ចាន់ កែវនិមល ៖ត្រៀមសម្រាលកូនប្រុស​មុនដំ​ណាច់​ឆ្នាំ

ភ្នំពេញ៖អ្នកនាងចាន់ កែវនិមល ថ្លែងសារថានៅបាំងតែ២ខែទៀតប៉ុណ្ណោះ នោះគ្រួសារនាង​នឹង​ទទួលបាន​សមា​ជិកថ្មីម្នាក់ទៀតហើយគឺ​ជាកូនប្រុសដែលនាងបានដាក់ឈ្មោះ​មុនថា​”ចេស្ដា”។តែគេកត់សម្គាល់ថា​ទោះជាថ្ងៃ​សម្រា​លកូនកាន់តែកៀកក្ដី ក៍ចាន់និមល នៅតែ​ឆ្លៀត​ឡើងធ្វើMC នៅឆាកតន្រ្ដីហង្សមាសទាំងពោះធំ ហើយអ្វី​ដែល​គូរឲ្យកត់សម្គាល់នោះគេឃើញ​ស្វាមីនាងឯកឧត្តមសូវ៉ាត សីលា រឹតតែថ្នាក់ថ្នមពិធីការិនីរូបនេះ​ខ្លាំងឡើង​ដើម្បី​ជាការលើក​ទឹក​​ចិត្តដល់ភរិយាលោកក្នុងការថែទាំទារកក្នុងផ្ទៃឲ្យបានល្អ ហើយលោកបាននាំកែវនិមល ដែល​​ត្រូវគេ​ហៅ​ថាជំទាវៗនោះទៅដើរលេងកម្សាន្ដនៅអាមេរិក២លើក​ស្ទួនៗគ្នាពោល​គឺ​ក្រោ​យ​នាងជាពីកូវីដ​កាលពីខែមេសាឆ្នាំ២០២១ និងបន្ទាប់ពីដឹងថានិមល មានផ្ទៃពោះនោះ​កាលពី​ខែដើមខែសីហាឆ្នាំ២០២២ នេះនិល ក៍បានផ្អាកពីការងារសិល្បៈរយៈពេលខ្លីដើម្បី​ទៅដើរ​ក​ម្សា​ន្ដ​រយៈពេលជាង២សប្ដាហ៍នៅអាមរិក​ជាថ្មីទើបវិលវិញ​។មជ្ឈដ្ឋាន​មហាជន​មើលឃើញ​ថាការយកកូន​ឆ្នាំ​នេះរបស់កែវនិមល ក្រោយពីកូនស្រីច្បងនាងមានអាយុ​ជាង១០​ឆ្នាំ​នោះ​មិនមែនជារឿងចៃ​ដន្យឡើយ ប៉ុន្ដែត្រូវបានគេមើលឃើញថាពិធីការិនីល្បី​ឈ្មោះរូបនេះចង់​បានកូនទី២​នៅពេ​ល​នេះតែម្ដងដើម្បីលុបបំបាត់ចំពោះដំណឹងថាចំណង​ស្នេហានាង​និងស្វាមី​ឈានដល់​តំណាក់​កាល​រង្គោះ​រង្គើរ ក្រោយនិមល ផ្ទុះរឿងមានស្នេហាជាមួយស្វាមីគង់ សុជាតិ គឺលោកជា វិបុល កាលពីពាក់កណ្ដាលឆ្នាំ២០២០ នោះធ្វើឲ្យប្ដីនាងមិនសប្បាយ​ចិតុ្តឡើយ​…។​តែពេលនេះអ្វីៗ​បាន​បញ្ជាក់ច្បាស់ថាស្នេហានិមល និងស្វាមីឯកឧត្តម​មិន​​ត្រឹមតែគ្មានការប្រេះ​ស្រាំ​នោះទេ ប៉ុ​ន្ដែអ្នកទាំងពីរស្រលាញ់គ្នាលើសដើម ហើយថែមទាំងទទួលបានកាដូ​ពិ​សេស​មិន​អាចកាត់​ថ្លៃ​បាននោះគឺកូនប្រុសរបស់និមល ដែលនឹងបានឃើញពន្លឺព្រះអាទិត្យនៅអំឡុង​ចុងខែធ្នូ​ឆ្នាំ​២០២២ ខាង​មុខនេះហើយ។

