Friday, March 29, 2024
Homeតារាខ្មែរមាស សុខសោភា ៖ប្រឹងធ្វើបុណ្យសន្សំកុសលជូន​លោក​ឪពុក

មាស សុខសោភា ៖ប្រឹងធ្វើបុណ្យសន្សំកុសលជូន​លោក​ឪពុក

ភ្នំពេញ៖មាស សុខសោភា ក៍មិនខុសពីសុគន្ធ និសា ដែរពោលគឺនាងកំព្រាឪពុក​ជាច្រើនឆ្នាំ​មក​ហើយ និងទៅ​ណា​​មកណាតែជាមួយម្ដាយ។អំឡុងពិធីបុណ្យភ្ជុំបិណ្ឌកាលពីពេលថ្មីៗនេះ សុខ​សោភា បាននាំស្វាមីនាង​លោក​អ៊ឹត រ៉ាដា ទៅធ្វើបុណ្យរួមគ្នាដើម្បីឧទ្ទិសម​គ្គផលជូនទៅ​ឪពុក​នាងលោកមាស សារឹម អតីតប្រធានមន្ទីរឧសហ្សា​ហកម្មខេត្តកំពង់ស្ពឺដែល​បានទទួលមរណ​ភាពតាំងពីនាងនៅក្មេង។សុខសោភា បួងសួងថាការធ្វើបុណ្យ​ទាន​រប​ស់​នាងទាំងឡាយ​សូម​ឲ្យ​ឪពុកនាងធ្វើតំណើរទៅទិសខាងជើង និងបានស្វែងរកកាយថ្មី។ដោយឡែកស្វាមីសោ​ភា លោករ៉ាដា វិញគេឃើញលោកពិតជាពូកែសម្របខ្លួនតាមតារា​ចម្រៀងល្បីរូបនេះបានគ្រប់​ពេ​លតែម្ដងពោល​គឺទោះជានាងស៊ិចស៊ីនៅឆ្នេសមុទ្រដោយស្លៀកតែខោលីអូនិងអាវវ៉ែនតា ក៍​លោកគាំទ្រ ពេលតារារាម រូបនេះ​គ្រ​ង​ឈុតប្រពៃណីខ្មែរបិតជិតក៍លោកពេញចិត្ត​ដែលចំ​ណុច​ពិសេសរបស់អាណិកជនខ្មែរមកពីកាណាដាបែប​នេះ​ហើយទើបធ្វើឲ្យពួកគេរក្សារចំណងស្នេហាបានដល់ទៅ១៥ឆ្នាំរហូតមកដល់ពេលនេះ។

 គូរបញ្ជាក់ថាមាស សុខសោភា តាំងពីចូលរាម ជាង១ឆ្នាំមកនេះអ្វីដែលគ្រប់គ្នាមើល​ឃើញ​គឺការ​ផ្លាស់ប្ដូរវិធី​ស្លៀ​ក​​ពាក់​​របស់នាងដែលប្លែកៗគ្រប់កម្មវិធីទាំងអស់ ប៉ុន្ដែសោភា នៅ​តែមិនទាន់ធ្វើឲ្យទី​ផ្សារចម្រៀង​របស់​នាងមាន​ការប្រែប្រួលឡើយ ពោលគឺហាក់នៅ​ទ្រឹងទោះ​ជាកាលពីដើមខែមករាឆ្នាំ២០២២ នាងបានតាំងចិត្ត​ថាត្រូវតែ​បំ​បែក​ទីផ្សារចម្រៀងឲ្យខាងតែ​បានហើយបញ្ចេញអ្វីដែលទស្សនិកជនមិន​ធ្លាប់បានឃើញឲ្យគ្រប់គ្នា​ប្លែកភ្នែកក្ដី ប៉ុន្ដែ​រយៈ​ពេ​ល៩ខែមកនេះសោភា នៅតែមិនទាន់ធ្វើព្យុះភ្លៀងបានទេ ខណៈដែលមុននេះបទចម្រៀង​នាងមាន​ការចូលរួមពីអ្នកខាងក្រៅផលិតកម្មរាមដូចជានិពន្ធដោយលោកពេជ្រ សង្វារពេជ្រ ហៅលោកតាសក់ស ភ្នំត្រែង ព្រមទាំងលោកទ្រី ហេង ដែលជាប្ដីលោកម៉ា ដូណា  និងស្វាមី​នាងលោកអ៊ឹត រ៉ាដា ជាដើមក្ដី តែតារា​សំនៀងផ្អែម​រូបនេះនៅតែមិនទាន់​ផ្ទុះ។យ៉ាងណាគេ​សង្កេ​ត​មើលឃើញថាសុខសោភា លែង​ពឹងលើអាជីព​ចម្រៀងទាំង​ស្រុង​ទៀតហើយ ព្រោះ​ពេល​នេះនាងមានហាង២ផ្ទាល់ខ្លួន ហើយ​នាងក៍ដៃគូរកស៊ីធំជាមួយថៅកែរាម ផងដែរ។

 ក្រៅពីមាស សុខសោភា តារាស្រីល្បីៗដែលរស់នៅកំព្រាឪពុកមានដូច​ជាអ្នក​នាង​សុ​គន្ធ និសា ,ឱក សុគន្ធ​កញ្ញា​(ឪពុកម្ដាយបែកបាក់គ្នា),ពេជ្រ សោភា,យុគ ចិន្ដា និងឌួង ហ្សូរីដា ជាដើម៕

RELATED ARTICLES