ភ្នំពេញ៖ព្រាប សុវតិ្ថ ដែលមានអាយុ៣៧ឆ្នាំទៅហើយពោលគឺបងលោកខែម ប៊ុនថៃ ដល់ទៅ១០ឆ្នាំនោះតែចំណងស្នេហាលោកឧកញ៉ាកូន៣រូបនេះនៅតែបង្ហាញភាពផ្អែមល្ហែមខ្លាំងឡើងៗជាមួយអ្នកស្រីឡុង ស្រីមុំ ពោលគឺដូចគូស្នេហ៍យុវវ័យដែរទើបរហូតមកដល់ពេលនេះមានFan កាន់តែច្រើនសំណូមពរឲ្យអតីតតារាចម្រៀងហង្សមាសរូបនេះគូតែតាមយកកូនស្រី១ទៀត ព្រោះថាអ្នកស្រីមុំ ឬខ្លះហៅថាជំទាវ”មុំ”នោះនៅតែក្មេងជាងវ័យហើយស្រស់ស្អាតនិងក្មេងដដែល។ប៉ុន្ដែមិនមែនតែទស្សនិកជននោះទេដែលលើកសំណួរនេះព្រោះសូម្បីតែអ្នកស្រីឡុង ស្រីមុំ ផ្ទាល់ក៍ធ្លាប់សួរទៅស្វាមីនាងលោកសុវត្ថិ រឿងថាតាមយកអាអូន(កូន)ទៀតឬអត់នោះតែលោកឧកញ៉ា មិនឆ្លើយតបនោះទេ គឺបានត្រឹមញញឹមបែបអៀនប្រៀនប៉ុណ្ណោះ។អ្វីដែលគូរឲ្យកត់សម្គាល់នោះកាលពីដើមខែសីហា ឆ្នាំ២០២២ ព្រាប សុវត្ថិ បានសួរទៅកូនកំលោះទី៣របស់លោកឈ្មោះថាសុវត្ថិ សិរីវុឌ្ឍ នោះថា”ពេលណាទើបយកសង្សារ?” ដែលការលើកឡើងបែបនេះមានន័យថាលោកសុវត្ថិ មិនមានផែនការណ៍យកកូនថែមទៀតនោះទេ តែលោកចង់បានចៅពជំនួសវិញ ព្រោះលោកក៍តែតែហៅសិរីវុឌ្ឍ ថាជាកូន”ពៅ”ផងដែរនាពេលកន្លងមក។
សូមបញ្ជាក់ថាព្រាប សុវត្ថិ និងកូនប្រុសរូបសង្ហារទាំង៣របស់លោកគឺសុវត្ថិ មុនីវណ្ណ,សុវត្ថិ មុនីនាគ និងសុវត្ថិ សិរីវុឌ្ឍ ហាក់ស្ងប់ស្ងាត់លែងសូវមានបទចម្រៀងចេញថ្មីៗដូចមុនតាំងពីលោកសុវត្ថិ ដើរចេញពីហង្សមាសកាលពីខែសីហា ឆ្នាំ២០២០ ម្លេះ។ប៉ុន្ដែក្នុងជំនួបជាមួយអ្នកកាសែតកន្លងមកនេះលោកសុវត្ថិ ថាអ្វីៗគឺមាននៅក្នុងដៃអស់ទៅហើយ តែរងចាំពេលវេលាប៉ុណ្ណោះ ហើយនៅពេលដែលគិតថាសមស្របគឺនឹងបង្ហាញអ្វីដែលថ្មីៗតែម្ដង។កាន់តែគូឲ្យចាប់អារម្មណ៍កាលពីថ្ងៃទី២ វិច្ឆិកា លោកសុវត្ថិ បានបញ្ចេញបទរ៉េបថ្មីមួយបទទៀតដែលមានចំណងជើងថា”The Legend “ធ្វើឲ្យតារារ៉េបជាច្រើនភ្ញាក់ផ្អើល ខណៈដែលវណ្ណដា និងដេវីត កំពុងឡើងកម្ដៅ។
ការលើកឡើងរបស់Fan បែបនេះគឺហាក់ស្របគ្នាទៅនិងអតីតតារាចម្រៀងលោកនូ ស៊ឹប ដែលបានអះអាងថាតាមលោកយល់ព្រាប សុវត្ថិ អាចនឹងត្រៀមបញ្ចេញអ្វីប្លែកបំផុតជាមួយកូនៗរបស់លោកមិនអាចនៅស្ងៀមបែបនេះទៀតទេ។លោកថាសម្ថភាពច្រៀងរបស់ព្រាប សុវត្ថិ អាចល្បីបានច្រើនឆ្នាំទៀត ព្រោះតារាចម្រៀងមិនសំខាន់លើអាយុនោះទេ ប៉ុន្ដែអ្វីដែលពិសេសគឺនៅលើសុខភាព។ចំពោះលោកសុវត្ថិ វិញបានតាំងចិត្តថាទោះជាពេលនេះលោកក្លាយទៅជាឧកញ៉ាក្ដី ប៉ុន្ដែគោលដៅគឺនៅតែបន្ដចាប់អាជីពចម្រៀង និងជំនួញស្មើគ្នា៕
