ខេត្តបាត់ដំបង ៖ បុរស២នាក់ បានអង្គុយ ផឹកស្រាជុំគ្នា លុះស្រវឹងធ្លាក់ភ្នែករៀងខ្លួន ក៏ចាប់ផ្តើមក្លែមសម្តីដាក់គ្នាទៅវិញទៅមក រហូតកើតជាជម្លោះ ឈានដល់អំពើហិង្សា ដោយភាគីម្ខាងបានស្ទុះទាញពូថៅ កាប់ប្រ-ហារគូទំនាស់ ១ពូថៅ បណ្តាលឱ្យរយៈក្រោម ភ្នែក ហូរឈាមស្រោចខ្លួន និងត្រូវបានក្រុម គ្រួសារដឹកបញ្ជូនទៅព្យាបាលនៅមន្ទីរពេទ្យ ភ្លាមៗ ចំណែកជនដៃដល់ បានព្យាយាមគេច ខ្លួនអស់២ថ្ងៃ ទើបត្រូវសមត្ថកិច្ចតាមចាប់ ខ្លួនបាន នាំយកទៅចាត់ការតាមច្បាប់។
ករណីអំពើហិង្សា កាប់ដោយពូថៅនេះ បានកើតឡើង កាលពីវេលាម៉ោង៨និង៣០ នាទីយប់ ថ្ងៃទី១៨ ខែតុលា ឆ្នាំ២០២២ នៅ ចំណុចបន្ទប់ជួលមួយកន្លែង ស្ថិតក្នុងភូមិ រំចេក៣ សង្កាត់រតនៈ ក្រុងបាត់ដំបង។
ជនបង្កហេតុ ដែលកាប់គូទំនាស់ ១ពូថៅ ត្រូវសមត្ថកិច្ចចាប់ឃាត់ខ្លួន មានឈ្មោះភោគ លឹមហៀប ហៅរ៉ា ហៅសន្យា ភេទប្រុស អាយុ៤៤ឆ្នាំ មានស្រុកកំណើតនៅភូមិវាល ឃុំស្ពឺ ស្រុកចម្ការលើ ខេត្តកំពង់ចាម បច្ចុប្បន្ន ស្នាក់នៅភូមិរំចេក៣ សង្កាត់រតនៈ ក្រុង បាត់ដំបង។ ចំណែកជនរងគ្រោះ មានឈ្មោះ ផាន់ ផឺង ភេទប្រុស អាយុ៣៩ឆ្នាំ មានលំនៅ ភូមិក្បាលថ្នល់ ឃុំព្រៃខ្ពស់ ស្រុកបវេល រងរបួសមុតរយះសាច់ចេញឈាមផ្នែកខាង ស្តាំក្រោមភ្នែក។
តាមប្រភពពីសមត្ថកិច្ច បានឱ្យដឹងថា ដោយអនុវត្តតាមការណែនាំបញ្ជាផ្ទាល់ពី លោកឧត្តមសេនីយ៍ទោ សាត គឹមសាន ស្នង ការនគរបាលខេត្តបាត់ដំបង ក៏ដូចជាលោក វរសេនីយ៍ឯក លឹម ពុទ្ធីឡា ស្នងការរងផែន ការងារនគរបាលព្រហ្មទណ្ឌ លោកវរសេនីយ៍ ទោ ភួង ច័ន្ទតារា ស្នងការរង ជំនួយការ ដឹកនាំការិយាល័យនគរបាលព្រហ្មទណ្ឌកម្រិត ស្រាល និងមានការសម្របសម្រួលនីតិវិធីពី លោកកែវ សុជាតិ ព្រះរាជអាជ្ញានៃអយ្យ-ការអមសាលាដំបូងខេត្តបាត់ដំបង លោក វរសេនីយ៍ឯក ឈឿង គឹមសុង នាយការ-រិយាល័យនគរបាលព្រហ្មទណ្ឌកម្រិតស្រាល បានដឹកនាំកម្លាំងក្រុមអន្តរាគមន៍ ចុះប្រ-តិបត្តិការបង្ក្រាបករណីហិង្សាដោយចេតនា មានស្ថានទម្ងន់ទោស (កាប់ដោយពូថៅ) ១ករណី និងបានធ្វើការនាំខ្លួនជនសង្ស័យ ឈ្មោះភោគ លឹមហៀប ហៅរ៉ា ហៅសន្យា មកកាន់ស្នងការដ្ឋានដើម្បីធ្វើការសាកសួរ។
នៅចំពោះមុខសមត្ថកិច្ច ជនសង្ស័យ ខាងលើ បានឆ្លើយសារភាពថា ខ្លួនពិតជាបាន កាប់ប្រហារទៅលើជនរងគ្រោះ ១ពូថៅ ប្រាកដមែន។ ជនសង្ស័យបានសារភាពបន្ត ថា មុនពេលកើតហេតុ កាលពីវេលាម៉ោង ៨និង២០នាទីយប់ ថ្ងៃទី១៨ ខែតុលា ឆ្នាំ ២០២២ ខ្លួននិងជនរងគ្រោះ បានផឹកស៊ីជុំគ្នា នៅចំណុចបន្ទប់ជួល ស្ថិតក្នុងភូមិរំចេក៣ សង្កាត់រតនៈ ក្រុងបាត់ដំបង លុះក្រោយមក ពេលផឹកស្រាស្រវឹងរៀងខ្លួន ពួកគេទាំង ២ នាក់ បានកើតមានទំនាស់ពាក្យសម្តីនឹងគ្នា ទើបធ្វើឱ្យខ្លួនទ្រាំមិនបាន ក៏ស្ទុះទាញពូថៅ កាប់ទៅលើជនរងគ្រោះឈ្មោះផាន់ ផឺង បណ្តាលឱ្យរងរបួស មុតរយះសាច់ ចេញឈាម ផ្នែកខាងស្តាំ ក្រោមភ្នែកតែម្តង។ បន្ទាប់ពី ធ្វើសកម្មភាពរួច ខ្លួនក៏បានរត់គេច បាន២ ថ្ងៃ ក៏ត្រូវសមត្ថកិច្ចតាមចាប់ខ្លួនបាន កាលពី វេលាម៉ោង ៧និង៥៨នាទីយប់ ថ្ងៃទី២០ ខែ ធ្នូ ឆ្នាំ២០២២។
ជនសង្ស័យត្រូវបានការិយាល័យជំនាញ កសាងសំណុំរឿង ដើម្បីបញ្ជូនទៅសាលា ដំបូងខេត្តបាត់ដំបង ចាត់ការបន្តតាមនីតិវិធី៕
