ក្លឹបBayernបានចុះហត្ថលេខាលើកីឡាករសញ្ជាតិព័រទុយហ្គាល់ João Cancelo ក្នុងលក្ខខណ្ឌខ្ចីជើងពី Man City រហូតដល់ចប់រដូវកាល។នេះបើតាមការលើកឡើងរបស់ថ្នាក់ដឹកនាំក្លឹបBayernកាលពីថ្ងៃអង្គារ។Bayern នឹងមានលទ្ធភាពចុះហត្ថលេខាលើខ្សែការពារជាអចិន្ត្រៃយ៍ក្នុងរដូវក្តៅ។
សមាជិកក្រុមប្រឹក្សាភិបាលកីឡា លោកHasan Salihamidzic បាននិយាយថាJoãoគឺជាកីឡាករមួយរូបដែលយើងគិតមួយរយៈមកនេះពីព្រោះយើងពេញចិត្តចំពោះគុណភាពរបស់គាត់ខ្លាំងណាស់។គាត់ស័ក្តិសមបំផុតនៅក្នុងប្រព័ន្ធរបស់យើងជាមួយនឹងទម្រង់លេង និងកម្លាំងប្រយុទ្ធរបស់គាត់ ហើយចិត្តគំនិត និងបទពិសោធន៍របស់គាត់ក៏ល្អនៅក្នុងក្រុមរបស់យើងផងដែរ។
បន្ទាប់ពីចុះហត្ថលេខាកីឡាករCancelo បាននិយាយថា Bayern គឺជាក្លឹបដ៏ល្អបំផុតនៅក្នុងពិភពលោកហើយវាជាការលើកទឹកចិត្តដ៏ធំសម្រាប់ខ្ញុំក្នុងការលេងជាមួយកីឡាករដ៏អស្ចារ្យទាំងនេះនៅក្នុងក្រុម។Cancelo បានផ្ទេរពី Juventus មក City ក្នុងឆ្នាំ ២០១៩ជាកន្លែងដែលគាត់បានបង្ហាញខ្លួន១៥៤ ប្រកួត និងស៊ុតបញ្ចូលទីបាន ៩គ្រាប់៕
