ភ្នំពេញ៖សួស វីសា បានចេញទៅជួបពេទ្យថៃកាលពីថ្ងៃទី១២កញ្ញា ដើម្បីពិគ្រោះជំងឺបំពង់ករបស់នាងដែលជួបបញ្ហា ច្រៀងលែងសូវកើត ដែលជាក្ដីបារម្ភដ៍ធំមួយសម្រាប់អាជីពចម្រៀងរបស់នាងតែម្ដង។ជាលទ្ធភាពវីសា ត្រូវគ្រូពេទ្យឲ្យថ្នាំ១កញ្ចប់ដើម្បីលេបរយៈពេល១ខែ ទើបនាងថាគ្រាន់តែឃើញថ្នាំពេទ្យហើយធ្វើឲ្យនាងវិលមុខតែម្ដង ខណៈដែលគម្រប់១ខែនាងនឹងទៅជួបគ្រូពេទ្យម្ដងទៀត ដើម្បីតាមដានស្ថានភាពជំងឺ។តាមរយៈការប៉ៈពាល់បំពង់កបែបនេះហើយទើបធ្វើឲ្យវីសា បាត់មុខពីបណ្ដារឆាកតន្រ្ដីទាំងឡាយស្ទើតែទាំងស្រុងតាំងពីដើមខែមីនាឆ្នាំ២០២១ដែលពេលនោះនាងកើតកូវីដ ដោយសារតែមិនអាចប្រើប្រាស់សម្លេងឲ្យបានដូចដើមធ្វើឲ្យនាងបាត់បង់ប្រាក់ចំណូលអស់១ផ្នែកធំពីអាជីពចម្រៀង។ប៉ុន្ដែនៅមិនទាន់អស់សង្ឃឹមទាំងស្រុងនោះទេ បើទោះជាវីសា ហាក់មានវប្បដិសារីថាជំងឺនាងបណ្ដាលឲ្យធ្ងន់ធ្ងបែបនេះដោយសារតែនាងធ្វែសប្រហែសព្រោះពីមុនថាមិនអីៗទើបមានថ្ងៃនេះក្ដី តែការត់ទៅពេទ្យថៃនាពេលនេះបង្ហាញឲ្យឃើញថាតារាហង្សមាសរូបនេះមិនចង់បញ្ចប់អាជីពដែលនាងស្រលាញ់បំផុតនាពេលនេះឡើយ។
គូរកត់សម្គាល់ថាស្ថានភាពជំងឺរបស់សួស វីសា បច្ចុប្បន្នហាក់ស្រដៀងគ្នានិងតារារួមដំបូលសិស្សប្អូននាងកញ្ញាវី ឌីណែត កូនក្រមុំរបស់លោកហួ ឡាវី ដែរព្រោះនាងត្រូវគ្រូពេទ្យឲ្យលេបថ្នាំអស់មួយជីវិតដោយសារតែកើតជំងឺពកក ហើយឌីណែត ធ្លាប់ប្រាប់អ្នកយកព័តមានយើងថាជំងឺនាងកើតជាច្រើនឆ្នាំមកហើយ តែទើបធ្វើទុក្ខខ្លាំងនារយៈពេលចុងក្រោយនេះរហូតប៉ៈពាល់ការប្រើប្រាស់សម្លេងដោយជៀសមិនផុតពិសេសគឺការច្រៀងបទប្រភេទខ្ពស់ៗដូចនាងតែម្ដង។ប៉ុន្ដែឌីណែត ខុសពីវីសា ត្រង់ថានាងនៅតែបន្ដឡើងច្រៀងសម្ដែងតាមឆាកតន្រ្ដីជាធម្មតាហើយនាងនៅតែព្យាយាមច្រៀងក្នុងកម្រិតសម្លេងខ្ពស់បំផុតដដែល បើទោះជាសុខភាពនាងមិនអំណោយផលក្ដី។នេះជាវិបត្តិផ្លូវចិត្តមួយទៀតសម្រាប់ឌីណែត ព្រោះនាងបានបង់ម្ដាយជាទីស្រលាញ់អ្នកស្រីងួន សុផាន់នី ដែលបានទទួលមរណភាពចោលនាងកាលពីថ្ងៃទី១៩មីនា ២០២១ ព្រោះកូវីដ១៩ ទាំងដែលរូបនាងមិនបានចូលរួមដោយផ្ទាល់ដោយសារកំពុងព្យាបាលកូវីដនោះឃើញថាអារម្មណ៍នាងពិបាកទទួលយកណាស់ទៅហើយ តែពេលនេះព្រហ្មលិខិតបែជាមិនអាណិតដល់រូបនាងជាកូនកំព្រាម្ដាយតម្រូវឲ្យនាងមានជំងឺសាហាវត្រូវលេបថ្នាំជារៀងរហូតបែនេះ។
សូមបញ្ជាក់ថាសួស វីសា និងវី ឌីណែត សុទ្ធតែជាតួអង្គដ៍របស់ហង្សមាសព្រោះតារាទាំង២ដួងមានសម្ថភាពមិនចាញ់ឱក សុគន្ធកញ្ញា នោះទេ តែពេលនេះពួកគេបែជាមានយ៊ីអ៊ុនមិនសូវល្អទេ ព្រោះមានជំងឺប្រហាក់ប្រហែលគ្នាដែលធ្វើឲ្យប៉ៈពាល់ដល់ការប្រើប្រាស់សម្លេងមិនដូចដើមដូចគ្នា។សម្រាប់វីសា វិញក្រោយមានសា្វមីនិងកូន១នាងពិបាកស្ដារមុខឲ្យខ្លាំងដូចកាលនៅលីវទៅហើយ ស្រាប់តែពេលនេះមកមានជំងឺបំពង់កថែមទៀតទើបធ្វើឲ្យក្ដីសុបិន របស់នាងចង់ក្លាយជាតារាលំដាប់ទី២នៅហង្សមាសបន្ទាប់ពីឱក សុគន្ធកញ្ញា នោះកាន់តែរួមតូចទៅៗ។ចំពោះវី ឌីណែតវិញធ្លាប់ប្រកាសចង់ដកថយពីអាជីពចម្រៀងម្ដងរួចទៅហើយកាលពីពាក់កណ្ដាលខែមករាឆ្នាំ២០២២ តែពេលនេះគេឃើញនាងនៅតែកាន់ក្បាលមីក្រូឡើងឆាកដូចគ្មានជំងឺដែលនោះមកពីការជម្នះនិងតាំងចិត្តមិនរាថយនិងឧបស័ក្កទាំងឡាយ។កូនក្រមុំលោកហួ ឡាវី ម្នាក់នេះត្រូវបានមហាជនទទួលស្គាល់ថាក្នុងចំណោមតារាចម្រៀងវ័យក្មេងផ្នែកយុវវ័យគឺគ្មានអ្នកចម្រៀងរូបណាមានសម្លេងខ្លាំងជាងនាងឡើយ។ទស្សនិកជនរងចាំមើលថាតើសួស វីសា ដែលមានប្ដីនាងលោកថមមី ចាំលើកទឹកចិត្តនៅក្រោយខ្នងជានិច្ច និងវី ឌីណែត មានឪពុកនាងគាំទ្រក្រោយខ្នងនោះពួកគេនឹងនៅតែបន្ដអាជីពចម្រៀងបានដូចដើមតទៅទៀតដែរឬទេ បើស្ថានភាពជំងឺរបស់តារាទាំងពីរស្ថិតក្នុងភាពគូឲ្យបារម្ភរបស់អ្នកគាំទ្របែបនេះ?
