Friday, March 29, 2024
Homeតារាខ្មែរហេតុអីស្រីស្អាតរ៉េត ស៊ូហ្សាណា ៖ទុកចិត្តតែកូនលោក​ឧកញ៉ាម្នាក់?

ហេតុអីស្រីស្អាតរ៉េត ស៊ូហ្សាណា ៖ទុកចិត្តតែកូនលោក​ឧកញ៉ាម្នាក់?

ភ្នំពេញ៖រ៉េត ស៊ូហ្សាណា ស្ថិតក្នុងចំណោមតារាចម្រៀងវ័យក្មេងដែលមាន​រូបសម្រស់​គូរឲ្យទាក់​ទា​ញម្នាក់នា​ពេល​​បច្ចុប្បន្ន ហេតុនេះហើយបុរសមិនតិចនាក់ទេដែលធ្លាក់ក្នុងអន្លង់​ស្នេហ៍ស្រី​ស្រស់​ធ្មេញចំពើសវ័យ២៣ឆ្នាំ​រូបនេះដែលក្នុងនោះអ្នកឈានមុខគេជាមន្រ្ដីធំៗ ,ឧកញ៉ា និង​អ្នក​ជំនួញទ្រើសៗ ព្រោះពេលខ្លះហ្សាណា កំពុង​តែច្រៀងម្ចាស់ក្រុមហ៊ុននោះបានកាន់​ក្បាល​មី​ក្រូសរសើរនាងថាជាស្រីស្អាតនៅចំពោះរូបនាងផ្ទាល់និង​ឪពុក​ម្ដាយនាងក៍មានដែរ។តែអ្នក​ចម្រៀងសាច់សខ្ចីរូបនេះហាក់ដូចជាមិនចាប់អារម្មណ៍​ឬជ្រួលជ្រើមពាក្យ​លេបខាយ​ឬការឌឺដងចង់សុំស្នេហ៍ពីសំណាក់ប្រុសៗដែលចេញមុខដោយចំហ ឬមានមេអណ្ដើកមកអន្ដរា​គមន៍​ទាំងនោះ​ឡើយ ស្របពេលដែលទាំងច្រៀងនៅStudio ,ស្ថានីយ៍ទូរទស្សន៍,Concerts តាម​ខេត្ត ,ថត​ស្ពត​ រួមទាំងMVផង ឪពុកម្ដាយរបស់តារាធ្មេញចំពើសរូបនេះតាម​ការពារនាងគ្រប់​ជំហ៊ាន​ទាំង​អស់ ហើយសូម្បីតែទូរស័ព្ទ​ក៍មិន​អនុ​ញ្ញាត្តិឲ្យនាងនិយាយ​ជាមួយអ្នកណាដែរ​។

គេ​ជឿរថា​ការមានអង្គរក្សពិសេសខាងលើនេះហើយដែលធ្វើឲ្យហ្សាណា នៅមិនទាន់ជំពប់រឿង​អាស្រូវ​កេរ្ដិ៍​ណា​មួយកើតចំពោះ​នាងក្រោយប្រឡូកសិល្បៈរយៈពេលជាង៦ឆ្នាំមក​នេះ…។​ប៉ុន្ដែនាងហ្សាណា ក៍ធ្លាប់បង្ហាញ​សញ្ញា​មានម្ចាស់ចិត្តម្ដងដែរកាលពីពាក់កណ្ដាលឆ្នាំ២០២០ ដោយកាន់ដៃប្រុស​ម្នាក់​មិន​បើកមុខ តែរឿងរ៉ាវនោះត្រូវបាន​អ្នកខ្លះយល់ថានោះអាចជាយុទ្ធ​សាស្រ្ដរបស់ស្រីស្អាត​ដើម្បី​កុំ​ឲ្យប្រុសៗកាន់តែច្រើនរាយ​អន្ទាក់ស្នេហ៍លើ​នាង​ថែម​ទៀត ព្រោះ​គេកត់សម្គាល់ថាហ្សាណា កម្រ​បង្ហាញភាពស្និតស្នេហ៍ជាមួយប្រុសណាណាស់ ក្រៅពី​កូនប្រុស​លោកឧកញ៉ាព្រាប សុវត្ថិ គឺបុរសរូបសង្ហារសុវត្ថិ មុនីនាគ ។អ្វីដែលគូរឲ្យចាប់អារ​ម្មណ៍​​ដែរឪពុកម្ដាយនាង​ហ្សា​ណា មិន​ដែលហួងហែងកូនក្រមុំគាត់រឿងស្និតស្នាលជាមួយ​មុនីនាគ ឡើយដែលខុស​ពីតារា​ប្រុស​ផ្សេងៗ​ទៀត​ឲ្យតែពួកគេនិយាយបែបជិតដិត​ជាមួយ​ហ្សាណា នោះត្រូវម្ដាយនាងតាម​ទៅឈអែបជិត​ភ្លាម។

