ភ្នំពេញ៖អតីតតារាចម្រៀងរស្មីស្ទឹងសង្កែ,Tv Production និងហង្សមាសនាងទេព បូព្រឹក្ស ហៅស្រីនិច្ច បានថ្លែងនៅថ្ងៃខួបកំណើតលោកងួន ចាន់ដេវីត គម្រប់អាយុ២៨ឆ្នាំកាលពីថ្ងៃទី៥តុលា ថាលើលោកនេះគ្មានអ្នកណាស្រលាញ់ប្ដី(ដេវីត)ជាងរូបនាងឡើយ។ជាមួយគ្នានេះដែរនាងស្រីនិច្ច ក៍បានជូនពរដេវីត ដែលនាងហៅថាជា”ប្ដី”នោះឲ្យជោគជ័យពេញមួយជីវិតផងដែរ។ដោយឡែកមុនថ្ងៃខួបប្ដីជិត១សប្ដាហ៍នេះគេឃើញបូព្រឹក្ស ក៍បានកុម្មង់ទិញនាឡិការដៃទំនើបម៉ាកRolex ដល់ទៅ២គ្រឿងផងដែរជូនកាដូ ទៅដេវីត ដែលនាងអះអាងថាតម្លៃនាឡិការនោះគឺ១គ្រឿងថ្លៃ១៥០០០ដុល្លារទៀតផង។
សូមបញ្ជាក់ថាទេព បូព្រឹក្ស-ងួន ចាន់ដេវីត បានប្រារពខួបស្នេហ៍គម្រប់៦ឆ្នាំកាលពីថ្ងៃទី៧កញ្ញា ហើយនៅថ្ងៃទី៩កញ្ញា ពួកគេបានទិញរថយន្ដទំនើបម៉ាកEscalade ដែលមានតម្លៃជាង២០ម៉ឺនដុល្លារជិះយ៉ាងកាលីព។ប៉ុន្ដែពួកគេនៅតែមិនទាន់ប្រកាសពីថ្ងៃរៀបមង្គលការឡើយ បើទោះជាធ្លាប់បានដឹកដៃគ្នាទៅថតPre-Wedding នៅកោះម៉ាល់ឌីវតាំងពីឆ្នាំ២០១៩ ក្ដី។
ទេព បូព្រឹក្ស ក្រោយចាកចេញពីហង្សមាសនាងមិនសូវលេចធ្លោដូចមុនឡើយ តែគូស្នេហ៍របស់នាងលោកដេវីត នៅបន្ដការចេញបទរ៉េតដោយរក្សារលំនឹងដដែល។អ្វីដែលបូព្រឹក្ស និងដេវីត តែងតែធ្វើឲ្យគេចាប់អារម្មណ៍នៅលើបណ្ដាញសង្គមនោះគឺពួកគេជាតារាលេងខ្លួនតាមរយៈសម្ភារៈនិយមដូចជាប្រើប្រាស់សម្លៀកបំពាក់ម៉ាកប្រេនប្រេន និងជិះរថយន្ដទំនើបៗផ្លាស់ប្ដូរជាបន្ដបន្ទាប់។បូព្រឹក្ស -ដេវីត ជ្រើសផ្លូវសាងស្នេហ៍ដោយមិនលាក់លៀមហើយតារា១គូនេះមានចិត្តត្រូវគ្នាច្រើនទើបអាចកាន់ដៃគ្នាបានមកដល់បច្ចុប្បន្នក្នុងនោះដូចជាអ្នកទាំងពីរចូលចិត្តចាក់សាក់នៅរាងកាយដូចគ្នាជាដើម។យ៉ាងណាមិនដែលមានការបញ្ជាក់ពីនាងបូព្រឹក្ស និងសង្សាររឿងពន្យាពេលរៀបការដល់ទៅជាង៣ឆ្នាំនោះទេ ខណៈដែលពេលនេះពួកគេរស់នៅហ៊ឺហាហើយទៅណាមកណាច្រើនតែធ្វើឲ្យមានការភ្ញាក់ផ្អើលមនុស្សលើដងផ្លូវតាមរយៈការតុបតែងខ្លួនិងម៉ូដរថយន្ដរបស់ពួកគេ ដែលពេលខ្លះមិនចាញ់តារារ៉េប នៅក្រៅស្រុកឡើយ។មហាជនជនរងចាំមើលថាតើនាងស្រីនិច្ច នឹងអូសដៃដេវីត ចូលរោងការនាពេលខាងមុខនេះឬមួយក៍ពួកគេចង់យកកូនមុនក្រាបផ្ទឹមដូចតារាមួយចំនួន?
