តារាបាល់ទាត់ឆ្នើមប៉ូឡូញ Robert Lewandowski របស់ក្លឹប Barcelona ត្រូវបានផ្តល់កិត្តិយសជាមួយនឹងពាន រង្វាន់ Golden Foot Award ឆ្នាំ ២០២២ នៅក្នុងពិធីមួយដែលធ្វើឡើងក្នុងទីក្រុង Monaco ។
Golden Foot គឺជាពានរង្វាន់អន្តរជាតិដ៏មានកិត្យានុភាព ដែលត្រូវបានផ្តល់ទៅឱ្យតួអង្គបាល់ទាត់ និងកីឡាករ សម្រាប់សមិទ្ធិផលកីឡា និងបុគ្គលិកលក្ខណៈរបស់ពួកគេហើយអាចឈ្នះពាននេះបានតែម្តងគត់។
មុនពេលទទួលយកពានរង្វាន់ដ៏មានកិត្យានុភាពនៅឯវេទិកា Grimaldi កាលពីថ្ងៃពុធ Lewandowski វ័យ ៣៤ ឆ្នាំបានធ្វើឱ្យមានស្នាមជើងរបស់គាត់នៅទីនោះ។
Lewandowski ដែលជាខ្សែប្រយុទ្ធដ៏យូរអង្វែងរបស់ Bayern ដែលបានជួយក្លឹបនេះឱ្យឈ្នះពានរង្វាន់ Bundesliga របស់អាល្លឺម៉ង់ជាច្រើននិងឆ្នាំ២០២០ទទួលបានពានរង្វាន់យូហ្វាឆេមពានលីក។កាលពីខែ កក្កដា គាត់បានចាក ចេញពី Bayern Munich ទៅចូលរួមជាមួយ Barcelona ។
ជាមួយគ្នានេះដែរអតីតកីឡាករ Fatih Terim របស់តួកគី ដែលពីមុនបានបង្វឹកក្រុមជម្រើសជាតិតួកគី ក្លឹប Galatasaray, Fiorentina និង Milan របស់អ៊ីតាលី ក៏បានឈ្នះពានរង្វាន់ Golden Foot នេះដែរ។
Terim បានឈ្នះពានរង្វាន់ UEFA Cup ឆ្នាំ២០០០ជាមួយ Galatasaray និងបានឈ្នះពានរង្វាន់ ស៊ុបពើរលីក របស់តួកគីចំនួនប្រាំបីក្នុងនាមជាគ្រូបង្វឹក។
លោកធ្លាប់ជាគ្រូបង្វឹកក្រុមជម្រើសជាតិតួកគីក្នុងពានរង្វាន់ UEFA EURO ក្នុងឆ្នាំ១៩៩៦, ២០០៨, និង ២០១៦ ៕