Thursday, March 28, 2024
Homeនយោបាយក្រសួងមហាផ្ទៃ ពន្យល់វិធានការ ចាប់ខ្លួនមន្ដ្រីបក្ស ប្រឆាំង

ក្រសួងមហាផ្ទៃ ពន្យល់វិធានការ ចាប់ខ្លួនមន្ដ្រីបក្ស ប្រឆាំង

ភ្នំពេញៈ ក្រសួងមហាផ្ទៃ កាលពីថ្ងៃទី២៩ ខែធ្នូ ឆ្នាំ២០១៦ បានចេញសេចក្ដីប្រកាស ព័ត៌មាន លើកឡើងអំពីវិធានការចាប់ខ្លួនមន្រ្តីគណបក្សប្រឆាំង ដោយបានបញ្ជាក់ថា វរសេនីយ៍ត្រី លោក ឈាន ពិសិដ្ឋ ពិតជាបានរងគ្រោះដោយសាររថយន្ដរបស់លោក ឌិន ពុទ្ធី បុកពិតប្រាកដមែន។ ដូច្នេះក្រសួងអំពាវនាវឲ្យសាធារណជន រក្សាភាពស្ងៀម ស្ងាត់ ត្រូវរង់ចាំលទ្ធផលចំណាត់ការរបស់តុលាការ ជាមុនសិន។

សេចក្ដីប្រកាសព័ត៌មានរបស់ក្រសួងមហាផ្ទៃ បានធ្វើឡើង ស្របពេលក្រុមអ្នកគាំទ្រ លោកឌិន ពុទ្ធី រាប់សិបនាក់ បានធ្វើបាតុកម្មបិទច្រកព្រំដែនអន្ដរជាតិប៉ោយប៉ែត ទាមទារឲ្យដោះលែងលោក ឌិន ពុទ្ធី ដោយចាត់ទុកការចាប់ខ្លួននេះជារឿងអយុត្តិធម៌។

នៅពេលមានការតវា ទាមទារឲ្យ​ដោះ​​លែង ឌិន ពុទ្ធី នោះ មានមនុស្សមួយចំនួន ត្រូវ អាជ្ញា​ធរឃាត់ខ្លួនរយៈពេលខ្លី ហើយក៏ត្រូវ​​បាន​ដោះលែងវិញ នៅថ្ងៃដដែលនោះ បន្ទាប់ ពីមាន​ការសន្យា​ឈប់តវា ។

គួររំលឹកថា កាលពីថ្ងៃ២២ ខែធ្នូ ឆនាំ២០១៦ មានករណីប៉ះទង្គិចមួយរវាងប៉ូលិសស័ក្ដិ៤ លោកឈាន ពិសិដ្ឋ ដែលត្រូវបានប្រជាពលរដ្ឋ និងមជ្ឈដ្ឋានទូទៅចោទថា បានធ្វើពុត ជាដួលសន្លប់នៅមុខរថយន្ដមន្ដ្រីគណបក្សសង្គ្រោះជាតិ លោកឌិន ពុទ្ធី ត្រង់ចំណុច ច្រកព្រំដែនអន្ដរជាតិប៉ោយប៉ែត។ ក្រោយហេតុការណ៍ លោកឌិន ពុទ្ធី ត្រូវបានសមត្ថ កិច្ចចាប់ខ្លួនភ្លាមៗ ដោយរងការចោទប្រកាន់ពីបទហិង្សាដោយចេតនា មានស្ថានទម្ងន់ ទោស។

អយ្យការអមសាលាដំបូងខេត្តបន្ទាយមានជ័យ កាលពីថ្ងៃទិ២៨ ខែធ្នូ ឆ្នាំ២០១៦ ក៏បាន ចេញសេចក្ដីថ្លែងការណ ដោយអះអាងថា បើតាមភ័ស្តុតាងបឋមទាំងអស់ដែលបានរក ឃើញ ប៉ូលិសឈ្មោះឈាន ពិសិដ្ឋ ពិតជាបានរងបួសនៅជើងស្ដាំ ដោយសារតែមន្ត្រី គណបក្សសង្គ្រោះជាតិ លោកឌិន ពុទ្ធី បើកឡានបុករហូតដល់ដួលសន្លប់ មិនមែនជា ការធ្វើពុត ដើម្បីទម្លាក់កំហុសទៅលើលោក ឌិន ពុទ្ធី ដូចការផ្សាព្វផ្សាយនៅតាម បណ្ដាញសង្គមហ្វេសប៊ុក និងសារព័ត៌មានមួយចំនួនឡើយ។ ដូច្នេះតុលាការសម្រេច បើកការស៊ើបសួរឈ្មោះឌិន ពុទ្ធី ពីបទហិង្សាដោយចេតនា មានស្ថានទម្ងន់ទោស ដើម្បីចាត់ការទៅតាមនីតិវិធីច្បាប់ ៕

RELATED ARTICLES