ពិតជាមិនស្តាយលុយមែនសម្រាប់ក្លឹបបិសាចក្រហមMan Utd ដែលបានទិញកីឡាករខ្សែប្រយុទ្ធស្លាបAntony ក្លុងតម្លៃបំបែក កំណត់ត្រានៅក្នុងរដូវកាលនេះដោយសារតែគេអាចមានសមត្ថភាពរកគ្រាប់បាល់បាន ក្នុងការប្រកួតលើកដំបូងឱ្យក្លឹបដែល កីឡាករភាគច្រើនធ្វើមិនបាន។ហើយបានស៊ុតគ្រាប់ដំបូងរបស់គេទល់ក្រុម Arsenal ថ្ងៃទី៤ ខែកញ្ញាទៀតផង។
ក្នុងវ័យ ២២ឆ្នាំ និង ១៩២ថ្ងៃ ១គ្រាប់របស់ Antony ធ្វើឱ្យគេក្លាយជាកីឡាករប្រេស៊ីលវ័យក្មេងបំផុតដែលអាច រកគ្រាប់បានដំបូងនៅការបង្ហាញខ្លួនក្របខណ្ឌ ប្រឺមីញេលីកសម្រាប់បិសាចក្រហម។
មួយគ្រាប់នាំសំណាងរបស់Antony និង២គ្រាប់របស់Rashford បានធ្វើអោយក្លឹបMan Utd បានបញ្ចប់ភាពមិន
ចាញ់របស់កាំភ្លើងធំ Arsenal ត្រឹមការប្រកួតសប្តាហ៍ទី៦ និងជាជ័យជម្នះលើកទី៤ជាប់គ្នាក្រោមការដឹកនាំរបស់លោក Erik ten Hag។
Antony ផ្ទេរមកពី Ajax តម្លៃជាង១០០លានដុល្លារ(បូកបន្ថែម) បានស៊ុត១គ្រាប់ តាំងពីនាទី ៣៥ នាំមុខ Arsenal បន្ទាប់ពីមានការបញ្ជូនបាល់យ៉ាងល្អពី Rashford។ Rashford រកបាន ២គ្រាប់នៅនាទី៦៦និង៧៥) ចំណែក Arsenal ស៊ុត១គ្រាប់តាមមកវិញនាទី៦០ ដោយ Bukayo Saka៕
អតីតខ្សែបម្រើ Chelseaចូលរួមជាមួយក្លឹបNice
យោងតាមប្រភពពី BBC ចេញផ្សាយកាលពីសប្តាហ៍មុនបាន អោយដឹងថាខ្សែបម្រើប្រយុទ្ធRoss Barkley បានចុះកិច្ចសន្យាជាមួយក្លឹបបាល់ទាត់បារាំងNice ក្នុងក្របខណ្ឌបារាំងLigue1ហើយត្រូវបានក្លឹបសម្រេចឲ្យពាក់អាវលេខ១១ ។ នៅក្នុងការចុះហត្ថលេខានេះដែរគេមិនបានប្រាប់អោយដឹងពីរយៈពេលកុងត្រានោះទេដោយគ្រាន់តែប្រាប់ថាគ្មានតម្លៃខ្លួន។
ក្លឹបបារាំងបាននិយាយនៅក្នុងសេចក្តីថ្លែងការណ៍មួយថា ខ្សែបម្រើ Ross Barkley បានចូលរួមជាមួយ Nice លើការផ្ទេរដោយឥតគិតថ្លៃបន្ទាប់ពីរយៈពេល 4 ឆ្នាំកន្លះនៅជាមួយក្លឹប Chelsea។
Barkley ធ្លាប់លេងបាន៣៣ប្រកួតអោយក្រុមជម្រើសជាតិអង់គ្លេស, និងឈ្នះពានរង្វាន់ FA Cup, Europa League និង Club World CupជាមួយChelseaប៉ុន្តែបានបរាជ័យក្នុងការរកកន្លែងមួយ ក្នុងក្រុមធ្វើអោយគាត់ចំណាយពេលមួយរដូវកាលក្នុងលក្ខខណ្ឌខ្ចីនៅ Aston Villa ។
បុរសវ័យ ២៨ឆ្នាំ Barkley បានចូលរួមជមួយក្លឹបតោខៀវ Chelsea ចំនួន ៥រដូវកាលបង្ហាញវត្តមានបាន ១០០ប្រកួតស៊ុតបានតែ ១២គ្រាប់ប៉ុណ្ណោះ។ Barkley បានក្លាយជាសមាជិកថ្មីរបស់ក្លឹបNiceបន្ទាប់ពីកីឡាករខ្សែបម្រើ Aaron Ramsey, Nicolas Pepe និងអ្នកចាំទី Kasper Schmeichel។
Chelsea ទិញខ្សែការពារ Fofana តម្លៃជាង៨០ លានដុល្លារ
យោងតាមប្រភពព័ត៌មានរ៉យទ័រចេញផ្សាយកាលពីចុងសប្តាហ៍មុនបានអោយដឹងថាក្លឹបChelsea បានបញ្ចប់ការផ្ទេរខ្សែ
ការពារ Wesley Fofana ពីក្លឹបLeicester ជាមួយនឹងកិច្ចសន្យារយៈពេល ៧ឆ្នាំ។
ព័ត៌មានលម្អិតផ្នែកហិរញ្ញវត្ថុមិនត្រូវបានបង្ហាញឱ្យដឹងទេ ប៉ុន្តែយោងតាមប្រព័ន្ធផ្សព្វផ្សាយរបស់ចក្រភពអង់គ្លេសបាននិយាយថា កិច្ចព្រមព្រៀងនេះមានតម្លៃជាង៨០ លានដុល្លារ។
ប្រធានក្លឹប Chelsea លោក Todd Boehly បាននិយាយថា Wesley គឺជាខ្សែការពារដ៏មានសក្តានុពលម្នាក់ ដែលបានបង្ហាញពីគុណភាពរបស់គាត់រួចហើយនៅក្នុងក្របខ័ណ្ឌប្រឺមីញេលីក។យើងរីករាយណាស់ដែលយើងអាចនាំយកកីឡាកដ៏មានទេពកោសល្យរបស់អឺរ៉ុបមកកាន់ Chelsea ដើម្បីពង្រឹងក្រុមរបស់យើងបន្ថែមទៀត ទាំងសម្រាប់រដូវកាលនេះនិងនាពេលខាងមុខ។
ក្នុងអំឡុងពេលពីររដូវកាលរបស់គាត់នៅ Leicester គាត់បានបង្ហាញខ្លួន៥២ដងនៅក្នុងការប្រកួតទាំងអស់រួមទាំង ៣៧នៅក្នុងលីកនិង១១ប្រកួតឆ្លងកាត់យុទ្ធនាការអ៊ឺរ៉ុបពីរលើក៕