ភ្នំពេញ៖រ៉េត ស៊ូហ្សាណា មិនមែនជាស្រីស្អាតដែលមានរូបសម្រស់ផូផង់ស៊ីដាច់គេនៅហង្សមាសនោះទេ ព្រោះមិត្តរួមក្រុមនាងដូចជាសុខ ស្រីនាង,ប៉ាច គីមមួយ និងពេជ្រ សូលីកា ជាដើមពួកគេសុទ្ធតែត្រូវបានគេចាត់ទុកថាតារាចម្រៀងលេងសម្រស់ប្រចាំផលិតកម្មធំនេះ។ប៉ុន្ដែក្នុងចំណោមអ្នកចម្រៀងដែលមានវ័យប្រហាក់ប្រហែលហ្សាណា ខាងលើនេះគឺពួកគេបែជាសឹងតែគ្មានឱកាសចាប់បានស្ពតធំៗដូចតារាវ័យ២៣ឆ្នាំខាងលើនេះទៅវិញទើបធ្វើឲ្យរយៈពេលជាង៥ឆ្នាំចុងក្រោយនេះស្រីស្រស់ធ្មេញចំពើសដែលមានត្រេមុខស្រដៀងកូនកាត់ជប៉ុនរូបនេះកើបលុយពីស្ពតពាណិជ្ជកម្មធំៗស្ទើតែស៊ីដាច់គេក្នុងចំណោមតារាដែលចូលសិល្បៈជំនាន់នាង។
អ្នកយកព័តមានយើងធ្លាប់បានសាកសួរតារាមួយចំនួននៅហង្សមាសដូចជានាងប៉ាច គីមមួយ និងសុខ ស្រីនាង ជាដើមដែលគ្មានឱកាសបានថតស្ពតធំៗដូចស៊ូហ្សាណា ហើយត្រូវបានអ្នកចម្រៀងទាំងនោះបង្ហាញអារម្មណ៍ដោយគ្មានការអានអន់ចិត្តឬច្រណែនមិត្តរួមអាជីពឡើយ ព្រោះសម្អាងថាម្ចាស់ផលិតផលទាំងទេជាអ្នកជ្រើសតារាណាដែលគេពេញចិត្ត។ស្រីនាង ធ្លាប់ប្រាប់ថាមានមានក្រុមហ៊ុនមួយចំនួនធ្លាប់ចរចារនាងដែររឿងថតស្ពត តែខ្លះមិនត្រូវគ្នាក៍ស្ងាត់ទៅវិញ ខណៈដែលគីមមួយ ក៍និយាយស្រដៀងគ្នាបែបនេះដែរ។
សូមបញ្ជាក់ថាក្រៅពីរ៉េត ស៊ូហ្សាណា តារារៀមច្បងនាងនៅហង្សមាសដែលត្រូវប៉ាន់ស្ពតធំៗនោះមានដល់ទៅ៣ដួងគឺពេជ្រ សោភា,ឱក សុគន្ធកញ្ញា និងសុគន្ធ និសា ។ចំពោះស៊ូហ្សាណា វិញមានព័តមានថាការច្រៀងសម្ដែងConcerts របស់នាង១កម្មវិធីស៊ីថ្លៃជិត២ពាន់ដុល្លារ ហើយបូកទាំងប្រាក់ចំណូលពីស្ពតពាណិជ្ជកម្មនោះទើបធ្វើឲ្យនាងអាចរកប្រាក់ចំណូលពីអាជីពសិល្បៈបានរាប់សិបម៉ឺនដុល្លារក្នុង១ឆ្នាំៗ ទើបអំឡុងពេលដែលរដូវកូវីដផ្ទុះខ្លាំងហើយតារាភាគច្រើនជួបវិបត្ដិសេដ្ឋកិច្ចនោះហ្សាណា បែជាធ្វើឲ្យគេភ្ញាក់ផ្អើលទៅវិញព្រោះនាងទិញផ្ទះ២ល្វែងជាប់គ្នាតម្លៃខ្ទង់ជាង២០ម៉ឺនដុល្លារ,ទិញរថយន្ដទំនើបម៉ាកJeep Rubicon តម្លៃ៨៧០០០ដុល្លារ និងបើកហាងលក់សម្លៀកបំពាក់ទៀតផង។ជុំវិញការមានទ្រព្យដោយរហ័សបែបនេះ ហ្សាណា បែជារងការសង្ស័យថានាងមានគូស្នេហ៍ឧបត្ថម្ភហាក់ស្រាលជាងតារាផ្សេងៗទៅវិញ បើទោះជាកាលពីពាក់កណ្ដាលឆ្នាំ២០២០ នាងធ្លាប់បង្ហាញសញ្ញាមានគូសង្សារតាមរយៈការកាន់ដៃប្រុសម្នាក់ដោយបិតមុខក្ដី។តាមព័តមានថាស្រីស្អាតសាច់សខ្ចីស៊ូហ្សណា ត្រូវក្រុមគ្រួសារព្រមានថាបើនាងហ៊ានតែប៉ៈរឿងអាស្រូវកេរ្ដិ៍ណាមួយនោះគឺឪពុកម្ដាយនាងនឹងមិនអនុញ្ញាត្តិឲ្យនាងច្រៀងរាំតទៅទៀតឡើយ៕
