ភ្នំពេញ៖អតីតបេក្ខភាពThe Voice Cambodia រដូវកាលទី២នាងតន់ ច័ន្ទសីម៉ា ប៊ិសរកបានដៃគូចម្រៀងទី៣របស់ខ្លួនទៅហើយនោះគឺលោកប៊ុត សីហា ជាម្ចាស់ពានThe Voice Cambodia រដូវកាលទី១ ក្រោយមានការបើកភ្លើងខៀវពីថៅកែGalaxy ផ្ដល់ឱកាសសារជាថ្មីឲ្យសីហា បន្ទាប់ពីអតីតតារាហង្សមាសរូបនេះបានបោកគ្រាប់បែកលោកម្ដងហើយអំឡុងបើកផលិតកម្មដំបូងព្រោះតែមិនគោរពពេលវេលា។ប៉ុន្ដែពេលនេះសីហា បែជាសម្រេចចិត្តមិនចូលGalaxy ជាលើកទី២ដោយបន្ដធ្វើជាតារាចម្រៀងឯករាជ្យទៅវិញ ទើបធ្វើឲ្យច័ន្ទសីម៉ា ខកខានឱកាសទទួលបានដៃគូចម្រៀងនិងសម្ដែងឆ្លងឆ្លើយទី៣របស់នាង ខណៈដែលដៃគូចាស់ទាំង២របស់ស្រីស្រស់តូចច្រឡឹងរូបនេះគឺលោកឧកញ៉ាព្រាប សុវត្ថិ និងលោកខេម ។
គូរបញ្ជាក់ថាតន់ ច័ន្ទសីម៉ា ទោះជាមិនបានពានThe Voice Cambodia រដូវកាលទី២ ព្រោះធ្លាក់ចេញមុនឈានទៅវគ្គផ្ដាច់ព័ត្រហើយម្ចាស់ជ័យលាភីគឺជាលោកថែល ថៃ ក្ដី ប៉ុន្ដែពេលនេះសីម៉ា បានក្លាយជាតារាចម្រៀងផ្នែកយុវវ័យដែលពិបាករកគូប្រជែងក្រោយនាងចាប់ដៃជាមួយលោកព្រាប សុវត្ថិ និងខេម ។អ្នកតាមដានវិស័យសិល្បៈចម្រៀងមើលឃើញថាសីម៉ា ប្រសិនបើបានចាប់ដៃជាមួយសីហា នោះនាងកាន់តែប្លែកថែមទៀតជាមិនខាន ក្នុងករណី ម្ចាស់ពានរូបនេះកែខ្លួន ប៉ុន្ដែពេលនេះឱកាសពិសេសបានផុតពីដៃនាងទៅហើយ។យ៉ាងណាច័ន្ទសីម៉ា នៅតែជាតួឯកដដែល ប្រសិនបើGalaxy គ្មានបំណងទិញតារាស្រីណាផ្សេងៗទៀតចូល បន្ទាប់ពីមាស សុខសោភា និងពេជ្រ សោភា បានប្រកែកចូលរួមជាមួយផលិតកម្មនេះកាលពីឆ្នាំ២០២០ ។
តន់ ច័ន្ទសីម៉ា ទើបតែវិលត្រឡប់កពីភ្លក្សរសជាតិច្រៀងសម្ដែងនៅប្រទេសកូរ៉េកាលពីពេលថ្មីៗនេះ ខណៈដែលមុននេះនាងចាប់ផ្ដើមចាប់ដៃគូច្រៀងសម្ដែងសារជាថ្មីជាមួយលោកឧកញ៉ាព្រាប សុវត្ថិ បន្ទាប់ពីអាកខានជាង៣ខែ ព្រោះតែលោកស្នាយ ឡើងជាឧកញ៉ាទើបធ្វើឲ្យនាងហាក់នៅតែមានប្រៀបជាងតារាដែលមានគីឡូប្រហាក់ប្រហែលគ្នាដូចជានាងរ៉េត ស៊ូហ្សាណា,យូរី និងអ៊ីវ៉ា ជាដើម។ដោយឡែករឿងស្នេហារបស់សីម៉ា ដែលលេចឭថាលោកឧកញ៉ាពោះម៉ាយម្នាក់តាមស្នេហាជាង២ឆ្នាំទៅហើយនោះ ពេលនេះបែជាស្ងាត់ទៅវិញនិងមិនដែលឃើញនាងបង្ហាញភាពស្និតស្នាលគ្នាជាចំហដូចមុនទៀតឡើយ។សីម៉ា ធ្លាប់ប្រកាសប្រាប់ទៅFan ថាបេះដូងនាងមិនទាន់មានម្ចាស់ចិត្តទេ តែនាងសារភាពថាការនិយាយបែបនោះគ្មានអ្នកណាម្នាក់ជឿរជាក់លើរូបនាងឡើយ៕