 ចាន់ កែវនិល  ជាពិធីការិនីលេចធ្លោម្នាក់របស់ហង្សមាសមុនផ្ទុះរឿងស្នេហា​ជាមួយ​លោ​ក​ជា វិបុល ប៉ុន្ដែនៅ​ឆ្នាំ២០២២ នេះនាងក៍មានយ៊ីអ៊ុនការងារសិល្បៈមិនសូវល្អដែរដោយ​សារតែបាត់បង់តំណែងធំដល់​ទៅ២ព្រមគ្នា​នោះគឺតួនាទីជាMC កម្មវិធីCambodian Idol រដូវ​កាលទី៤ ធ្លាក់ទៅនាងថន លក្ខិណា និងតំណែងដូចគ្នានេះ​កម្មវិធីThe Voice Kids Cambodia រដូវកាលទី៣ស្ថិតក្នុងកណ្ដាប់ដៃអ្នកនាងគង់ សុជាតិ ទើបធ្វើឲ្យនិមល លែង​សូវលេច​ធ្លោដូច​មុន​​។អ្វីដែល​គូរ​ឲ្យភ្ញាក់ផ្អើលនោះតាមព័តមានថាតំណែងទាំងឡាយដែលកែវនិមល ធ្លាប់ចាប់​ដៃគូជាមួយ​លោកជា វិបុល នោះគឺត្រូវបាត់បង់ទាំងអស់តែម្ដងឲ្យ​តែកម្មវិធីនោះថៅកែ​រក្សារ​លោកវិបុល នៅដ​ដែល ព្រោះថានិមល-វិបុល មិនត្រូវបានថ្នាក់ដឹកនាំហង្សមាស​ឲ្យចាប់ដៃ​គ្នាធ្វើMC រួមគ្នាជាថ្មី​ឡើយ ព្រោះខ្លាច​ផ្ទុះរឿងធំម្ដងទៀត។ប៉ុន្ដែគេសង្កេតឃើញថានិមល ហាក់​មិនក្វាយក្វល់​ច្រើន​ពី​របូតតំណែងម្ដងដល់ទៅ២នោះទេ ព្រោះរយៈពេលចុងក្រោយនេះ​គេឃើញនាង​ងាកទៅរឹត​ចំណងស្នេហាជាមួយស្វាមីច្រើនជាងមុន​ទាំងការដើរ​លេង​​ក្នុងនិង​ក្រៅ​​ស្រុក ខណៈដែល​មុន​នេះថៅកែហង្សមាសក៍ប្រគល់តំណែងធំថ្មីមួយ​ឲ្យទៅនាង​ដែរនោះ​គឺការ​ធ្វើMC កម្មវិធីប្រលងចម្រៀងBeat The Best រដូវកាលទី១ ។

 ក្រៅពីចាន់ កែវនិមល តារានិងអតីតតារាដែលឡើងជំទាវមានដូចជាស្រីតូច ចំណាន​,ពេជ្រ ច័ន្ទបរមី,ឱក បូរី ,កែវ ពិសី ,ផាន់ ម៉ូនីកា ,ចន ច័ន្ទលក្ខិណា និងនៅ សុនិតា ជាដើម។​ប្រភពបានឲ្យដឹងថាទោះជាពេលនេះរឿង​រ៉ាវស្នេ​ហា​របស់ចាន់ កែវនិមល និងលោកជា វិបុល បានស្ងប់ស្ងាត់ទៅវិញជាច្រើនខែក្ដី ប៉ុន្ដែនិមល និងអ្នកនាងសុជាតិ មិនដែលនិយាយស្ដីរកគ្នា​មួយ​ម៉ាត់​ឡើងរយៈពេលជាង២ឆ្នាំមកនេះ។អ្វីដែលទស្សនិក​ជនសរសើរនោះគឺស្វាមី​របស់អ្នក​នាងកែវមិល គឺឯកឧត្តមសូវ៉ាត សីលា ព្រោះលោកជឿរជាក់លើភរិយាតែម្នាក់គត់​ មិនក្វល់ពី​ពាក្យចរ​ចាមអារ៉ាមទើបធ្វើឲ្យចំ​ណងស្នេហាកាន់តែចាក់គ្រិះរឹងមាំលើសដើម​ពិសេសក្រោយ​អ្នកនាងនិមល ពពោះកូនទី​២​ជា​​កូន​​ប្រុសដែលសមតាមបំណងប្រាថ្នារបស់ពួកគេ៕