 រ៉េត ស៊ូហ្សាណា ស្ថិតក្នុងចំណោមតារាចម្រៀងដែលប្រជែងទីផ្សារផ្នែក​យុវវ័យនាពេល​បច្ចុប្បន្នមានដូចជា​នាង​តន់ ច័ន្ទសីម៉ា និងយូរី ជាដើម តែនាងហ្សាណា ហាក់មានប្រៀប​ជាង​គេត្រង់ថានាងក្ដាប់ទីផ្សារ​ស្ពតពាណិជ្ជកម្ម​ធំៗបានច្រើនជាងគេពោលគឺចំណូលពីការធ្វើBA ប្រចាំឆ្នាំបានខ្ពស់ជាងច្រៀងទៅទៀតទើបការហក់​ចូលសិល្បៈ​រយៈពេលខ្លីនេះ​នាងសល់​ទ្រព្យ​មិនក្រោមកន្លះលានដុល្លារឡើយក្នុងនោះមានដូចជាផ្ទះ២ល្វែង តម្លៃជាង២០ម៉ឺន​ដុល្លារ,​រថ​យន្ដ​Jeep Rubicon តម្លៃ៨៧០០០ដុល្លារ និងហាងលក់​សម្លៀ​ក​បំពាក់១ទៀត។​មានការ​សង្ស័យ​ថាទ្រព្យ​ទាំង​នោះរបស់ហ្សាណា អាចមានគូស្នេហ៍​ចូលវិនិ​យោ​គ​រួមគ្នា តែមន្ទិលទាំង​នោះ​ហាក់ស្រាលជាងតារាស្រី​ស្អាត​ផ្សេងៗទៀត ព្រោះសម្អាង​ថា​តារា​មានត្រេមុខដូចកូន​ក្រមុំ​ជប៉ុនរូបនេះមានជីវភាពល្អ​ប្រសើរតាំងពីមុននាងចូល​សិល្បៈ​ម្លេះ​។

តែមហាជនរងចាំមើលថា​នាងស៊ូ​​ហ្សាណា ពិតជាអាចគេចផុតពីរឿងអាស្រូវស្នេហា​រហូតឬ​យ៉ាងណាក្រោយនាង​មិនប៉ៈ​រឿងអាស្រូវកេរ្ដិ៍ជាង៦ឆ្នាំនេះហើយធ្វើឲ្យប្រុសៗដែលតាមស្នេហា​នាងខ្លះបរាជ័យដោយពួកគេថានាង​បេះ​ដូងដែក មិនជ្រួលជ្រើមទឹកលុយដូចតារាខ្លះ…។ការសម្អាង​បែប​នេះដោយសារ​តែ​មាន​ស្រីស្អាតក្នុងសិល្បៈ​ជា​ច្រើ​ន​​នាក់មកហើយដែលពួកគេប្រកែក​មិនទទួលការឧត្ថម្ភពី​ប្រុស​អ្នកមានអំណាច និងបុរសទ្រព្យស្ដុកបានតែ​ពីដំ​បូង ប៉ុន្ដែក្នុងនោះមានខ្លះចាញ់​សម្ភារៈ​និយម​ លុយ,ឡាន និង វីឡារ ជាដើមដោយមួយចំនួនក៍​ចាប់ផ្ដើមបាត់​មុខ​ទៅវិញ​ដោយ​គ្មានមូលហេតុ និងមិនដែលឃើញរៀបការប្ដីតែមានកូនធំៗអស់ក៍មាន…។ចំពោះនាងស៊ូហ្សាណា ដែល​ហាក់​ទុកចិត្តតែកូនកំលោះលោកឧកញ៉ាព្រាប សុវត្ថិ ម្នាក់ជាដៃគូទាំងក្នុងនិង​ក្រៅឆាក​នោះ​ តាមព័ត​មាន​ថាក្រុមគ្រួសារនាងនៅតែដាក់សម្ពាធស្រីស្អាត​រូបនេះថាបើនាងជួបរឿង​អា​ស្រូវ​ស្នេហា​ណា១ផ្ទុះឡើងនោះពួក​គាត់​នឹងមិនអនុញ្ញាត្តិ​ឲ្យនាងកាន់ក្បាលមីក្រូឡើងឆាក​ទៀត​ឡើយ​។ល័ក្ខខណ្ឌបែបនេះគេជឿរថាបុរសដែល​អាច​យកបេះដូងនាងហ្សាណា បានទាល់តែឪពុក​ម្ដាយនាង​ពេញ​ចិត្តដែរទើបអាចទៅរួច៕

RELATED ARTICLES