្វឹកផ្សេងៗទៀតផងដែរ។ប៉ុន្ដែតាមព័តមានថាសុកន្ធកញ្ញា នឹងលាឈប់ការធ្វើគណៈកម្មាការCambodian Idol នៅរដូវកាលទី៥ខាងមុខនេះហើយដែលរឿងនេះសាមីខ្លួនផ្ទាល់ក៍ធ្លាប់បានប្រាប់ទៅFan ផងដែរ តែគេនៅមិនទាន់ដឹងពីមូលហេតុនៅក្រោយខ្នងនៃ រឿងរ៉ាវមួយនេះទេ ព្រោះតាមព័តមានថាសម្រាប់តម្លៃខ្លួនCoach និង Judge ម្នាក់ៗនឹងបានតម្លៃខ្លួន៦០០០ដុល្លារសម្រាប់ការបំពេញតួនាទីនោះ១រដូវកាល។
អ្នកយកព័តមានយើងព្យាយាមទូរស័ព្ទសុំការបំភ្លឺពីអ្នករៀបចំកម្មវិធីប្រលងចម្រៀងរបស់ហង្សមាសជុំវិញព័តមានថាឱក សុគន្ធកញ្ញា នឹងបាត់ខ្លួនសម្រាប់តួនាទីជាJudge ពី Cambodian Idolរដូវកាលទី៥ខាងមុខនេះ តែលោកវណ្ណា ដែលជាអ្នកគ្រប់គ្រងការ ប្រលង ចម្រៀងល្បីៗរបស់ហង្សមាសនោះតេមិនចូលឡើយទើបមិនទាន់អាចសុំការបំភ្លឺ បានទេ ។យ៉ាងណាគេអាចសន្និដ្ឋានបានថាមានរឿង៣យ៉ាងប្រសិនបើសុគន្ធកញ្ញា ពិតជាដក ថយ ពីតំណែងធំខាងលើនៅរដូវកាលថ្មីមែននោះគឺទី១៖ចេញច្រើនកម្មវិធីពេកធ្វើ ឲ្យគេសាំ នាង ,ទី២៖មិនចង់ឲ្យគេថាដោយសាមានស្វាមីជាអគ្គនាយកហង្សមាស និងមានបងថ្លៃជាថៅកែ បានជានាងកាន់កម្មវិធីធំៗបានតាមចិត្តចង់ និងទី៣៖សុគន្ធកញ្ញា អាចនឹងយកពេលវេលា នៃការសម្រាកពីការងារខាងលើនោះទៅពពោះកូនទី២ ព្រោះចិត្តនាងចង់បានកូន ស្រី។ ប៉ុន្ដែគេជឿរថាសុគន្ធកញ្ញា នៅតែជាតារាមានអំណាចជាងគេនៅហង្សមាសដដែល ព្រោះតារារួមទ្រនុំជាមួយនាងចាត់ទុកអ្នកចម្រៀងកូន១រូបនេះប្រៀបបានជាថៅកែ ឬម្ចាស់ផលិតកម្មហង្សមាសតាំងពីនាងក្លាយជាប្អូនថ្លៃថៅកែជាង២ឆ្នាំមកនេះ ហេតុនេះនាងចង់សម្រាកពីកម្មវិធីណាមួយឬចង់ទៅអង្គុយកៅអីណាមួយក្នុងតួនាទីជាJudge ឬCoach សម្រាប់ការប្រលងចម្រៀងនៅហង្សមាសនោះប្រាកដណាស់ស្វាមីនាងលោកសុខលី នឹងផ្គាប់ចិត្តនាងភ្លាមជាមិនខាន។
គូរបញ្ជាក់ថាក្រៅពីឱក សុគន្ធកញ្ញា ដែលត្រៀមបាត់ខ្លួននៅឆ្នាំក្រោយសម្រាប់កៅអី ជាJudge របស់Cambodian Idol រដូវកាលទី៥នោះថ្មីៗនេះហង្សមាសក៍មានការផ្លាស់ប្ដូរគ ណៈកម្មាការThe Voice Kids Cambodia រដូវកាលទី៣ពីនាងសួស វីសា មកដាក់សុគន្ធ និសា ឡើងវិញដែរ ខណៈដែលពិធីការិនីចាន់ កែវនិមល វិញបាត់បង់កៅអីដល់តែ២ក្នុងពេលតែមួយនោះគឺតួនាទីនាងជាMC នៅCambodian Idol រដូវកាលទី៤ជំនួសដោយនាងថន លក្ខិណា និងMC នៅThe Voice Kids Cambodia រដូវកាលទី៣ជំនួសដោយអ្នកនាងគង់ សុជាតិ ខណៈដែលកៅអីរបស់លោកព្រាប សុវត្ថិ ទាំង៤ដែលនៅទំនេរនោះពេលនេះថៅកែរកបានអ្នកជំនួស២នាក់ទៅហើយក្នុងនោះគឺនាងសុខ សីឡាលីន ឆក់បានJudge របស់Cambodian Idol រដូវកាលទី៤ ខណៈដែលលោកហ្សូណូ ក្លាយទៅជាCoach ជំនួសលោសុវត្ថិ កម្មវិធីThe Voice kids Cambodia រដូវកាលទី៣ តែតំណែងរបស់លោកឧកញ៉ាស្នាយ ២ទៀតគឺCambodian Idol Junior និងCambodia’s Got Talent នៅមិនទាន់រកឃើញអ្នកទៅ រ៉ាប់ រងតួនាទីជាJudge ជំនួសលោកឧកញ៉ាវ័យ៤៧ឆ្នាំឡើយ។
ប្រភពបានឲ្យដឹងថាប្រសិនបើឱក សុគន្ធកញ្ញា ពិតជាដកថយការធ្វើជាJudge របស់Cambodia Idol នៅរដូវកាលថ្មីនាពេលខាងមុខនោះមែន តារាដែលអាចនឹងមានឱកាកាសទៅធ្វើការងារនោះជំនួសនាងបានមានដូចជាពេជ្រ សោភា,សុគន្ធ និសា ,សួស វីសា និងលោកខែម ប៊ុនថៃ ជាដើម។ប៉ុន្ដែគេរងចាំមើលថាសុគន្ធកញ្ញា ពិតជាចង់សម្រាកមែនឬយ៉ាងណា ព្រោះមុននេះមានដំណឹងថាប្រសិនបើហង្សមាសទិញសិទ្ធិ(License) កម្មវិធីប្រលងចម្រៀងថ្មីៗពីរបរទេសថែមទៀតមែននោះគឺនាងនឹងទៅកាន់តំណែងធំៗទាំងនោះទៀតជាមិនខាន ព្រោះស្វាមីនាងជាអ្នកចាត់ចែងតួនាទីនោះទាំងអស់៕
