ប្តីប្រពន្ធមួយគូ មានកម្ពស់ខ្ពស់ជាងគេលើពិភពលោក ដោយបុរសជាប្តីមានកម្ពស់ ២,៣៦ម៉ែត្រ និងស្ត្រីជាភរិយា មានកម្ពស់ ១,៨៧ម៉ែត្រ។
បុរសជាប្តី មានឈ្មោះ ស៊ុន មិញ អាយុ ៣៣ឆ្នាំ មានកម្ពស់ ២,៣៦ម៉ែត្រ និងស្ត្រីជាភរិយាឈ្នោះ ស៊ូយ៉ាន អាយុ ២៩ឆ្នាំ មានកម្ពស់ ១,៨៧ម៉ែត្រ។
បុរសជាប្តីបានឲ្យដឹងថា គាត់ជាកីឡាករបាល់បោះ ចំណែកស្ត្រីជាប្រពន្ធ ជាកីឡាករបាល់ឱបហើយពួកគេបានជួបស្គាល់គ្នា នៅក្នុងការប្រកួតកីឡាជាតិ ហើយក្រោយពេលស្គាល់គ្នាបានរយៈពេល ៤ឆ្នាំ ពួកគេក៏បានរៀបការជាមួយគ្នា។
បុរសជាប្តី ឈ្មោះ ស៊ុន មិញ បានឲ្យដឹងថា ទោះបីជាគាត់មានកម្ពស់ខ្ពស់បែបនេះ តែមិនជាឧបសគ្គសម្រាប់ស្នេហាជាមួយភរិយារបស់គាត់ឡើយ គ្រាន់តែពិបាករឿងគ្រែដេកបន្តិច ព្រោះត្រូវកម្មង់គ្រែប្រវែងដល់ទៅជាង ៣ម៉ែត្រ។
បុរសខ្ពស់ជាងគេរូបនេះ បន្តថា ចំណុចលំបាករបស់គាត់គឺពេលធ្វើដំណើរទេសចរម្តងៗ មានការលំបាកក្នុងការជិះរថយន្តតាក់ស៊ី ឡានក្រុង និងរួមទាំងយន្តហោះផងដែរ។ ចំណែកការស្នាក់នៅសណ្ឋាគារ ឬផ្ទះសំណាក់ក៏លំបាក ព្រោះភាគច្រើនគាត់មិនអាចឈរត្រង់ខ្លួនបាន។
គួរបញ្ជាក់ថា បុរសខ្ពស់ជាងគេលើពិភពលោកនេះ ត្រូវបានចុះក្នុងសៀវភៅកំណត់ត្រាពិភពលោក Guinness World Records ផងដែរ៕