កីឡាករអន្តរជាតិអៀរឡង់ Matt Doherty បានសម្រេចចិត្តចាកចេញពីក្លឹបTottenham មកចូលរួមជាមួយក្លឹប Atletico Madrid ក្នុងកិច្ចសន្យារហូតដល់ចុងបញ្ចប់នៃរដូវកាលនេះ ។នេះបើតាមក្លឹបបាល់ទាត់អេស្ប៉ាញបាននិយាយកាលពីម្សិលមិញ។ គ្រូបង្វឹកTottenham លោក Antonio Conte ពេញចិត្តក្នុងការលេងរបស់ Emerson Royal នៅខ្សែការពារស្តាំជំនួស Matt Doherty វិញនៅរដូវកាលនេះ។
Doherty ទើបតែចាប់ផ្តើមការប្រកួតប្រឺមីញេលីកចំនួន ៧ដងប៉ុណ្ណោះនៅរដូវកាលនេះ ហើយលោក Conte បានរិះគន់ទម្រង់លេងរបស់គាត់នៅក្នុងខែតុលា ដែលធ្វើអោយលោកមិនសូវចង់ដាក់អោយលេងដើម្បីចាប់ផ្តើមការប្រកួតទាំងអស់។
ខ្សែការពារស្តាំវ័យ៣១ឆ្នាំបានមកដល់បន្ទាប់ពីមានការយល់ព្រមព្រៀងគ្នាទៅវិញទៅមកជាមួយដើម្បីបញ្ចប់កិច្ចសន្យាជាមួយក្លឹបTottenham។Doherty បានចូលរួមជាមួយ Tottenham ពី Wolves កាលពីខែសីហា ឆ្នាំ ២០២០ និងបានបង្ហាញខ្លួន ៧១ប្រកួតដោយស៊ុតបញ្ចូលទីបាន គ្រាប់នៅក្នុងការប្រកួតទាំងអស់។
Atletico Madrid ក៏បានចុះហត្ថលេខាលើខ្សែប្រយុទ្ធហុល្លង់ Memphis Depay ក្នុងទីផ្សារដោះដូរកីឡាករខែមករាផងដែរ៕
